1 NENG SATANG 14:1 - Khumi Common Language Bible

¹ Turu mary i samrang Hiram ly Davida teng y ka-sum ka-pai sa nai kamkawm harei pato iy, samrang i yhm sa ai nai saitleang keungchi hawi vanrei, lasamachi, iusai kakawpchi tha pi nai ne.

1 NENG SATANG 14:1 ပူးပေါင်းရင်းမြစ်များ

2 SAMUELA 7:2

Amo Nathan teng y,” “Khen cham, kai ly Seda keung hawi sa nai samrang yhm y awm ai nai nga teu i py, Tameuh i Leu Maikawm Pawm ly kanih yhm theung y awm jo lawh ly!” napi.

1 ARENG KEH 5:1

Turu samrang Hiram ly Samrang Davida hawi amsawi amnai asa iy awm jo nai ne. Naibaly ampo Davida i meingtym y Solomon amtym iy samrang lawm, nanai thai nai khala y ni ly Solomon teng y savaichi pato bo.

1 ARENG KEH 5:15

Solomon ly lengseaung si ai nai khumi leaung 80,000 rei, lengseaung tawn ai nai khumi leaung 70,000 reichi ai vanrei mawi mang y pato.

1 ARENG KEH 5:18

Solomon i kalop sa naichi hawi Hiram i kalop sa naichi ly Achura Yhm sa ai nai molam y, Bebilo mary i khumichi hawi vanrei, lengseaungchi si nai hawi dengkeaungchi angvei u bo.

1 ARENG KEH 5:6

Hunai deaungkho y kai i vui saitleang keungchi paliu pi ai nai, nang i khumichi ai Lebanon thengreung mang y pato pi kyh ba. Kai i khumichi ai py sabawm hai ai; nang i dawn pasym yb nai kamta vang ly kaimy kang pei ai. nang i pany nai kamta kai i khumichi ly nang i khumichi kamta dengkeaung paliu ai nai kawp u y leang,” napi.

1 NENG SATANG 14:2

Na i py Davida ly mymy ai Israela samrang lawm ai nai Areng my khai pi bo, nanai py, mymy i khumichi hawi ai nai Israela pri y nang chawn hai bo nanai py apany bo.

1 NENG SATANG 17:1

Vai ly samrang Davida ly mymy i yhm y awm nai ne. Kanirei nai khala ni ly amo Nathan ai palau iy, “Kai ly saitleang keung hawi sa nai yhm y awm. Tameuh i Leu Maikawm Pawm ly tai theung y awm nai ne!” napi.

1 NENG SATANG 22:2

Samrang Davida ly Israela pri theung y awm nai cheng takhra khumichi ai angym hai iy, kalop sa hai bo. Phyreichi ly Achura yhm sa naira y lengseaungchi si ai nai tla.

2 NENG SATANG 2:2

Samrang ly vawnsaichi tawn ai nai kalop sa keung khumi leaung 70,000 rei, lengseaung khawi nai kalop sa keung khumi leaung 80,000 rei, kalop sa keungchi ai kalop pacheang nai keung leaung 3,600 reichi ai khai takhra bo.

2 NENG SATANG 2:3

Solomon ly Turu samrang teng y savai pato iy leu pei nai ly “Nang ly kai i ampo samrang Davida teng y samrang yhm sa ai nai molam saitleang keungchi jo pi nai kamta, kai hawi py ka-jo ka-van so sina.

EZARA 3:7

Khumi mipuichi ly lu sa kawp naichi hawi lasamachi ai pei ai awm nai tangkachi sabawm u nai ne. Lebanon daichi i saitleang keungchi ai pangli dengdai Joppa tuivum y tym pa-rei pathui hai ai nai Turu hawi Sidon mary i khumichi teng y teicha teinei, kreip hang hawi olive asituichi tha pi; hunichi ly Pasia empara pri peang nai samrang Kuru my leu pei nai ne.