1 ARENG KEH 10:9 - Khumi Common Language Bible

⁹ Nang i Areng Tameuh ly nang parai nai awm sy! Mymy ly nang ai khri pa-rei tamen nai deaungkho y, Israela samrang y tahm pasang bo. Israela chengchi ai deungtasarei tamen nai deaungkho y, nichi ai leu meitang adyh adawi naimy peang ai nai, nang ai samrangra y palyn nai bo,” napi.

1 ARENG KEH 10:9 ပူးပေါင်းရင်းမြစ်များ

2 SAMUELA 23:3

Israela chengchi ai atleu nai keung, Israela chengchi i Tameuh ly kai teng y hina nai leu pei bo: “Tameuh ai jei kaji naimy tahm khai iy, leu meitang adyh adawi naimy peang nai samrang ly

2 SAMUELA 5:12

Naibaly Davida ly mymy ai Israela samrang y Areng my khaw hai nai hawi, mymy ly my i khumichi hawi ai nai i vui y, tlamsa hai bo, nanai pany ryh pany ryh nai ne.

2 SAMUELA 8:15

Davida ly Israela pri verei peang iy, adyh adawi naimy awm ai nai sa bo.

1 ARENG KEH 3:28

Solomon i tara chih nai sai ai Israela pri khumi mipuichi my thai nai khala, ni ai khri pa-rei tahm khai u bo. Ati mana nai mo nabaly leu meitang ka-dyh ka-dawi tara chih kawp ai nai, Tameuh my samrang ai pei pi bo, nanai nichi pany u nai deaungkho y ne.

1 ARENG KEH 5:7

Samrang Solomon i taviu nai leu ai Hiram ly thai nai khala, khri pa-rei amo theu bo; naibaly ni ly “Hina tanrei pri kalen peang ai nai Davida teng y khri pa-rei cheng nai chapo ai pei nai Areng ai ly vaini palo u!” nanai thui.

1 NENG SATANG 17:22

Nang ly Israela chengchi ai nangmy i khumichi lawm hai jojo. Aw Areng, nang ly nichi i Tameuh lawm bo.

2 NENG SATANG 2:11

Turu samrang Hiram ly Solomon teng y cha pathang pi. Huni cha theung y ly “Areng ly mymy i khumichi ai tamen nai deaungkho y, nang ai nichi i samrang lawm ai nai ang vawi takhra nai ne.

SAM 18:19

Kai, ka-jeira avum nai khala y mymy ly kai ai sabawm. Kai ai khrei nai deaungkho y atleu nai ne.

SAM 22:8

Nichi my, “Nang ly Areng ai ym lo-oh! Ati mana nai y nang ai atleu y lawh mo? Areng ly nang ai tamen nabaly, ati mana nai mymy ly nang ai atleu y lawh mo?,” nanai thui u.

SAM 72:2

Nang i khumichi ai leu meitang adyh adawi naimy peang pajau ai nai py, khumi kamawnchi ai reita hawi kamlau peang pajau ai nai py, nang i leu meitang adyh adawi nai kamta tara chih pajau ai nai samrang ai pei pi ba.

ISAIA 42:1

Areng my, “Hini khumi ly kaimy atho awm hai nai, kai i miseaung, kai i paleung kangai vawi patyp nai khumi ne. Kai ly kaimy i Phailo ai ni teng y kawi hai ai. Ni py khumi cheng cheaungkhangchi ai, ka-dyh ka-dawi naimy peang ai.

ISAIA 62:4

“Paleng vui naira avum nai khumi,” nanai amyn loh ai ny y. Nang i pri py, “Akhai su nai aju,” nanai amyn palau ai ny y leang bo. Nang i amyn kangtha ly “Tameuh my kawn nai neampachy,” nanai lawm ai. Nang i pri py, “Amotheu parai naimy pom nai,” nanai amyn loh ai. Ati mana nai mo nabaly Areng ly nang ai kawn nai deaungkho y, juvo lawm nai keung ly mymy i aju ai tamen nai kamta, nang i pri ai py tamen ai.

ISAIA 9:6

Kaichi i vui deaungdi tapen pi! Kaichi i vui chapo ang pei bo! Ni ly kaichi ai ang peang ai. “Ni i amyn ly rengrang tlai,” “Tau pei nai keung,” “Sathai naira len parai nai Tameuh,” “Deungtasarei Ampo,” “Tlamsa nai samrang i Chapo,” nanai amyn pathi ai.

ISAIA 9:7

Ni i sa thai naira haiho ly hlo veangveang iy, ni i pri py tlamsa jojo ai. Ni ly samrang Davida i yhmtheaung amtym iy vai i dengdai deungtasa tem pa-rei leu meitang adyh adawi naimy peang ai. Ati cheaungkhang sa thai nai Areng ly hina naichi tym angym hai ai nai leu pacheang yb veng nai ne.

JEREMIA 31:3

kai ly nichi teng y kamlo mang dengdairei amteng pi nai ne. Aw Israela khumichi awi, kai ly nangchi ai kang tamen jojo nai deaungkho y, nangchi ai kai i tamen naira khaw parai nai kang patei pi bo.

MALAKHI 1:2

Areng ly mymy i khumichi teng y, “Kai ly nangchi ai kang tamen jojo,” napi. Na i py nichi my, “Nang ly kaichi ai tamen nai sai mana patei pi ai mo?” nanai deng u. Areng my, “Esaw hawi Jakob nini ly amjo amnau ne i py, kai ly Jakob hawi ni i katu chanauchi ai tamen;

Leu Thui Nai 7:8

Na i py Areng ly nangchi ai tamen iy, nangchi i amsi pajochi teng y leu ka-deu khaw hai ai ngai nai deaungkho y, Aikupta samrang teng y miseaung acheira i nai, sa thai naira len parai nai saho y nangchi ai atleu nai ne.