1 NENG SATANG 12:18 - Khumi Common Language Bible

¹⁸ Tameuh teng i Phailo ly Amasai tlang tleaung y tym i, kangkhym y risa leaung phaireichi i tavailu areng lawm nai Amasai my, “Jese i chapo Davida awi, kaichi ly nang i khumichi ne! Tameuh ly nang mang y awm! Nang hawi vanrei nang ai sabawm nai khumichi ly eaung naira ngo u sy!” nanai aeu u bo. Davida ly nichi ai kawn i, mymy i tavaimi theung y miteaung kehchi lawm hai bo.

1 NENG SATANG 12:18 ပူးပေါင်းရင်းမြစ်များ

2 SAMUELA 15:21

Na i py Itai my, “Samrang awi, kai ly dei ai nai ne teu i py, samrang nang i chei naira tleirei y abang veangveang ai, nanai Areng i amyn y kai ly vaineng abeu bo,” nanai pathang.

2 SAMUELA 17:25

(Abasalom ly Amasa ai Juaba i meingtym tavailu areng kehra y khai bo. Amasa ly Ismaela chengJetha i chapo ne. Ni i amhm ly Nahash i chaniu, Juaba i amhm Zeruiah i amnau Abikaila ne.)

2 SAMUELA 19:13

Huni bo y Davida ly Amasa teng y, “Nang ly kai i amjo amnau ne; vai i dengdairei nang ai Juaba i meingtym tavailu areng kehra y kang khai bo. Kai ly huna nai kaso y lawh baly, Tameuh my kai ai dei pa-rei pajeng na sy!” nanai amti pi ai nai py leu pei bo.

2 SAMUELA 5:2

Vaichi khala Sawla samrang lawm nai thym khala y, nang ly Israela cheng theaung bawibawichi ai lu sa iy, tavai thau nai ne. Areng my py ‘Nang ly kai i khumichi ai lu sa iy, nichi ai peang ai nai tla ai’ nanai nang ai leu ang pei bo,” napi u.

1 ARENG KEH 9:22

Solomon ly Israela chengchi ai miseaung y khai y leang. Nichi ly tavaimichi, samrang i bangtangchi, tavailu arengchi, tavai ka-ri luchi, keaungngo tavaimi kalopchira y sa.

2 ARENG KEH 10:15

Jehu ly hu i dengdairei theu bi i, lam y Rekhab i chapo Jonada hawi avum. Jehu my ni teng y, “Nang ly kai i paleung ka-dawn hawi atawm; nang ly kai ai sabawm ai a?,” napi. Jonada my, “Kang sabawm ai,” napi. Naibaly Jehu my, “Hunaibaly nang i kiu pei,” napi. Jonada my kiu pei nai khala, Jehu ly kiu amkhaw iy Jonada ai ka-ri tleaung y lyn hai chum baly,

2 ARENG KEH 10:5

Hunai deaungkho y samrang yhm kry nai keung, mary kry nai keung, mary i mipuichi hawi Ahad i katu chanauchi ai kry nai khumichi my Jehu teng y, “Kaichi ly nang i miseaungchi ne nai deaungkho y, nang i leu pei naichi tangai ai nai angchi yb bo. Na i py kaichi ly ami ai py samrang palyn y leang. Nangmy i avo nai kamta so ba,” nanai cha pathang pi u.

2 ARENG KEH 9:32

Jehu ly angdeang kalau iy, “Kai mang y ami abawi ai mo?,” nanai deng. Huna nai khala bangtang leaungnyh, leaung thomreichi ly samrang yhm thaibeng katheu pa-kho mang khen u kathiu bo.

1 NENG SATANG 11:11

Huni khumichi i amynchi ly angchei y Hamoni nupai Jashobeam ne. Ni ly sorai leaung thomreichi theung y lu ne. Tavai tlenrei atiu naira y my khumi leaung 300 reichi ai tivi hawi thun iy padei nai keung ne.

1 NENG SATANG 12:17

Davida ly nichi ai lamchung iy, “Nangchi ly ahawi kamta kai ai sabawm ai nai jeu u nai ne lawh baly, hi y jeu u ba. Kaichi mang y kun u! Na i py nangchi ly kai ai paleung ka-echi teng au ai nai jeu u nai ne lawh teu baly, kai ly nangchi ai no nga ai nai kangso y teu i py, achi i amsi pajochi i Tameuh my ly nangchi i sa nai niu iy nangchi ai ang pajeng ai,” napi.

1 NENG SATANG 2:17

Ni i chaniu Abikaila ly Ismaela i kangpreang Jether hawi yhmtheaung sa. Nini ly Amasa napi nai chapo leaungrei sa nai ne.

