1 ARENG KEH 22:3 - Khumi Common Language Bible

³ Ahab ly my i bangtangchi teng y, “Achi ly Kilead pri Ramoth mary ai Suria samrang teng i nga ali teang ai nai ati mana nai y, ati sai py so y naimy awm u lawh mo? Huni mary ai achi my peang nai ny y a?,” napi.

1 ARENG KEH 22:3 ပူးပေါင်းရင်းမြစ်များ

2 SAMUELA 19:10

Achi ly Abasalom ai achi i samrang lawm ai nai asitui leih pi teu i py, ni ly tavai keung y dei veng bo. Hunai deaungkho y samrang Davida ai palau teang ai nai, ati mana nai y achi dawn y naimy awm u lawh mo?” nanai mymychi tengtawi a-ei u bo.

1 ARENG KEH 22:29

Israela samrang Ahab hawi Juda samrang Jehoshapha ly Kilead pri Ramoth mary tiu ai nai tavai amsa hawi bo.

1 ARENG KEH 4:13

Benkeba ly Manase i chapo Ja-ira kangpreangchi my peang nai Kilead pri Ramoth mary hawi avangchi; Bashan pri Arakoba khu; mary apai hawi kheupaja apai katheu pa-kho angtleang tai nai mary pui vui tariureichi ai peang bo.

2 ARENG KEH 8:28

Israela samrang Joram hawi Suria samrang Hazaela nini tavai atiu u nai khala y, Ahazia ly Joram mang y asa hai nai ne. Kilead pri Ramoth mary y atiu nai khala, Joram ly tamo nga.

2 ARENG KEH 9:14

Naibaly Jehu ly samrang Joram ai kangviu y padei ai nai dawn paviu bo. Huna nai khala samrang ly Suria samrang Hazaela hawi Ramoth mary y atiu nai khala nga nai tamo hawi sa ai nai Jezarela mary y tym yb nai ne. Hunai deaungkho y Jehu ly my i ahawi tavailu arengchi teng y, “Nangchi ly kai mang y asa naichi ne baly, Jezarela mary i khumichi teng y pany hai ai nai, ami py Ramoth mary i nai theu moh sy,” napi.

Leu Thui Nai 4:43

Ruben theaung i vui mawi aheung khutaha meingtym Bezera mary ai py, Kad theaung i vui Kilead pri i Ramoth mary ai py; naibaly Manase theaung i vui Bashan pri i Kolan mary ai py, abyhra marychi palawn pi nai ne.

JOSUA 20:8

Jordan tavo nisi mang, Jeriko mary nisi Ruben khu ka-peang mawi ka-sang daichi ka-vymra i Bezar mary, Kad khu ka-peang Kilead khura i Ramoth mary, Manase i khu ka-peang Bashan khura i Kolan marychi ai abyhra marychi palawn iy, vawi u takhra bo.

JOSUA 21:38

Nichi ly Kad khu ka-peang theung i mary palyhrei nga u. Hunichi ly tengpang sahawi i awm nai sui tlai nairachi raurei, Kilead pri y awm nai Ramoth mary (abyhra mary harei), Mahanaim mary,

TARA CHIH NAI KEUNGCHI 16:2

Kaza mary i khumichi ly Samson tym, nanai thai u nai deaungkho y, huni yhm ai kataingmeuh iy, apai pa-khora y vumtorei ajeng u bo. Nichi i dawn nai ly “Achi ly ni ai khutawi pa-rei ajeng iy padei vui ai,” nanai ne.

TARA CHIH NAI KEUNGCHI 18:9

Nichi my, “Jeu u, Laisa mary ai tiu u sina; huni pri ly khri pa-rei hawi nai kaichi niu bo; hini meingtym y awm u jo ai rai a? Awn u kaliki! huni pri y chei iy tiu u sina!