1 NENG SATANG 14:10 - Khumi Common Language Bible

¹⁰ Davida my, “Kaichi ly Philistia chengchi ai tiu ai a? Nang ly kaichi ai eaung hai ai a?,” nanai Tameuh teng y deng bo. Areng my, “Tiu ba! Kai ly nang ai eaung hai ai!,” napi.

1 NENG SATANG 14:10 ပူးပေါင်းရင်းမြစ်များ

2 SAMUELA 2:1

Naibaly Davida ly Areng teng y, “Kai ly Juda marychi theung i mary ha hareira y chei iy peang ai a?,” nanai deng. Areng my, “Ne, chei pajau mang,” nanai pathang. Davida my, “Mani mary y mo?,” nanai deng. Areng my, “Hebron mary y chei,” napi.

2 SAMUELA 5:19

Davida ly Areng teng y, “Kai ly Philistia chengchi ai tiu ai nai avo na a? Nangmy kai ai eaung hai ai a?,” nanai deng. Areng my, “Chei, kai ly nang ai eaung hai ai!” nanai pathang.

2 SAMUELA 5:23

Davida ly Areng teng y deng bi i, mymy ly “Nichi ai hini meingtym mang dengdairei tiu u moh. Nichi i tai nithun mang tapai iy, po kalang keungchi sahawi mang nichi ai tiu u.

1 ARENG KEH 22:6

Hunai deaungkho y Ahab ly amo leaung 400 virei ai palau iy, “Kai ly Ramoth mary y tiu ai nai avo a, avo y a?,” nanai deng. Amochi my, “Huni mary ai tiu ba; Areng my nang ai eaung hai ai mang,” napi u.

1 NENG SATANG 13:3

Naibaly samrang Sawla my peang nai thym khala, nawisu nai Tameuh i Leu Maikawm Pawm ai achi my lo u sina,” napi.

1 NENG SATANG 14:11

Hunaibaly Davida ly Bala Perazim mary y, Philistia chengchi ai tiu i eaung bo. Davida my, “Areng ly paleung ka-e tavaimichi ai tavo tui lem hai heu iy taphra nai kamta, kai ai teaung iy taphra bo,” nanai thui. Na i py huni meingtym ai Bala Perazim mary, nanai amyn pathi u nai ne.

1 NENG SATANG 14:14

Davida my py Tameuh teng y leu deng bi bo. Tameuh my, “Nang ly hini meingtym mang dengdairei tiu moh. Takhra mang y amhi iy chei vui ly thengmui keungchi sahawi mang tiu ba.

1 NENG SATANG 14:9

Philistia chengchi ly Rephaim leaunghawi ra tym u nai khala, khumichi ai tiu amteaung bo.

LEU KACHENG 3:6

Nang i sa naira tleirei y, Areng ai pany jo ba; huna baly mymy ly nang ai lam kateng ang patei ai.

1 SAMUELA 30:8

Huna nai khala y Davida ly Areng teng y, “Kai ly hini mary ai tiu nai khumichi nithun hui ai a? Nichi ai kapatiu ai a?,” nanai deng. Mymy ly “Nichi nithun hui; nang ly nichi ai patiu iy, langheng hawi naichi ai atleu pajau ai mang,” nanai pathang.