Zakaariyaasi 9:9 - Kafa Linguistics Project

⁹ Tsiyooni asheenaꞌote, oogichi emiribote! Yerusaalemi asheenaꞌote, ililibote! Ittoshi taatoo, cadiqoonaa kochii wochechona gaꞌi deꞌo tunee, kuroon yebbee, kureechi bushoon yebbee, ebiyoche, ittoshi waan waa beetone.

Zakaariyaasi 9:9 ပူးပေါင်းရင်းမြစ်များ

1 Taateenaꞌo 1:38

Ebich qeeshoo Sadooqi, keemechi Naataani, Yoyaadi bushoo Beenayi, taatoochi quyee naayinaꞌo tuneti Kereeteenaꞌonaa Feleeteenaꞌona desh hammiꞌi, Solomoonin taatoo Daawitichi bicereen yebbiiꞌi, Giyooni aachi xuuphooch deebiyeete.

Shoddo 149:2

Israꞌeeleenaꞌo boonoshin Hallitona emiribeete; Tsiyooni asheenaꞌo boonoshi Taatoona wucwuceete.

Shoddo 2:6

“Yaafee ta geppoo Tsiyooni toommoochaa ta kaacceti taatoon ukkiriito taane” gettemmone.

Shoddo 45:1

Ta mullo gaawe mooyon kichiye; ta shoddoon taatoyich waayiyemmo taane; ta heciyoo aricheti koorechochi feennoommone.

Isiyaasi 12:6

Ittoshi daggooch beeti, Israꞌeelee Yaafoo oogeto bi tunetoyich, Tsiyooni beetinaꞌote, ililibote” gettemmo ittoshine.

Isiyaasi 30:6

Negeeb beeti cooxinaꞌochon Doono Yeer waanee getteeti wocho ebine: “Daahereenaa daaheroona, xekereenaa awureebeeti dingeroona beeti iritee showoonaa xuuxee showoonon besheree, boonoshi gaannoon kuree toommooch, boonoshi yaaphoon gaalee toommooch xaaniree boonoshich gaacaani asheenaꞌo waan hammemminaꞌone.

Isiyaasi 33:22

Doono Yeeri nooch nallecho, Doono Yeeri nooch sheeroon kichecho, Doono Yeeri no taatoone. Noon wodiyemmoo biine.

Isiyaasi 40:9

Mishiraachoon gettaabeeti Tsiyoone, guudi cullullooch keye; mishiraachoon gettaabeeti Yerusaaleme, ne qaaroon oogichi cookibe; shattaahine; Yihudee katemeenaꞌoyich, “Ebiyoche ittoshi Nuggishoo” gete.

Isiyaasi 43:11

Ta, Doono Yeeri taane; tayee besh wodiyecho aalloone.

Isiyaasi 43:3

Israꞌeelee Yaafoo ne Nuggishoo Doono Yeeri ta, neen Wodiyecho taane; neen biishoyich Gibitsin immemmo taane; ne qoodoyich Topphiyoonaa Seebinon immemmo taane.

Isiyaasi 45:21

Getote; ittoshi taggoon yaaꞌote; ikkotteree koceebote. Ebin shiichiꞌi gettito konine? Ebin wonna awaajjito konine? Doono Yeeri ta toone? Tayee bare nuggishoo aalloone; Cadiqoonaa Wodiyechona tuneto, tayee bare nuggishoo aalloone.

Isiyaasi 52:7

Diggee mishiraachoon deebiibeeti, wodeechon awaajjiibeeti, “Ne Nuggishoo taatemmone” iꞌi Tsiyoonich gettiibeeti, wocheyechinaꞌochi baateenaꞌo guudi toommoochaa am shaahoon gaaweheete!

Isiyaasi 57:15

Beshoo, beshaa beshe oogoo, bulli yemeenoon beeyecho, bi shigo Yaafoo tuneto ishichii beetone: “Damba wohonaa yaafoona tuneti xaaꞌooch beehoye; tunebaani wotta boonoshi qelloon giishiitinaꞌonaa boonoshi mullo tiishetinaꞌona tookkaa beehoye. Ebiyoo boonoshi qelloon giishiitinaꞌon, boonoshi mullo tiishetinaꞌonoo kupphiyoyichiye.

