Matiyu 5:10 - Linjila

¹⁰ Barganja am kǝla jire dionjayen tayia basarjaidǝ, nodo bargaa Mai Samemayedǝ nuwanjadǝro.

Matiyu 5:10 ပူးပေါင်းရင်းမြစ်များ

Matiyu 10:23

Bǝla laan nayia basarnjaiya, bǝla gadero kasowo lenowo. Jiremaro nayiro wulnjagakki, kawu Tada Kambedǝ walde isidǝro, bǝlawa Israyilawuye sammaa ga yeruwwawo.

Matiyu 19:14

Amma Isaye fuwurawanjuro: «Yalla sananadǝa kollowo naniro isa, bare tayiro dapkǝwwi! Nodo bargaa Mai Samemayedǝ am tayi gaiye nuwanja, diye!» yeno.

Matiyu 25:34

Daji maidǝye tayi kǝmboramnjuyedǝro: “Nayi Bawani barga dǝmnjaanadǝ, arowo nodo bargaa duwon kawu dunia alaktǝnayen nayiro dabbargaadadǝa gandowo!

Matiyu 5:3

«Barganja am karwulan talaawadǝ, nodo bargaa Mai Samemayedǝ nuwanjadǝro.

Markus 10:14

Isa adǝa kirunniya, karwunju waje fuwurawanjuro: «Yalladǝa kollowo naniro isa, bare tayiro dapkǝwwi! Nodo bargaa Alayedǝ am tayi gaiye nuwanja, diye!

Markus 10:30

dunia adǝman fado, yeiya, kanna, ya, yalla, kulo gadegade mia mia kuttu-ason cuwandiwawoma bawo. Koro leira wakkajiya, ro sawisoye ye cuwandi.

Luka 21:12

Amma kawu awo ani samma wakkajaidǝro, nayia njadane basarnjane dandalnin sǝrǝnnjagai, kosoro njasakki, koro cuni nangaro fuwu mai so, gomna so yero njasadi.

Luka 22:29

Jiɍi Bawani wuro kǝrmai sinadǝ gai, wu ye nayiro njadǝkke

Luka 6:20

Daji Isa fuwurawanjua niniyenniya, tayiro: «Bargando nayi talaawadǝ, nodo bargaa Alayedǝ nuwandodǝro.

Luka 6:22

«Am Tada Kambedǝ nangaro nayia wanjane dunjane raranjane diwindo wuljaiya, bargando!

Yahaya 15:20

Mana wulnjagakkǝnadǝa tangowo: “Wolodi banju ngimbaa kojiwawo.” Wua basarsanaa, nayi yea basarnjai. Manani jaanaa, kaando yea jagai.

Kida Kǝngayamba Isaye 5:40

kǝngayambadǝa bowoyeranniya, tayia babakcane wada cade bare cu Isayen manajanni cane tayia koljane leyera.

Kida Kǝngayamba Isaye 8:1

Shawulu Istifanusse ro tuluwo ardiyeno. Yim adǝn basari kura kǝla jama Isaa gawu Jerujalemlan dasaanadǝyen ciyeno. Kǝngayambadǝro kajia, tayi samma cidi Yahudiyaye-a Samariyaye-aro tatargaadara.

2 Korintiwu 4:17

Awoa basarinde kǝske kǝrmayedǝ andiro daraja kura ye, sawisoye ye, cinjuma bawo yea dabbarsagai.

Filibiwu 1:28

Bare awiman kolluwe waduwundo karwundo kamjanni. Adǝma tayiro sheda siduwunjaye ye, njǝkkawondoye yero walji, sheda duwon na Alayen isidǝ.

2 Timoti 2:12

Mǝrniyea, andi ti-a rokko kǝrmai diye. Tia angǝrniyea, ti ye andia angǝrsai.

2 Timoti 3:11

Koro basari-a bone-a bǝrni Antakiya-a Ikoniya-a Listǝra-ayen yakkǝnadǝa nonǝmma, amma Kǝmandema tayi sammalan wua sǝkkawo!

Yakuba 1:12

Barganju kam curo jaraptuyen neccidǝ, awoa tia jarapcane nasardiya, aɍiawu roye cuwandi, aɍiawu duwon Ala am tia caraanaro ci cǝne wadu ngojǝnadǝ.

Yakuba 5:11

Akko am curo boneyen neccanadǝa bargaaro ngoniye. Kanadi Nawi Ayubayedǝ yea fannuwwa, koro awo Kǝmande tiro daryeramnin cǝddǝnadǝ yea ruwwa. Awoa Kǝmandedǝ njunoduma ye, kanjimaɍima ye.

1 Yahaya 3:12

Bare Kaabila-a camunno walliyende, tidǝ Kǝladodǝye, koro yaananjua roro kejo. Awiro tia kejo? Kǝndo kaanjudǝ diwi, yaananjuyedǝ ngǝla nangaro.

Wahayi Yahayaye 2:10

Bare bone fuwun yamidǝa rinǝmmi. Akko Yiwulis nayia rijapturo cakke amndo laaa kosoro casakke kawu mewuro bone yawi. Kambǝrsenǝmdǝa har karmoro tai, aɍiawu roye njikki.