Zakaariyaasi 9:17 - Kafa Linguistics Project

¹⁷ Am shaahoon malletee gaaweheete! Arooch beeti maayoonaa woyinee uyoona, gurimaashe anaaminaꞌonaa maacheenaꞌonon uummiyemmone.

Zakaariyaasi 9:17 ပူးပေါင်းရင်းမြစ်များ

Shoddo 144:12

No anaami bushiisheenaꞌo boonoshi gurimaashittinoona gaawichii dicciibeeti bechoommon tunebeete; no maache bushiisheenaꞌo, taatee kexon macecikkoyich shuuneeti giimboommon tunebeete.

Shoddo 145:7

Beshaa beshe ne deꞌittino getteyemmone; ne cadiqitinoyichoo ooge qaaroona shoddeyemmone.

Shoddo 27:4

Doono Yeerin ikke mooyon qollehoye; aroonoo qaawiyoye; ebiyoo, ta kashee yemeeno bullin Doono Yeerichi kexooch beemon, Doono Yeerichi gaawoon ciinnii worganoon, bi yaafee kexoochaanoo corootooniye.

Shoddo 31:19

Asheenaꞌo aafoochaa neen shattii beetinaꞌoyich ne qanniiti, ne shoobooch giyitinaꞌoyich ne kiciti, ne deꞌittino am shaahoon woddehe!

Shoddo 36:7

Yeero, ne shoodo oogeti aaxxe mooyone; asheenaꞌo ne qoshee yiiroon shoobo tuniiheete.

Shoddo 45:2

Ne, ashoyee beshe malletecho neene; ne noonoochee shaawi yibbaatoo kechiye; ebich Yeeri bulli yemeenoon neen diiritone.

Shoddo 50:2

Oogeti malletechi Tsiyooni katemoochaa Yeeri aaxxee bekkehe.

Shoddo 86:15

Ta Doonocho, ne, maarechi, ariqqechi Nuggishoo neene; kaaroyich nibbecho neene; ne shoodoonaa gibeneyoona woddoone.

Shoddo 86:5

Ta Doonocho, ne, deꞌoonaa maarechona neene; neen ceeggiibeeto bullich, wodde shoodecho neene.

Shoddo 90:17

No Doono, no Nuggishoocho, ne ariqqo no toommooch tunebe; no shuunoon nooch kaachibe; eeha, no shuunoon nooch kaachibe.

Keyo 15:11

“Doono Yeero, nuggisheenaꞌo daggoochee neenoommo, konine? Yaafittinoona oogeto, oogee yiiroona shattiibeeto, gaakkechi shuunoon shuuneebeeto, neenoommo, konine?

Solomooni 5:10

Ta shiiqqi, malletechonaa dama qeecoonane; aashire humeenaꞌoyee beshoone.

Solomooni 7:9

ne noonoo gaawe woyinoommon, taach tunebe. Woyinee uyo toolibee, ta shiiqqichi noonoonaa gashoonooch kindibe.

Isiyaasi 33:17

Ne aafeenaꞌo taatoon bi oogoona beeggemminaꞌone; wohooch yaggeeti showoon beeggemminaꞌone.

Isiyaasi 63:15

Doono Yeero, yaafoonaa oogee yiirechona tuneti ne beeyi xaaꞌoo, shimaayoochaa dugilla ciine; ne qanaatoonaa ne giidoona aaye? Noon ne sharaatoonaa ne ariqqoona noyee wokkitone.

Isiyaasi 63:7

Doono Yeerichi shoodoon, Doono Yeerichi galletoon, Doono Yeeri nooch tuniito bullin, bi ariqqoon, oogeti bi shoodoonoo, Israꞌeeleenaꞌoyich bi deeti deꞌoon, gettemmo taane.

Erimiyaasi 31:12

Waaree Tsiyooni guudoochaa emiroona shoddemminaꞌone; Doono Yeerichi deꞌittinoona, maayoon, woyinee uyoonaa zayitoonon, emmishoonaa bagee baaddoonon, bariyoonaa gidereenon daneree emiremminaꞌone. Bedditi aacon daneti bechee budiyoommon tunemminaꞌone; ebiyee bekk ayinaachemminaꞌone.

Erimiyaasi 31:14

Qeesheenaꞌon, beshaa beshoon michiyemmo taane; ta asheenaꞌoo ta deꞌittinoona michemminaꞌone” iye Doono Yeeri.

Yoꞌeeli 2:26

Ittoshi qettee wottoon maaree michemmo ittoshine; ittoshich worganikkiti shuunoon shuuneti, ittoshi Nuggishoo Doono Yeeri taan galletemmo ittoshine. Ta asheenaꞌo ciroona wochinnoon yeelleyaachemminaꞌone.

Yoꞌeeli 3:18

Ebiyooba, guudinaꞌooch woyinee qomboo ceennemmone; geppeenaꞌoochoo shaappeebeeti miiminaꞌo gasheyemminaꞌone. Yihudee showooch beeti bamboo bulliich aaco ceennemmone; Doono Yeerichi yaafee kexoochee, aaco xuupphemmone; Shixiimi bamboonoo uchemmone.

Yowannisi 1:14

Are Qaaro ashoon tunehe; Yeerichi wojjoonaa iberoona bi toommooch meettiꞌi bekketaa noonna tookkii beehe; bi Nihoyich ikke mixxe Bushoo bi tunetoyich, bi waanee bi deqqiti oogee yiiroon beeggehone.

Yowannisi 3:16

“Mulloon bi Bushoo toommooch tooꞌiibeeto bulli, bulli yemeenee kashoon bi danemmonaa bi aalleyaachemmonoyich, Yeeri ikke bi Bushoon bi immimmi wottoon alemoon oogichii shunniye.

Roomi 5:20

Wotta xuꞌo woddemmoyich Muusichi Sheeroo daakkeeꞌi ichehe; tunebaani axaaxoo woddehooba, Yeerichi wojjoo beshaa beshoon woddehe.

Roomi 5:8

Tunebaani Yeeri am shaahoon noon bi shunnito gaata xalla bekkiitone: Batt axaaxecho tunaꞌa no beetaa, Kiristoosi noocha iꞌi qititone.