1 ARENG KEH 11:2 - Khumi Common Language Bible

² Areng ly Israela chengchi teng y, “Nangchi ly cheng takhrachi hawi apom ngau y; nichi ly nangchi i paleung ai mychi i tameuhchi mang y paleung apei hai ai,” napi. Na i py Solomon ly huni cheng takhra neampachychi ai pom bo.

1 ARENG KEH 11:2 ပူးပေါင်းရင်းမြစ်များ

ATITI AWM ANGCHEI NAI 2:24

Hunai deaungkho y neampacho ly amhm ampo ai khai su iy, aju hawi apom i, nini ly ngan bomrei lawm bo.

ATITI AWM ANGCHEI NAI 34:3

Na i py ni ly neampachy ai khrei ryp i, mymy mang y paleung apei thai ai nai parawi.

1 ARENG KEH 11:9

Israela chengchi i Areng Tameuh ly tlen nyhrei amteng hai iy, cheng takhra khumichi i tameuhchi ai chiu y ai nai leu pei teu i py, Solomon ly Areng i leu tangai y i, nithun thun vui nai deaungkho y Areng ly Solomon i tlang tleaung y kado theu i,

2 NENG SATANG 19:2

Hanani ni i chapo amo Jehu ly samrang teng y chei i ni teng y, “Samrang nang ly khumi hawi y naichi ai sabawm lawh a? Areng ai niu ngai y nai khumichi hawi ahawi ka-dawi asa lawh a? Hunichi molam y Areng i kado theu nai ly nang i tlang tleaung y tym nai bo.

2 NENG SATANG 21:6

Ni ly Ahab i chaniu leaungrei hawi apom lawh nai deaungkho y, samrang Ahab hawi takhra Israela samrangchi i hawi y sa nai lam y abang iy, Areng i tlang tleaung y kamngo sa nai ne.

EZARA 9:12

Nichi nang chawn ai nai molam ly mana khala py sabawm u moh,’ nanai nang i miseaung amochi dengdairei leu pei naichi ai kaichi tangai u y.

SAM 139:21

Aw Areng, nang ai niu ngai y nai khumichi ai, kai py niu ngai y na a! Nang ai tiu nai khumichi ai kai ly paso na a!

THEU NAI 23:31

Kaimy nangchi i khujyh ly pangli kamsen dengdai mrethe pangli ryrei, daichi ka-vym dengdai Euphrat tavo ryrei kau hai ai. Kai ly huni pri i khumichi ai nangchi kiu y kang au ai i, nichi ai nangchi my patheu u pajau ai.

THEU NAI 34:12

Nangchi my tiu ai nai pri i khumichi hawi, nai aso y ai nai amkyn u; nai asa lawh baly, nangchi ly nichi i deaung y man u ai.

THEU NAI 34:16

Nangchi i chapochi ly huni pri i neampachychi ai pom u lawh baly, huni neampachychi ly kai ai ym y iy, nichi i tameuhchi ai chiu ai ym ai nai, nangchi i chapochi ai parawi ai.

MALAKHI 2:11

Juda khumichi ly Tameuh hawi mychi i leu adeu nai taphra vui iy, Jerusalem mary hawi Juda pri verei y amso ngai nairachi sa u bo. Nangchi ly Areng i khrei nai Achura yhm ai amneaung hai u. Neampachochi py cheng takhra tameuhchi ai chiu nai neampachychi hawi apom u.

ROM AVANGCHI TENG Y PAWLA I CHA PA NAI 1:32

hunai ka-tawm atiti sa nai keungchi ly dei ai nai ataing, nanai Tameuh my khai rym nai ly pany u jo iy, mymychi my sa nai khyh py ny y naimy, khumi takhrachi i sa reng naira y py kawn u lawh.

ROM AVANGCHI TENG Y PAWLA I CHA PA NAI 12:9

Tamen naira ly tapawp naira abawi y nai ne sy. Kamngo mang y ly niu ngai u moh ly; kahawi mang y ly hawihai apatawm u.

I KORINTH 15:33

Tapawp naira y awm u moh. Ahawi hawi y naichi ly awm nai sai kahawi taphra reng.

AMTENG HAI NAI 2:4

Na i py kai ly sai sairei nang i tlang tleaung y thui ai nai awm. Nang ly nang i tamen angchei nai sai ly anawn vui bo.