Matiyu 5:3 - Linjila

³ «Barganja am karwulan talaawadǝ, nodo bargaa Mai Samemayedǝ nuwanjadǝro.

Matiyu 5:3 ပူးပေါင်းရင်းမြစ်များ

Matiyu 11:25

Sa adǝn Isaye: «Bawa Kǝma same-a dunia-aye, nia njungorǝkki, dalilnjudǝ awo ania ilmuwu so, rashiduwa soro gǝraame yallaro isanogǝmma nangaro.

Matiyu 11:6

Barganju kam wu nangaro taljiwawodǝ!» yeno.

Matiyu 13:16

«Amma simndo barganja, carui nangaro, sǝmondo ye, fanjai nangaro.

Matiyu 19:14

Amma Isaye fuwurawanjuro: «Yalla sananadǝa kollowo naniro isa, bare tayiro dapkǝwwi! Nodo bargaa Mai Samemayedǝ am tayi gaiye nuwanja, diye!» yeno.

Matiyu 24:46

Kǝjinju wolodi kǝmanju waldiya, ngai cǝdi najiyidǝ!

Matiyu 25:34

Daji maidǝye tayi kǝmboramnjuyedǝro: “Nayi Bawani barga dǝmnjaanadǝ, arowo nodo bargaa duwon kawu dunia alaktǝnayen nayiro dabbargaadadǝa gandowo!

Matiyu 3:2

«Tǝmmowo, nodo bargaa Mai Samemaye del karǝnjǝna!» cǝni kǝrga.

Matiyu 8:11

Nayiro wulnjagakki, am kada adinnam-a fǝde-alan isane Nawi Ibrahim-a Nawi Isaku-a Nawi Yakuba-a rokko nodo bargaa Mai Samemayen masǝna dioro napcai.

Markus 10:14

Isa adǝa kirunniya, karwunju waje fuwurawanjuro: «Yalladǝa kollowo naniro isa, bare tayiro dapkǝwwi! Nodo bargaa Alayedǝ am tayi gaiye nuwanja, diye!

Luka 11:28

Isaye: «Attǝroa, barganja am mana Alaye fanjane jaanadǝ!» yeno.

Luka 18:14

Nayiro wulnjagakki, Farisadǝa gǝni, akki mowomadǝa Ala jiremaro ngojo. Nonowo, wundu duwon kǝlanjua jajakcǝnamadǝ, tia awimaro ngojaiwawo. Koro kam duwon kǝlanjua awimaro ngojǝnnimadǝ, tia jajakcai,» yeno.

Luka 22:29

Jiɍi Bawani wuro kǝrmai sinadǝ gai, wu ye nayiro njadǝkke

Luka 22:30

curo kǝrmainiyen wu-a rokko buwe yawe, koro kuris kǝrmaiyen nammuwe jiɍi mewun yindin Israyilawuyero shara yidduwi.

Luka 4:18

«Ruhu Kǝmandeye wulan kǝrga, tima kawuɍi kǝji talaawaro wulgǝkkoro wua galasǝna nangaro. Am cadane kaɍearo waljanaro nankam kǝlaye cawandi, kambuwa yero sim cawandi wulduwuro wua sinodo. Koro am curo jǝktuyen dasaanaye asǝrnja jakturo wua sinodo.

Yahaya 20:29

Isaye tiro: «Wua surumma nangaro, kasatkem? Barganja am carunni kasaccanamadǝ!» yeno.

Yakuba 1:10

ti gaɍiwudǝ ye nangunjudǝro awulo juwo, fǝɍe kajimbe gai baworo walji nangaro.

Yakuba 1:12

Barganju kam curo jaraptuyen neccidǝ, awoa tia jarapcane nasardiya, aɍiawu roye cuwandi, aɍiawu duwon Ala am tia caraanaro ci cǝne wadu ngojǝnadǝ.

Yakuba 2:5

Kǝramiyani njaraakkǝnaso, fannowo, Ala am dunialan talaawadǝa kambǝrselan gaɍiwuro waljaro, koro nodonju bargaa am tia caraanaro ci cǝnnadǝa warasajaro kǝrejǝna, gǝna?

Wahayi Yahayaye 19:9

Daji malaiyadǝye wuro: «Ruwune: Barganja am duwon maskaru larusa Tamadǝyero tayia dojanadǝ!» yeno. Koro walde: «Mana adǝ jiremaro Alaye,» yeno.

Wahayi Yahayaye 22:14

Barganja am kajǝmunja tuljana, ngainin amari kǝska ro fandoyen ngǝroye-a bǝrnidǝro cinnanjuyen ngawoye-a cawandidǝ!

Wahayi Yahayaye 3:17

Niye: “Wu gaɍiwu, arsiyi ngǝwu fandǝkkǝna, awima mausǝnni,” nǝmi, amma ni awo kanjimaɍiye ye, njunoduye ye, ngudi ye, kambu ye, fǝtku yero nonǝmmi.