Isiyaasi 62:11

Doono Yeeri showee toommo bulliich ishichiꞌi awaajjitone; “ ‘Ittoshin Wodiyecho waa beetone; bi wojjoo bi kishoochiye; bi qoccemmi gatiyoo bi aafooch beetone’ getiree, Tsiyooni maache busheyich getote” iye.

Erimiyaasi 30:9

Tunebaani boonoshi Nuggishoo Doono Yeerinaa boonoshich ta tiijjiti boonoshi taatoo Daawitinoyich maddemminaꞌone.

Hiziqeeli 21:32

Qaaqqoyich mixon tunemmo neene; ne damoo ne showoochaa ufemmone; wochinnoon shalligeyaachemmo neene; Doono Yeeri ta ebin getteto taane’ itone gete” iye.

Hosee'i 1:7

Tunebaani Yihudee asheenaꞌoyich ariqqemmo taane; boonoshi Nuggishoo Doono Yeeri ta, boonoshin wodiyemmo taane. Boonoshin ta wodiyemmo maꞌoona woyee goraadoona woyee koyoona woyee haresheenaꞌona woyee hareshechinaꞌona toonoone” iye.

Mikiyaasi 4:8

Qiddoo dilaaloochaa bi bagoon quyoommon Yeeri bi asheenaꞌon quyeebeeti Yerusaaleme! Wonnee ne oogo neech wottemmone; wochinnoon inde katemoon tunemmi neene.

Mikiyaasi 5:2

Doono Yeeri ishichiye: “Beetilehem Efiraati katemeene, Yihudee showooch beeti gishiishi katemeenaꞌoochee ikke ne tunetaanoona, wonnee wonneecho, wohi yemeeneexo tuneti, Israꞌeelee showoon qeejjemmi woraaferashoo ne waanee taach kechemmone” iye.

Zakaariyaasi 2:10

Doono Yeeri ishichiye: “Yerusaalemi asheenaꞌote, ta, waaree ittoshi daggooch beeyemmo ta tunetoyich shoddebote; emirishoo getote” iye.

Maatiyoosi 1:21

Anaami bushoon shiyemmine; aroo bi asheenaꞌon boonoshi axaaxoochee wodiyemmo bi tunetoyich, bi shigoon Yesuusi getiree shigiyemmo neene” iye.

Maatiyoosi 11:29

Tawoo gaꞌi deꞌoonaa ta qelloon giishii beetona ta tunetoyich, ta waanjeen shaagote; ta waaneenoo doyibote. Arooba ittoshi kashe kashemmine.

Maatiyoosi 2:2

“Katinoon shiijjeti Ayihudeenaꞌochi taatoo aabiichiye? Bi xojjenoon aabi-keyoochaa beeggaꞌa, biich goyinneya waato noone” iyeete.

Maariqoosi 11:7

Aroochee bi dabbeenaꞌo kuree bushoon Yesuus waan deebiyeete. Deebiꞌi bi toommooch boonoshi tahoon boonoshi gedaa, Yesuusi yebbehe.

Luqaasi 24:27

Aroyee gubb Muusichi macaafoo bulliichee tiijjiꞌi keemechinaꞌochi macaafoo bulliich beddaahaa kooreeti bi hajjee mooyon biichiꞌi boonoshich gettiye.

Yowannisi 1:49

Naatinaꞌeeli wochiꞌi, “Dojjechocho, ne Yeerichi Bushoo neene! Ne Israꞌeelee taatoo neene!” iye.

Yowannisi 19:15

Tunetaa boonoshi “Wokkiibe! Wokkiibe! Yoode!” iibee cookeeheete. Phelaaxoosi “Ittoshi taatoon yoodote?” iye. Qeeshee ukkireenaꞌo “Qesaariyee damba bare taatoo nooch aalloone” iꞌi wochiyeete.

Woraaferasheenaꞌo 10:4

Yaꞌiirich shaashe kureenaꞌon yebbeebeeti shaashe bushiisheenaꞌo beetinaꞌone. Boonoshichoo Gilaadee showooch shaashe katemeenaꞌo beetinaꞌone. Ebi katemeenaꞌo hanaach beddaahaa Yaꞌiirichi katemeenaꞌo getteeheete.