ISAIA 59:17

Mymy ly ka-dyh ka-dawi napi nai tamo baichu amchiu iy, atleu naira napi nai tamo lukhym adeung ai. Khri pa-rei tamen naira napi nai ateaung kangjiu ai py, khumichi i avum nai teng y nairachi molam y vawitheung tha naira hawi pajeng naira napi nai ateaung py amthyp ai.

ZEKHARIAH 8:23

Huni neng kani y Juda khumi leaungrei ai, cheng takhra khumi leaung horeichi my, ‘Tameuh ly nang hawi vanrei awm, nanai kaichi thai bo. Hunai deaungkho y kaichi ly nangchi hawi vanrei, sih hawi amdai ahawi ai nai ngai,’ nanai thui ai,” napi.

MATTHAI 12:30

Ami py kai mang y aso hai y nai ly kai ai tiu nai ne; ami py kai ai lo hai achu y nai ly ahei hai nai ne.

KALATIA 6:16

Naibaly huni i reita kamta tako nai ngiereichi hawi Tameuh i Israelachi i tlang tleaung y py awmnem naira hawi pahen naira py awm sy.

TARA CHIH NAI KEUNGCHI 13:25

Naibaly deaungdi ly Zorath mary hawi Setola mary sala, Dan i tai naira y awm nai thym khala, Areng i sa thai naira ly ni ai atho awm hai amteaung bo.

TARA CHIH NAI KEUNGCHI 3:10

Areng i phailo ly ni i tlang tleaung y tym i, ni ly Israela chengchi ai lu sa nai keung y lawm bo. Othniela ly tavai tiu ai nai chei i, Areng ly ni ai eaung naira pei nai deaungkho y, Mesopotamia pri i samrang ai eaung vui nai ne.

TARA CHIH NAI KEUNGCHI 6:34

Areng i phailo ly Kideon teng y tym nai deaungkho y, ni ly Abieza nupai bawibawichi ai, mymy nithun abang u ai nai baw eng bo.

RUTHI 1:16

Na i py Ruthi my, “Ni nang hawi amprei vui ai nai kai ai atho so hai moh! Kai ly nang hawi vanrei abang ai. Kai ly ni nang i chei naira mang y chei ai; ni nang i awm naira y kai py awm teang ai. Ni nang i chengchi ly kai i chengchi ne, nang i Tameuh ly kai i Tameuh ne.

1 SAMUELA 16:4

Samuela ly Areng i leu pei nai kamta sa ai nai, Bethlehem mary y chei bo. Huni mary i lu sa nai miteaung kehchi ly kaso theu u naimy lamchung u i, “Areng awi, nang ly paleung awmnem naimy jeu nai a?,” nanai deng.

1 SAMUELA 16:5

Samuela my, “Paleung awmnem naimy kang jeu nai ne; kai ly Areng teng y apathyp ai nai kang jeu nai teu; nangchi ly nangmychi naimy apachai iy, kai hawi vanrei abang u,” napi. Jesai i chapochi ai py mychi apachai iy, apathyp naira y jeu ai nai palau bo.

1 SAMUELA 22:7

my i miteaung kehchi teng y, “Nangchi Benjamin cheng theaungchi awi, tangai u! Davida ly nangchi ai li hlauchi hawi kreip akhochi ang pei iy, tavaimichi ai peang nai miteaung kehra y ang khai ai, nanai athang khai u a?

1 SAMUELA 24:12

Ani leaung nyhrei theung y ami tamang mo, nanai Areng my chih pi na sy; nang ly kai i tlang tleaung y sa nai saichi molam y, mymy ly nang ai kamngo pajeng na sy; kai ly nang ai maidenreichy py, ka-jeira pei ai ny y.

1 SAMUELA 24:13

‘Hawi y nai ly hawi y nai khumi naini sa khyh’ nanai jangni i thui achi nai leu nang pany. Hunai deaungkho y kai ly nang i tlang tleaung y ka-jei pei ai ny y.

1 SAMUELA 24:16

Huna nai Davida my thui pi pajau nai bo y Sawla my, “Nang ly meitang khyp, kai i chapo Davida teu bo,” nanai thui i vo bo.

1 SAMUELA 8:12

Ni ly phyreichi ai khumi leaung sangrei peang nai tavailu areng, phyreichi ai khumi leaung vuipangreichi ai peang nai tavai lura y ang khai ai; nangchi i chapochi ly samrang i lichi thawn iy chohchi tyn ai nai tla ai; ni i tavai ateaungchi, tavai ka-ri ateaungchi sa u ai nai tla ai.