Luka 4:18 - Linjila

¹⁸ «Ruhu Kǝmandeye wulan kǝrga, tima kawuɍi kǝji talaawaro wulgǝkkoro wua galasǝna nangaro. Am cadane kaɍearo waljanaro nankam kǝlaye cawandi, kambuwa yero sim cawandi wulduwuro wua sinodo. Koro am curo jǝktuyen dasaanaye asǝrnja jakturo wua sinodo.

Luka 4:18 ပူးပေါင်းရင်းမြစ်များ

Matiyu 11:5

Kambuwa sim cawandi, ngurdiyiya ye sinjan lejai, am barasua ngajane tayirro waljai, muwaso ye fanjai, am sanuna roaro waljai, koro talaawa ye kawuɍi kǝjidǝa fanjai.

Matiyu 12:18

«Akko wakkilni kǝrenǝkkǝnadǝ, tia raakkǝna, tima karwuni jauro kǝjijǝgǝna wo. Ruhuni tiro yakkǝkke jiredǝa jama duniaye sammaro isanojiyi.

Matiyu 12:20

Caccau ɍimjǝnaa namjiwawo, fatǝla no cǝdi yea cejiwawo, har jiredǝa kǝnnasarro cuwudiro.

Matiyu 4:16

am curo duwuyen dasaanadǝ nur kura laa caruna, koro tayi curo kaudi karmoyen dasaanadǝ yea nur wassǝna!»

Matiyu 5:3

«Barganja am karwulan talaawadǝ, nodo bargaa Mai Samemayedǝ nuwanjadǝro.

Luka 4:17

Tiro kitawu Nawi Ishayaye cade kayenniya, na adǝ ruwuwadadǝa kiwando. Tiye:

Luka 6:20

Daji Isa fuwurawanjua niniyenniya, tayiro: «Bargando nayi talaawadǝ, nodo bargaa Alayedǝ nuwandodǝro.

Luka 7:22

Daji Isaye fuwurawa Yahayayero: «Waldǝnowo, awo ruwwa-a fannuwwa-aa Yahayaro wulgǝnowo: Kambuwa sim cawandi, ngurdiyiya ye sinjan lejai, am barasua ngajane tayirro waljai, muwaso ye fanjai, am sanuna roaro waljai, koro talaawa ye kawuɍi kǝjidǝa fanjai.

Yahaya 1:41

Burwon leje yaananju Simanna maje tiro: «Almasiwudǝa fandiyena!» yeno. Maana Almasiwuyedǝ kam tiro Kǝristi cani.

Yahaya 12:46

Wu duniaro nur gai kadikko, wundu duwon wua kasansǝnamadǝ, bare curo duwuyen dǝganniro.

Yahaya 3:34

Awoa kam Ala cunodǝnamadǝ mana Alaye manaji, Ala tiro Ruhunju dadu bawoaro cina nangaro.

Kida Kǝngayamba Isaye 10:38

Ala Isa kam Najarattea galaje tiro Ruhunju-a kǝnduwo-a kekko. Ala ti-a rokko nangaro dadaje ser cǝde am dondi kǝnduwo Yiwulissen dasaana sammaa isangayeyeno.

Kida Kǝngayamba Isaye 26:18

simnja kanǝmi, tayia curo duwuyen tuluwume nurro yakkǝmi, koro tayia kǝnduwo Yiwulissen tuluwume Alayero kalakkǝmi. Adǝgaima gawara biwuye cawandi, koro curo am duwon kambǝrsenja nangaro tayirro waljanadǝyen nuwanja ye cawandi.”

Kida Kǝngayamba Isaye 4:26

Maiya duniaye dabbargadara, fuwuwuso ye capkadara, Kǝmande-a Almasiwunju-aro tuɍu caddi yera.”

Kida Kǝngayamba Isaye 4:27

«Jiremaro curo bǝrni adǝyen Mai Hirudus-a Gomna Buntus Bilatus-a am larduwa gadesoye-a jama Israyilaye-a Isa wakkilnǝm tayir galanǝmmadǝro tuɍu caddi cane capkadara.

Kolosiwu 1:13

Andia kǝnduwo duwuyen samoye curo kǝrmai Tadanju jauro cǝraanayero sasakko,

Yakuba 2:5

Kǝramiyani njaraakkǝnaso, fannowo, Ala am dunialan talaawadǝa kambǝrselan gaɍiwuro waljaro, koro nodonju bargaa am tia caraanaro ci cǝnnadǝa warasajaro kǝrejǝna, gǝna?

1 Biturus 2:9

Amma nayidǝ kabila kǝreyada, kǝwu ɍimanna Mai Kuraye, jiɍi tayir, jama Alayero walluwwa. Ngainin kǝndo kǝnduwoa ti duwon nayia duwulan luwowo nurnju ajabbaro ngawoworo bowonjanadǝyedǝa wulluwi.