Zakaariyaasi 9:15 - Kafa Linguistics Project

¹⁵ Beshe Mawe Doono Yeeri boonoshin quyemmone. Boonoshi etteenaꞌonoo aalliyemminaꞌone. Etteenaꞌochi xeppellee xaqqoon neexxemminaꞌone; woyinee uyoon uchii masheti ashichoommon cookemminaꞌone. Boonoshi etteenaꞌochi damoo, deejjee damoo saanooch ceenniꞌi ufoommon ufemmone.

Zakaariyaasi 9:15 ပူးပေါင်းရင်းမြစ်များ

Iyoobi 41:28

Shangoon awureꞌi biin yooho hakkeyaache; xeppelloona duppeti xaqqo, biich buyoommone.

Shoddo 78:65

Aroochee Doono Yeeri tokketoochee timoommon tiyiye; woyinee uyoon uchiti giidechi ashi cidoommon ciddiye.

Keyo 27:2

Bi awudde shuutoona qareenaꞌon shuunebe. Ebi qareenaꞌo deejjee gudoona tookki ikkochee shuuneetinaꞌo tunebeete. Deejjee gudo bullin gooshoona dikkebe.

Solomooni 1:4

Taan yaabi daambe; tookki wocone; taatoo bi gatooch taan deebiye. Nowoo tookki emiribone; emiroonoo wucwucone; ne shunoo woyinee uyoyee beshoon emirikkii beetone; ebich neen gennoo shuno tatoone.

Solomooni 5:1

Ta manee ta woꞌeene, ta budooch waato taane; ta hareboonaa ta qimaamoonon macito taane; ta eeyon bi neechoona maato taane; ta woyinee uyoonaa ejjoonon ucheto taane. Nuucheenaꞌote, maa uyote; shunechinaꞌote, ittoshi michimmi wottoon uyote.

Solomooni 7:9

ne noonoo gaawe woyinoommon, taach tunebe. Woyinee uyo toolibee, ta shiiqqichi noonoonaa gashoonooch kindibe.

Isiyaasi 37:35

“ ‘Ta oogoyicha getiree, ta guuno Daawiticha getiree, hini katemeen deebe wodiyemmo taane’ itone” iye.

Isiyaasi 55:1

“Shachewetinaꞌote, ittoshi bulli aacooch wobote; ittoshi kememmi gijjaalleenaꞌote, waaree keme mamote. Woyinoonaa ejjoonon gijjaalloon, gatiyaalloon kemebote.

Leweenaꞌo 4:18

Wotta are damoochee daamiree, danee duukkaanee daggooch, Doono Yeeri ta aafooch beeti, deejjee gudee qareenaꞌon huute. Echeti damoon micciibeeti deejjoo giddeebeeti, danee duukkaanee kellooch beeti deejjee gudee xepphooch ukkibe.

Leweenaꞌo 4:25

qeeshoo ebi axaaxee deejjoyich giddeti gijjoochi damooch bi kishee yapheroon haciree daami, micciibeeti deejjoo giddeebeeti deejjee gudee qareenaꞌooch huute. Echeti damoon ebi are deejjee gudee xepphooch ukkibe.

Leweenaꞌo 4:7

Wotta are damoochee daamiree danee duukkaanee daggooch, Doono Yeeri ta aafooch beeti, gaawe cinnechi ixaano geddeebeeti deejjee gudee qareenaꞌon huute. Echeti damoon micciibeeti deejjoo giddeebeeti, danee duukkaanee kellooch beeti deejjee gudee xepphooch ukkibe.

Mikiyaasi 5:8

Aageteenaꞌo daggooch curo tuneꞌi echeti ebi Israꞌeeleenaꞌo, kubbi cooxinaꞌo daggooch giyiti daaheroommon, bageenaꞌo daggooch giyiꞌi neexxii yangixxiibeeti, bi kishoochee koniyoona dichoon hakkaani more daaheroommon tunemminaꞌone.

Zakaariyaasi 10:5

Boonoshiyoo ikkotteree ginee naayochoommon, boonoshi etteenaꞌon gommeexi dengoochoommon kotemminaꞌone. Doono Yeeri ta, boonoshina tookkaa ta tunetoyich koyeree, hareshechinaꞌonolla koyi wochemminaꞌone.

Zakaariyaasi 10:7

Efreemeenaꞌo kupphe ginee anaamoommon tunemminaꞌone. Woyinee uyoon uchiti asho emiroommon emiremminaꞌone. Boonoshi bushiisheenaꞌo ebin beegiree emiremminaꞌone. Boonoshi mullo Doono Yeerina emiremmone.

Zakaariyaasi 12:6

“Ebiyooba Yihudichi iraasheenaꞌon michi gutee daggooch beeti qaaqqee bunoommon, wotta maayi qiree daggooch conjiibeeti qaaqqee aaxxoommon tuniyemmo taane. Yoochinaa qanninooch guudiree boonoshi guudoona beeti aageteenaꞌo bullin aalliyemminaꞌone. Ebiyee gubb, Yerusaalemi asheenaꞌo diggoona boonoshi xaaꞌooch beeyemminaꞌone.

Zakaariyaasi 12:8

Ebiyooba Doono Yeeri ta, Yerusaalemi beetinaꞌoyich deebo tunemmo taane; boonoshi daggoochee hakka guutoo Daawitiyoommi kupphoon tunemmone. Daawitichi kechi asheenaꞌo Nuggishoommon woyee ta maraakoommon tuneree asheenaꞌon yaabi qeejjemminaꞌone.

Zakaariyaasi 14:20

Ebiyooba haresheenaꞌochi qetteexi qaaxillooch “Doono Yeerich Yaafeeto” ii beeto qiicaa kooreyemmone. Doono Yeerichi yaafee kexooch beeti, eboshiyoo maayi kachiyoyich gaacciibeeti gubeenaꞌo, deejjee gudee ciinooch beeti quppe saaneenaꞌochoommon yaafeetinaꞌo tunemminaꞌone.

Zakaariyaasi 14:3

Aroochee Doono Yeeri ginooba bi koyoommon ebi aageteenaꞌon keyi kochemmone.

Zakaariyaasi 2:9

“ ‘Ta mochoon ittoshi toommooch tiijjemmo taane. Guuno tuniiꞌi ittoshi hajjitinaꞌo wochiree ittoshin boggemminaꞌone’ gete” iye. Ebi tunehooba, Beshe Mawe Doono Yeeri, taan wocheto tunoon ariyemmo ittoshine.

Zakaariyaasi 9:17

Am shaahoon malletee gaaweheete! Arooch beeti maayoonaa woyinee uyoona, gurimaashe anaaminaꞌonaa maacheenaꞌonon uummiyemmone.

1 Qorontoosi 1:18

Kiristoosichi masqalee mooyo aallooch hammii beetinaꞌoyich tuushittinoone; tunebaani wodaabeeti nooch Yeerichi giidoone.

Efesooni 5:18

Yaafe Ayaano ittoshi kashooch ceenalli, woyinee uyoona masheyaahote; masho bechiibeeto cooneyoochiye.

1 Saameeli 17:45

Daawitiyoo biich ishichiye: “Ne, goraadoon, giishi ginoonaa ooge ginoonon yechaꞌa ta waan waabeeto neene. Tunebaani ta, ne miicheti, Israꞌeelee ginee naayinaꞌo Nuggishoo tuneti, Beshe Mawe Doono Yeeri shigoona ne waan waabeeto taane.