1 ARENG KEH 8:9 - Khumi Common Language Bible

⁹ Aikupta pri i dengdairei Israela chengchi theu u nai khala, nichi i Areng my Leu Maikawm asa nai Sinai mawi meingtym y, Mosi my khai pi nai lengseaung phei nyhrei ny y baly, huni Leu Maikawm Pawm theung y ati sai py by y.

1 ARENG KEH 8:9 ပူးပေါင်းရင်းမြစ်များ

THEU NAI 25:21

Lengseaung phei nyhrei ly Pawm theung y khai iy, khym typ ai nai tla.

HEBRAI 9:4

hunira y ly rimui pakhyh nai muku laawm hawi, muku bih nai leu mailkawm pawm py awm: huni theung y Manna awm naira muku laawm hawi, Aron i cheaungvawi ampho nai hawi leu maikawm lengseaung phei nyhrei py awm.

THEU NAI 40:20

Huni bo y ni ly lengseaung phei nyhrei ai Leu Maikawm Pawm theung y khai typ bo; Pawm i sengtlengchira y samtleang thawi iy, khym py Pawm salo y tleang typ bo.

2 NENG SATANG 5:10

Leu Maikawm Pawm theung y Leu Maikawm lengseaung phei nyhrei ny y baly, takhra ati sai py by y. Israela chengchi ly Aikupta pri i dengdairei theu u nai neng, Areng my nichi hawi Leu Maikawm asa nai thym khala, Mosi ly huni lengseaung phei nyhrei ai Leu Maikawm Pawm theung y khai pi nai ne.

Leu Thui Nai 4:13

Areng my nangchi hawi asa nai Leu Maikawm, napi nai Leu sai Horei pei nai tangai ai nai tla, nanai leu pei bo. Huni leu pei naichi ai lengseaung phei nyhreira y tajiu pi nai ne.

AMTENG HAI NAI 15:8

Naibaly Tameuh i nang parai naira hawi sa thai naira deaungkho y huni meingtym kachai ly maikhyh khiu meuh veng bo; naibaly huni kani pri i amtaw thau nai leaung saryhreichi teng y awm nai patang hai naira saryhrei tem y ryrei ly ami py huni meingtym kachai y kun pajau y.

Ezekiela 10:4

Areng i nang parai nai kangvang ly huni heng nai amjychi salo y angteang kalau iy, Achura yhm y kun nai pa-kho mang y asyh vui bo. Naibaly Achura yhm ly khupanym my kawi na i, apai ly Areng i nang parai naira hawi angvang phang nai ne.

1 ARENG KEH 8:21

Achi i amsi pajochi ai Aikupta pri i dengdairei theu hai nai thym khala y, Areng my nichi hawi asa nai Leu Maikawm lengseaung pheichi abawi nai Leu Maikawm Pawm ai ly Achura Yhm theung y khai ai nai meingtym sa rym bo,” napi.

Leu Thui Nai 31:26

“Tameuh i reita leu pei nai cha-iu lo u ly nangchi i Areng Tameuh i Leu Maikawm Pawm sahawi y khai u; huni cha-iu ly mymy i khumichi i vui y pany ai hawi nai ka-ma-ra ne i, huni meingtym y awm jo ai nai tla.

Kati Nai 17:10

Areng my Mosi teng y, “Aron i cheaungvawi ai ly Leu Maikawm Pawm mo y khai hai ali teang. Hini tiu reng nai Israela chengchi my josei baly dei u ai, nanai pany hai naira ne i, Aron i cheaungvawi ai ly huni meingtym y khai ai nai tla” napi.

Kati Nai 9:15

Areng i awmra Tabynako ai tahyh nai kani y, tamai beu i huni ai khiu meuh bo. Vum y huni tamai ly maiteaung kamta angvang nai ne.

Levi 16:2

“Nang i ngamjo Aron ly kanih ali hang nai theung mang Chai Keh nai Meingtym y khai pi yb nai neng khala naini, kun ai nai tla, nanai thui pi. Ati mana nai mo na baly Kai ly chai keh nai meingtym i Leu Maikawm Pawm khym salo i tamaira y amteng ai. Ni ly hini reita leu pei nai tangai y lawh baly dei ai.

THEU NAI 16:33

Mosi ly Aron teng y, “Laawm harei lo ly Manna tako sie nyhrei khai, achi i deung kangthauchi i vui reume ai nai Areng i mo y khai ai nai tla,” napi.

THEU NAI 16:10

Naibaly Aron ly mipui bawibawichi teng y Mosi my leu taviu nai kamta thui pi nai thym y, nichi ly daichi ka-vym mang y khen tapai nai i, tlenrei khyhmy tamai dengdairei Areng i kangvang sangso ly alaukau nanai niu u bo.

THEU NAI 14:24

Khutawi en khala Areng ly tamai angjawi hawi maiteaung mang dengdai, Aikupta tavaimichi ai khen kathiu i, nichi ai ahei hai phro bo.

THEU NAI 13:21

Nichi ai pahawi nai thym y, Areng my kani thun y ly tamai angjawi hawi nichi i mo y lam patei i, vum y ly maiteaung kangvang hawi mo mang y to pi bo. Huna nai kamta vum kani thun nichi ly khuleaung chei thai nai ne.

THEU NAI 25:16

Reita leu pei naichi tajiu typ nai lengseaung phei nyhrei kang pei ai. Huni lengseaung phei nyhrei ai ly huni Pawm theung y khai ai nai tla.

2 NENG SATANG 5:9

Samtleang kadeaungchi ai meingtym kachaira kun nai katheu pa-kho mang niu pajau khyh; takhra mani mang py niu pajau y. Huni samtleangchi ly vaini khrairei, huni meingtym y awm.