1 ARENG KEH 2:3 - Khumi Common Language Bible

³ nang i Areng Tameuh my leu pei nai kamta so; Mosi i reita cha-iura y tajiu nai kamta, mymy i reitachi hawi leu pei nai ngiereichi tangai ba. Hunaibaly nang i sa naira tleirei y hawi, chei naira tleirei y eaung ai.

1 ARENG KEH 2:3 ပူးပေါင်းရင်းမြစ်များ

2 SAMUELA 8:14

Ni ly Edom pri verei y tavai tairachi sa nai deaungkho y, huni pri i khumichi ly ni i anui y awm u. Areng ly Davida i tavai thau naira tleirei y eaung hai nai ne.

2 SAMUELA 8:6

Naibaly samrang ly huni khumichi i khu ka-peang theung y tavai tairachi sa nai deaungkho y, nichi ly samrang i peang nai anui y awm i, kahm pei u. Areng my Davida i chei naira tleirei y eaung hai bo.

1 ARENG KEH 3:3

Samrang Solomon ly Areng ai tamen iy, ampo Davida i taviu nai kamta sa nai ne. Na i py tawnbawichi tleh iy maicham takhra neangneangchi ra y apathyp bo.

2 ARENG KEH 18:7

Hunai deaungkho y Areng ly ni hawi vanrei awm nai ne i, ni ly sa naira tleirei y eaung bo. Ni ly Asuria empara samrang i anui y kham pi y i, tiu lawh nai ne.

1 NENG SATANG 29:19

Nang i leu pei naichi ai paleung hawi verei tangai ai ngai nai paleung ka-dawn py, Achura yhm cheang pa-rei paleung hawi verei sa ai ngai nai paleung py, kai i chapo Solomon teng y pei pi kyh ba. Huni Achura yhm i vui kai ly hini atitichi angveirym bo,” nanai chiu sa.

SAM 119:111

Nang i reita leuchi ly kai i vui deungtasarei ne i, kai ai amo theu hai nai ne.

SAM 119:138

Nang i pei nai reita leaungsaichi ly khri pa-rei adyh adawi nai ne i, teng parai.

SAM 119:2

Mymy i thui parip naichi ai sa patawm iy, leu pei naichi ai paleung hawi verei tangai nai khumichi ly taham hawi.

SAM 19:7

Areng i leu ly angym be pa-rei hawi nai deaungkho y, paleung hawi phailo ai kangtha lawm hai reng nai ne. Areng i patiu pi nai saichi ly ym ai hawi parai nai ne i, pany thai y naichi ai pany hai bo.

Parip nai leu 12:13

Hina nai kathui chum baly thui bi ai nai leaungsai harei awm khyh bo. Nang ly Tameuh ai jei kaji naimy tahm khai iy, mymy i reita leu pei naichi kry ba; ati mana nai mo nabaly hini leaungsaichi sa hai ai nai Tameuh ly khumi ai sa nai ne.

Levi 8:35

Nangchi ly Tabynako katheu pa-khora y Areng my leu pei naichi, kani saryhrei sala y vum, kanithun sa ai nai tla. Nangchi ly leu pei nai kamta so u y lawh baly, dei takengkei ai, nanai Areng my kai teng y leu pei bo,” napi.

MALAKHI 4:4

“Kai i miseaung Mosi i reita leuchi ai py, Israela chengchi tangai u ai nai Sinai Mawi salo y ni teng y kaimy pei nai Reita leaungsaichi hawi reita tanynchi py, pany u jo ba.

Leu Thui Nai 29:8

nichi i pri peang ai nai Ruben theaung, Kad theaung hawi Manase theaung ka-hyhreichi ai phy paji pi bo.

Leu Thui Nai 29:9

Nangchi sa nai tleirei y eaung ai nai, vai asa nai Leu Maikawm theung i leu bawibawichi ai patawm ai nai dawn u patyp.

Leu Thui Nai 4:1

Naibaly Mosi my Israela chengchi teng y, “Nangchi teng y kaimy kang pei nai reita leu pei nai bawibawichi tangai baly heng hawi ai; naibaly nangchi amsi pajochi i Areng Tameuh my pei nai pri y peang ai iy, hu y awm ai nai nga u ai.

Leu Thui Nai 4:45

Ni ly Aikupta pri i dengdairei theu nai bo y, Jordan tavo nisi ngan Bethpeora mary kangka i leaunghawi y tym u nai thym khala, Mosi my reitachi pei pi nai ne. Huni meingtym ly Hesabon mary y peang nai keung Amori samrang Sihon i khu ka-peang lawm bo. Mosi hawi Israela chengchi ly Aikupta pri i dengdairei theu chum nai bo y samrang ai tiu i pajau vui nai ne.

Leu Thui Nai 4:5

“Achi i Areng Tameuh my reita leu pei nai kamta kai ly huni leu pei nai bawibawichi ai nangchi teng y kang thui pi bo. Nangchi atiu iy peang ai nai pri y, huni leu pei naichi patawm u.

Leu Thui Nai 4:8

Vaini nangchi ai kaimy patiu nai reitachi kamta, leu meitang reitachi nga nai khumi cheng kalen awm rai na a?

Leu Thui Nai 5:1

Mosi ly Israela cheng bawibawichi ai palau achu iy nichi teng y, “Israela khumichi awi, vaini nangchi teng y kaimy kang pei nai reita bawibawichi tangai u. Huni reitachi tangai ai nai dawn u patyp.

JOSUA 22:5

Nangchi i Areng Tameuh ai tamen u; mymy i Reita leuchi kry u. Mymy i ngai nai kamta sa iy, ka-ym awm u. Mymy i kalop ai tlang, paleung ham nai ryrei so u, nanai Mosi my leu pei nai kamta, sa patyp u ai nai adawn u patyp ba,” napi.

JOSUA 23:6

Hunai deaungkho y nangchi ly Mosi i reita cha-iu theung y awm nai reitachi ai ati sai py takhawi y naimy kry patawm ai nai atyp u.

1 SAMUELA 18:14

Areng ly ni hawi vanrei awm nai deaungkho y, ni i sa nai ngierei ly eaung nai ne.

1 SAMUELA 18:30

Philistia tavaimichi ly jeu iy tiu reng nai ne. Na i py Davida ly tavai atiu nai tleirei y, Sawla i tavaimi miteaung kehchi tleaung y eaung keh nai deaungkho y, Davida ly khri pa-rei amyn amthang nai ne.

1 SAMUELA 18:5

Davida ly Sawla i pataw nai kalop ngiereira y eaung jojo nai ne. Hunai deaungkho y Sawla ly my i tavai lura y khai. Huna nai sa nai ai Sawla i miteaung kehchi hawi mipuichi my py amo theu nai ne.