1 NENG SATANG 12:19 - Khumi Common Language Bible

¹⁹ Davida ly Philistia chengchi hawi vanrei samrang Sawla ai tiu ai nai amsa nai khala, Manase theaungchi theung i risa phyreichi ly Davida mang y abawi u. Philistia cheng luchi my Davida ly mymy i yhmkeung Sawla mang y abawi iy, nichi ai ka-awi sa ai ngaw khyh, nanai paleung mawn i, Davida ai Zikala mary y pato teang nai ne. Hunai deaungkho y Davida ly Philistia chengchi mang y asa hai ai nai ka-dawn by y vui bo.

1 NENG SATANG 12:19 ပူးပေါင်းရင်းမြစ်များ

ATITI AWM ANGCHEI NAI 43:23

Miseaung lu my, “Nangchi paleung mawn u moh, Jei py jei u moh. Nangchi i Tameuh, nangchi ampo i Tameuh my nangchi i paiso pui theung y nangmychi tangka ang khai pi nai ne ai. Nangchi i pei nai choh vang ly kanga veng bo,” napi. Naibaly ni my Simeon ai py mymychi teng y tym hai teang bo.

2 SAMUELA 17:25

(Abasalom ly Amasa ai Juaba i meingtym tavailu areng kehra y khai bo. Amasa ly Ismaela chengJetha i chapo ne. Ni i amhm ly Nahash i chaniu, Juaba i amhm Zeruiah i amnau Abikaila ne.)

1 NENG SATANG 12:20

Zikala mary mang y Davida vawi vui nai thym khala, Manase theaungchi ni mang y abawi nai soraichi ly Adana, Jozaba, Jediaela, Mikhaela, Jozaba, Elihu hawi Zilethaichi ne. Nichi bawibawi ly Manase theaung leaung sangrei kamkawm tavailu arengchi ne.

ZEKHARIAH 8:2

“Jerusalem mary i khumichi tlang tleaung y khri pa-rei katamen nai deaungkho y, nichi i paleung ka-echi tlang tleaung y kado theu hai nai ne i py, kai i tamen nai saho y, huni mary ai sabawm ai nai kadeaung nai ne.

TARA CHIH NAI KEUNGCHI 6:34

Areng i phailo ly Kideon teng y tym nai deaungkho y, ni ly Abieza nupai bawibawichi ai, mymy nithun abang u ai nai baw eng bo.

1 SAMUELA 29:10

Hunai deaungkho y nang hawi vanrei, Sawla teng i nai kai teng y ang pyn u nai khumi bawibawichi ly khawndam angthodyh ang thau iy khutawi phai tawi baly, theu u jau ba,” napi.