Zakaariyaasi 9:13 - Kafa Linguistics Project

¹³ Yihudee asheenaꞌon maꞌoommon, Efreemee asheenaꞌonoo shangoommon, tuniyemmo taane. Giriikee asheenaꞌon koyoyich, Tsiyoonee asheenaꞌon goraadoommon tuniiree daachiyemmo taane” iye.

Zakaariyaasi 9:13 ပူးပေါင်းရင်းမြစ်များ

Shoddo 144:1

Ginoon ta koyemmoyich ta kishoon, koyoon ta koyemmoyich ta mochoon dojjiti, ta Deebe Xaqqo Doono Yeeri galleteebe!

Shoddo 149:6

Gutte baddaa aci goraadoon boonoshi kishooch yeshiree, ooge qaaroona Yeerin galletebeete.

Shoddo 45:3

Ginee anaamocho, ne oogoonaa oogee yiiroona, ne goraadoon ne shimetooch cuyebe.

Isiyaasi 49:2

Ta heciyoon aci goraadoommon tuniihe; bi kishee yiirooch taan aachiye; acheeti shangoommon taan tuniihe; bi gonenoochoo taan aachiye.

Erimiyaasi 51:20

Doono Yeeri ishichiye: “Baabloono, ne, ta modooshoo, ta ginee qiico neene; neenna aageteenaꞌon tiichoye; neenna taatittineenaꞌon aalliihoye;

Shoosho 4:2

Gaawe aachooch haddeeti Tsiyooni bushiisheenaꞌo, nuuqqee hachechochi kishoona hacheeti, nuuqqee qiicoommon aabichiꞌi haddeeheete!

Amootsi 2:11

Ittoshi anaami bushiisheenaꞌo daggoochee ikkikkeenaꞌon keemechinaꞌo, ittoshi gurimaasheenaꞌo daggoocheenoo ikkikkeenaꞌon Naazireenaꞌo tuniihoye. Israꞌeeleenaꞌote, ebi iberoo toone?” iye Doono Yeeri.

Abidiyi 1:21

Esayichi guudon hajjoyich, kochii wochechinaꞌo tuneti asheenaꞌo Tsiyooni guudi toommooch kechemminaꞌone; taatittinoo Doono Yeericho tunemmone.

Zakaariyaasi 1:21

Tawoo “Eboshi waabeeto amoon shuuneyane?” iyo. Biyoo “Ebi qareenaꞌo, koniyoona kaama qaallaachemmoyich, Yihudee showoon shacciti qareenaꞌone. Ebich ebi qemminaꞌo waabeeto, boonoshin shatiiya, Yihudee showoon shacoyich boonoshi qaroon tiijjiti aageteenaꞌo qaroon tiichane” iye.

Efesooni 6:17

Yeeri immiibeeti wodiyoon xuuree ukoochoommon ukebote. Yaafe Ayaano immiibeeti goraadoonoo yeshote; aroo Yeerichi qaaroone.

2 Ximootiyoosi 4:7

Gaaweti qiiccoon qiicceto taane; ciirooch beddaahaa dihaanoon wocceto taane; Kiristoosi toommooch mullee tooꞌiyee doyoonoo manjiiꞌa quyeto taane.

Hibireena'o 4:12

Yeerichi qaaro beeyechonaa shuunee beetonane; gutte baddaa gayireeti goraadoyee beshe acone; kashoonaa ayaanoonochi daggooch, achee quumee kocoonaa haashoonochi daggooch hottii giyiꞌi, boonoshi barbarimmi wottoon kochii beetone; mullee gaboonaa qaatoonon gaxxii barbariiꞌi nallii beetone.

Yaaꞌoo 1:16

Bi qanne kishoona shabaatte xojjenoon yechitone; bi kookkoochee gutte baddaa gayireeti aci goraado kechiye; bi baroo qaawee aabee aaxxoommon aaxxee beetone.

Yaaꞌoo 17:14

Eboshiyoo Bagoona koyemminaꞌone; tunebaani Bago boonoshin koyi wochemmone; ebiyoo Bago dooninaꞌochi Doono, taateenaꞌochi Taatoo bi tunetoyichiye; biinna tookkii beeti ceekkeetinaꞌo, kaaccitinaꞌonaa gibeneetinaꞌona wotta koyi wochemminaꞌone” iye.

Yaaꞌoo 19:15

Aageteenaꞌon koyi bi wochemmi aci goraado bi kookkoochee kechiye; biyoo xuuree gumboona boonoshin hajjemmone; woyinee aafoon oppoochaa asho kotoommon, ebiyoommon Beshe Hakkechi Yeerichi kaaree shiixxee naxeechi oppoochaa boonoshin kotemmone.

Yaaꞌoo 19:21

Echetinaꞌoo hareshoon yebbetochi kookkoochee kechiibeeti aci goraadoona kochee qitiyeete; gaceenaꞌo bulliyoo boonoshi meenon maa michiyeete.

Yaaꞌoo 2:12

“Phergaamooni kittinnee guuphi maraakoyich ishichi kooribe: Gutte baddaa gayireeti aci goraadecho ishichiye: