Matiyu 10:23 - Linjila

²³ Bǝla laan nayia basarnjaiya, bǝla gadero kasowo lenowo. Jiremaro nayiro wulnjagakki, kawu Tada Kambedǝ walde isidǝro, bǝlawa Israyilawuye sammaa ga yeruwwawo.

Matiyu 10:23 ပူးပေါင်းရင်းမြစ်များ

Matiyu 16:27

Dalilnjudǝ Tada Kambedǝ curo daraja Bawanjuyen malaiyawanju-a rokko isiya, daji wundu yayero kǝla awo cǝdǝnasoyen kalkallo ci nangaro.

Matiyu 16:28

Jiremaro nayiro wulnjagakki, am laa na adǝn daada mbeji, kawu kawunja dajidǝro, Tada Kambe kǝrmainjun isi carui,» yeno.

Matiyu 2:13

Ngawo ilmuwudǝ saptanayen, malaiya Kǝmandeye laa kǝnnasimlan Isuwuro fǝlediye: «Cine tadadǝ-a yanju-aa ngone Masarro kasowo lenowo, nadǝn har kawu mana njaddǝkkiro nammowo, dalilnjudǝ Mai Hirudus tadadǝa njejoro maji nangaro,» yeno.

Matiyu 23:34

Adǝ nangaro wudǝ nawiya-a rashiduwa-a malǝmba Attauraye-a nayiro juwanjagakki. Laanjaa kǝskaro jagǝwe roro yejuwi, laanja yea dandallandon kirwolan kowonuwe bǝla bǝlan tayia basarnuwi.

Matiyu 23:36

Jiremaro nayiro wulnjagakki, awo ani samma am jaman adǝyemaro wakkajiyi.

Matiyu 24:27

Jiɍi same adinnamlan har fǝdero cuwalde wassidǝ gai, kǝnde Tada Kambedǝ ye ngai.

Matiyu 24:30

Daji alama Tada Kambedǝ samelan fǝlediyi. Daji jama duniaye samma karwunja kuttaji, koro Tada Kambe kǝnduwoa-a jauro darajaa-a kǝla fofou sameyen isi carui.

Matiyu 24:34

Jiremaro nayiro wulnjagakki, am jaman adǝye sanuiwawo, sai awo ani samma wakkajaiya duwon.

Matiyu 24:48

Amma wolodi adǝ ti kam batti duwon karwunjun: “Kǝmani duwan isiwawo,” cǝne

Matiyu 25:13

To, nayi ye faadaro dǝgaiwo, dalilnjudǝ yimnju bi sanju nonuwwi nangaro.

Matiyu 26:64

Isaye tiro: «Nima wullǝm, wuma! Koro nayiro wulnjagakki, kua adǝn fuwun Tada Kambedǝ mukko kǝmboram Mai Kǝnduwomayen napkada ye, curo fofou sameyen kǝnde cǝdi ye ruwi,» yeno.

Matiyu 4:12

Isa Nawi Yahayaa kosoro casakkǝnaro fangenniya, cidi Galileyero wallada.

Markus 13:26

Daji Tada Kambedǝ jauro kǝnduwoa-a darajaa-a curo fofouyen isi carui.

Luka 18:8

Nayiro wulnjagakki, duwaman sharanja kamji. Adǝ yaye sa Tada Kambedǝ duniaro walde isiya, koro yaye kambǝrse dunialan cuwandi wa?»

Luka 21:27

Daji Tada Kambedǝ kǝnduwoa-a jauro darajaa-a curo fofouyen isi carui.

Yahaya 7:1

Ngawo adǝyen Isa cidi Galileyen didiriyeno. Cidi Yahudiyayen didiridu cǝraanni, yaudiyadǝ tia roro njejoro majai nangaro.

Kida Kǝngayamba Isaye 17:10

Dunia lǝmgenniyama, kǝramiyadǝ Bulus-a Silas-aa casakke bǝrni Biriyayero leyera. Kadiranniya, dandal yaudiyayero kasargawo.

Kida Kǝngayamba Isaye 17:14

Sadǝman kǝramiyadǝ Bulusso ci tekuyedǝro lejo cane sapkadan, amma Silas-a Timoti-a nadǝn napkera.

Kida Kǝngayamba Isaye 20:1

Ngawo hangalsangodǝ cerǝnayen, Bulus fuwurawadǝa bowoje karwunjaro kowoɍi ce tayia alakǝlewayenniya, lardu Makidoniyayero leduro sapkadan.

Kida Kǝngayamba Isaye 8:1

Shawulu Istifanusse ro tuluwo ardiyeno. Yim adǝn basari kura kǝla jama Isaa gawu Jerujalemlan dasaanadǝyen ciyeno. Kǝngayambadǝro kajia, tayi samma cidi Yahudiyaye-a Samariyaye-aro tatargaadara.