1 NENG SATANG 12:8 - Khumi Common Language Bible

⁸ Davida ly khutaha daichi ka-vym amtangra y awm nai thym khala, ni i tavaimichi theung y kun u nai amyn amthang nai risachi ly anui mang ichi ne. Nichi ly khrangsi kamta ka-jei awm iy, khupui hawi tivi teaung naira y amyn amthang. Mawi tleaung i sisiu kamta rang parai nai ne.

1 NENG SATANG 12:8 ပူးပေါင်းရင်းမြစ်များ

2 SAMUELA 1:23

“Lyh ai hawi parai iy paleung ka-no hawi nai Sawla hawi Jonathan nini ly heng vanrei, dei vanrei, Ahmtlau tleaung y rang iy, khrangsichi tleaung y atho awm keh.

2 SAMUELA 17:10

Hunaibaly khrangsi kamta jei nai paleung tama iy, khri pa-rei vam parai nai khumichi malawn py angtheng u ai. Ati mana nai mo nabaly nang i ampo ly sorai risa pui leaungrei ne iy, ni i tavaimichi py tavai atiu kawp naichi, nanai Israela cheng vereichi pany u nai deaungkho y ne.

2 SAMUELA 2:18

Zeruiah i chapo leaung thomrei, Juaba, Abisai, Asahelachi ly tavai keung y abawi u. Asahela ly sisiu kamta angpreng rang parai nai ne.

2 SAMUELA 23:20

Kazila mary y awm nai Jehojada i chapo Benaja ly amyn amthang nai sorai risa leaungrei ne. Ni ly vam parai nai kalopchi sa; ni ly khri pa-rei tlang atho awm nai Moba tavaimi risa leaung nyhrei ai padei nai ne. Naibaly khri pa-rei savai nanai kaseih neng, kanirei nai khala y ni ly tapiu theung y kun iy, khrangsi harei ai padei pajau.

1 NENG SATANG 11:16

Huni neng khala Davida ly amtangra kakhaw sa yb nai mawi saleung harei ra awm iy, Philistia kamkawm hareichi py Bethlehem mary y meingtym la yb nai ne.

1 NENG SATANG 11:22

Kezela mary i Jehojada i chapo Benaia ly amyn amthang nai risa leaungrei ne. Ni ly sorai kalopchi neangneang sa. Huni kalopchi theung y khri pa-rei len nai Moba khumi leaung nyhrei ai padei nai py abawi nai ne. Kanirei nai khala y ni ly kadam tla nai neng y mawi tapiu theung y kun i, khrangsi amairei padei.

1 NENG SATANG 12:16

Kanirei nai khala Benjamin hawi Juda theaungchi theung i khumi phyreichi ly Davida awm nai amtangra mang y jeu u bo.

1 NENG SATANG 12:9

Kalop kalen katheang ka-thui nichi i amynchi ly: Ezo, Obadia, Eliaba, Mishmanah, Jeremia, Atai, Eliel, Johanan, Elazaba, Jeremia hawi Makhabanai napi naichi ne.

2 NENG SATANG 25:5

Samrang Amazia ly Juda hawi Benjamin theaung bawibawichi teng y, mychi nupai kamkawm akachu iy, khumi leaung sangrei tavailu hawi leaung chungvairei tavai luchi khai pi bo. Huni risachi ly saneng apomrei hawi leng awm naichi ne i, bawibawi leaung 300,000 rei awm. Nichi ly tivi hawi khopuichi teaung kawp iy, tavai atiu ai nai angveirym nai hawi vawi patyp nai risachi ne.

LEU KACHENG 28:1

Khumi hawi y nai ly mymy ai pareng nai khumi by y pui naimy angpreng reng. Na i py khumi kahawi ly khrangsi kamta vam parai nai ne.

LEU KACHENG 6:5

deaung y man i, tleaung ai nai amprai nai tavo kamta, mawi sara teng i tleaung ai nai ampreng nai sisiu kamta, tleaung ai nai nangmy atho so ba.

Solomon i khulym 8:14

Kai i khrei nai keung awi, sikhicho kamta py, rimui keung cheaungkhang prau nai mawi salo i, sisiu beaungjeaung katai kamta py, kai teng y jeu jau ba.

JEREMIA 46:9

Keaungngochi lyn u; ka-richi awi, athorei my amli u! Khupui syn nai Ethiopia neampachochi hawi Libia neampacho, Juda neampacho thailiho syn nai tavaimichi awi, tavai thau u jau,’ nanai thui bo,” nanai Areng my leu pei nai ne.

1 SAMUELA 23:14

Davida ly Zipha daichi ka-vym mawi mang y aheu vui bo. Sawla ly ni ai neng awm nai kamta atho sa iy hau; na i py Tameuh ly Davida ai Sawla i kiu y au y.

1 SAMUELA 23:29

Davida ly hu i dengdairei theu iy, Engkedi meingtym mang y aheu vui bo.

1 SAMUELA 24:22

Davida ly adeu nai ne. Naibaly Sawla ly my i yhm mang y vawi ali teang i, Davida hawi my i khumichi ly mychi i aheu nai meingtym mang y vawi teang bo.