Ibranawu 1:9 - Linjila

⁹ Nanjire raamma, jirenambu wanǝmma. Adǝma nangaro Ala Alanǝmdǝ nia kǝndawu karwukǝjiyen amanǝmbea kojǝnaro samngeno.»

Ibranawu 1:9 ပူးပေါင်းရင်းမြစ်များ

Luka 4:18

«Ruhu Kǝmandeye wulan kǝrga, tima kawuɍi kǝji talaawaro wulgǝkkoro wua galasǝna nangaro. Am cadane kaɍearo waljanaro nankam kǝlaye cawandi, kambuwa yero sim cawandi wulduwuro wua sinodo. Koro am curo jǝktuyen dasaanaye asǝrnja jakturo wua sinodo.

Yahaya 1:41

Burwon leje yaananju Simanna maje tiro: «Almasiwudǝa fandiyena!» yeno. Maana Almasiwuyedǝ kam tiro Kǝristi cani.

Yahaya 10:17

Bawadǝ wua sǝraana, roni yikkiya, waldǝkke mowokki nangaro.

Yahaya 20:17

Isaye tiro: «Bare rosǝmmi, koroma na Bawadǝyero waldǝkkǝni nangaro. Amma lene kǝramiyaniro: “Na Bawani-a Bawando-ayero, Alani-a Alando-ayero waldǝkki,” wulgǝne!» yeno.

Yahaya 3:34

Awoa kam Ala cunodǝnamadǝ mana Alaye manaji, Ala tiro Ruhunju dadu bawoaro cina nangaro.

Kida Kǝngayamba Isaye 10:38

Ala Isa kam Najarattea galaje tiro Ruhunju-a kǝnduwo-a kekko. Ala ti-a rokko nangaro dadaje ser cǝde am dondi kǝnduwo Yiwulissen dasaana sammaa isangayeyeno.

Kida Kǝngayamba Isaye 4:26

Maiya duniaye dabbargadara, fuwuwuso ye capkadara, Kǝmande-a Almasiwunju-aro tuɍu caddi yera.”

Kida Kǝngayamba Isaye 4:27

«Jiremaro curo bǝrni adǝyen Mai Hirudus-a Gomna Buntus Bilatus-a am larduwa gadesoye-a jama Israyilaye-a Isa wakkilnǝm tayir galanǝmmadǝro tuɍu caddi cane capkadara.

Romanwu 12:9

Kǝrawondodǝ nanmǝnafǝk bawoaro waljo! Awo diwidǝa wanowo, awo ngǝladǝa taiwo.

Romanwu 15:13

Ala tǝma njomadǝ nayiro karwukǝji-a nanlewa-a samma kambǝrseyen na kojǝnaro njado, tǝmando kǝnduwo Ruhu Alayen ngǝwuro tǝrga.

1 Korintiwu 1:9

Ala amanma, ti duwon Tadanju Isa Almasiwu Kǝmandedǝ-a rokko naptu nanyaanaye deworo bowonjanadǝ.

2 Korintiwu 11:31

Ala Bawa Kǝmande Isaye sawisoro bargaadǝ kattuwu gǝni kammǝkkiro nojǝna.

Galatiyawu 5:22

Amma hal Ruhu Alayelan tuwandidǝ tayima kǝrawo so, karwukǝji so, nanlewa so, kanadi so, nanjaija so, nanngǝla so, aman roda so,

Afisawu 1:3

Bargaa Ala Bawa Kǝmande Isa Almasiwuye, ti duwon barga sameye jiɍi fi yayea Almasiwu nangaro andiro sadǝnadǝ.

Filibiwu 2:9

Adǝma nangaro Ala tia na jaumaro darajaaro cade tiro cu duwon cu sammaa kojǝnadǝa kaino,

Ibranawu 2:11

Awoa ti tayirro kalakcidǝ-a tayi tayirro waljaidǝ-a samma Bawanja tilo. Adǝma nangaro tayia kǝramiyalan bowoduro nangujǝnni,

Ibranawu 2:9

amma Isaa ruiye, kam duwon sa ganaro cidiya malaiyawayero cǝsaanadǝ. Bone karmoye cana nangaro Ala tiro aɍiawu daraja-a martawa-ayea cakkǝna. Ngainin karmonjudǝ, ser Alayen am samma nangaro nuna.

Ibranawu 7:26

Ɍiman kura jiɍi adǝ gai taiyeya, jussǝna: mumin, biwubawoma, tayir, biwuwu-a faidana, samemaro kuruwunno sapcana.

1 Biturus 1:3

Bargaa Ala Bawa Kǝmande Isa Almasiwuye! Kanjimaɍinju kuradǝro karmolan cidu Isa Almasiwuyen andia sasakke bǝɍinno tǝma roa laaro tambiyena.

1 Yahaya 1:3

Awo ruiye fanniyenadǝa nayi yero wulnjagaiye, ngainin nayi ye andi-a rokko naptu nanyaanaye diye. Ai, naptunde nanyaanayedǝn Bawa-a Tadanju Isa Almasiwu-a rokko kǝrgaiye.

Wahayi Yahayaye 2:15

Ngaima nanǝm yen am laa alamdu am Nikolawussa gawuyedǝa jagai mbeji.