1 ARENG KEH 5:9 - Khumi Common Language Bible

⁹ Kai i khumichi ly dengkeaung jeungchi ai Lebanon mawi i dengdairei pangli peang y tym pa-rei palai iy, dengkeaung panchi sa hai ai i, nang i ngai nai tuivum y khrairei ahui kathiu pi ai. Nichi ly huni tuivum y dengkeaung panchi taphra iy, dengkeaung jeungchi ly nang i khumichi teng y au pi ai. Nang ly kai i khumichi i vui teicha teineichi sabawm pi ba,” nanai leu atli hai bo.

1 ARENG KEH 5:9 ပူးပေါင်းရင်းမြစ်များ

1 ARENG KEH 3:12

nang i hnei nai kamta kang sa pi ai. Nang ny y rai khala i ami py ngo vai y nai, nang i bo y py nga ai ny y nai cheng naira hawi pany thai naira ly nang ai kaimy kang pei ai.

1 ARENG KEH 4:20

Juda pri hawi Israela pri i mipuichi ly pangli peang i spryh jirei nawi nai ne. Nichi ly amo theu naimy cha nei iy awm u bo.

1 ARENG KEH 5:10

Naibaly Hiram my Solomon i ngai nai ryrei saitleang keung hawi maicha keung tha pi iy,

1 ARENG KEH 5:8

Naibaly Hiram ly Solomon teng y, “Kai ly nang i leu taviu nai kanga bo; kai ly nang i leu pei nai kamta sa ai nai angveirym bo. Nang teng y saitleang keungchi hawi maicha keungchi kang tha pi ai.

1 ARENG KEH 9:27

Samrang Hiram ly sampho kalopchira y kyhchaw nai khumi phyreichi ai, Solomon i khumichi hawi vanrei kalop sa ai nai pato pi bo.

2 NENG SATANG 1:15

Ni i peang nai deung y Jerusalem mary y muku hawi tangka ly lengseaung kamta, saitleang keung ly Juda mawi kheutang ra y prau nai thaidu keung kamta nawi nai ne.

2 NENG SATANG 2:16

Kai ly nang i aly ngai nai kamta Lebanon mawi i saitleang keungchi paliu iy, dengkeaung pan sa ai i, pangli mang Joppa mary tym pa-rei pathui pi ai. Huni mary i dengdairei Jerusalem mary y tym pa-rei ly nang i khumichi my la pajau mang,” napi.

2 NENG SATANG 9:22

Samrang Solomon ly khaileaung pri y awm nai samrang bawibawichi tleaung y nang iy cheng keh bo.

EZARA 3:7

Khumi mipuichi ly lu sa kawp naichi hawi lasamachi ai pei ai awm nai tangkachi sabawm u nai ne. Lebanon daichi i saitleang keungchi ai pangli dengdai Joppa tuivum y tym pa-rei pathui hai ai nai Turu hawi Sidon mary i khumichi teng y teicha teinei, kreip hang hawi olive asituichi tha pi; hunichi ly Pasia empara pri peang nai samrang Kuru my leu pei nai ne.

JOBA 32:8

Na i py khumichi ai cheng naira pei nai keung ly ati cheaungkhang sa thai nai Tameuh i phailo ne.

Parip nai leu 1:16

Kai ly kaimy ai, “Kai ly khumi kalen kalawn lawh bo; kai ny y rai khala i Jerusalem mary y peang nai samrangchi tleaung y py cheng naira awm. Cheng naira hawi tau cheng naira kanga yb nai bo. Meitang khyp, cheng naira hawi tau cheng naira, napi nai ly atichi mo, nanai kai kapany,” nanai kadawn.

Ezekiela 27:17

Juda pri hawi Israela prichi my ly nang i vawnsaichi ai Minet mary mang i chohpui chamaw choh, khawi hang, olive asitui, mui katuichi hawi van u bo.

AMTAW 12:20

Naibaly mymy ly Tura hawi Sidon avang i khumichi i tlang tleung y khrikhri pa-rei paleung hawi y bo. Hunaibaly nichi ly leu vanrei adyh naimy mymy teng y chei, naibaly Blasta, samrang ai ira y typ nai keung ai ly ahawi ka-dawi asa i, nichi i pri ly samrang i pri mang y cho nga reng nai deaungkho y aly ai nai hnei.

Leu Thui Nai 3:25

Aw Areng, kai ai Jordan tavo angpeang ai nai pei kyh ly humang vai i paitiu khuta hawi nai pri ai py, apu parai nai mawitleaung pri hawi Lebanon mawichi ai py niu ai nai pei kyh,’ nanai takeng bo.