Zakaariyaasi 9:12 - Kafa Linguistics Project

¹² Gibenoona beeti hini qoppeenaꞌote! Ittoshi mishigooch wottebote! Gutte kishoo tuniiree ittoshin diiremmo ta tunoon ta and ittoshich gettoye.

Zakaariyaasi 9:12 ပူးပေါင်းရင်းမြစ်များ

Iyoobi 42:10

Iyoobi bi nuucheenaꞌoyich bi corootitoyee gubb, Doono Yeeri biin wochinnoon gaannechon tuniihe; aafi bi gaannoyee gutte kishoon tuniiꞌi bulli mooyon biich immiye.

Isiyaasi 24:22

Qoppeenaꞌo oppee maaceexi cuyee kexooch kiceyoommon boonoshiyoo kiceyemminaꞌone; cuyee kexoochoo hichemminaꞌone; meeti aaboyee gubb naxeyemminaꞌone.

Isiyaasi 38:18

Maash hammito neen galleteyaache; qitito neen galleteyaache; oppooch kinditinaꞌo, gibeneeto ne tunoon, gibenoona quyeyaacheete.

Isiyaasi 40:2

“Bi guuchittinee yemeeno ciiroon, bi axaaxoo maareyoon, Doono Yeer waanee gutte kishoon, bi axaaxee sheeroon bi deꞌon, Yerusaalemich maanjoona getote; biich awaajjibote” iye.

Isiyaasi 49:9

Qoppeenaꞌon ‘Keyi hambote,’ manderee daggooch beetinaꞌonoo ‘Bekkooch keyote’ gettemmo neene; gommona hamibee, maayoon dane maayemminaꞌone; geppee toommeexi shokke xaaꞌoo, boonoshich mocechi gaddo tunemmone.

Isiyaasi 52:2

Kecceti Yerusaaleme, tibe; ne quttoon tebbebe; kecceti Tsiyooni maache busheene, ne cucheti sansalatoon ne qettoochee biishe.

Isiyaasi 61:7

Ittoshi yeellee qoodoon gutte kishoon danemmo ittoshine; ittoshi cooneyee qoodoon ittoshi qoodoona emiremmo ittoshine; ittoshi showoochaa gutte kishoon woraashemmo ittoshine; bulli aabee emiroo ittoshich tunemmone.

Erimiyaasi 14:8

Israꞌeeleenaꞌochi Gibenoocho! Iritee aabooboo boonoshi Wodiyechocho! Showooch dallaawoochoommon; xum qeyi hammemmi gomma beshechoommon ne tunaabeeto amoyichiye?

Erimiyaasi 16:19

Ta hakkoo, ta giidoo, iritee aabooboo ta deebo tuneti Doono Yeero, showee tuggoochee aageteenaꞌo ne waan waaree, “No qaabbechinaꞌo kootoon, duube mooyon, boonoshich gaacaani mooyon woraashitinaꞌone” gettemminaꞌone.

Erimiyaasi 17:13

Israꞌeeleenaꞌochi gibeno Doono Yeero, neen qajjiibeeto bulli yeellemmone; neyee barii beetinaꞌo, kashee xuupho Doono Yeeri neen boonoshi qajjitoyich, buttooch kooreeti shigoochoommon aallemminaꞌone.

Erimiyaasi 31:17

Gubbich gibeno neech beetone” iye Doono Yeeri. “Ne bushiisheenaꞌo boonoshi hajjee showooch wotte woyemminaꞌone.

Erimiyaasi 31:6

Quyechinaꞌo Efreemi geppeenaꞌoochaa, ‘Ittoshi waataa, Tsiyoon, no Nuggishoo Doono Yeer waan keyone’ getiree boonoshi cookemmi aabo woyemmone” iye.

Erimiyaasi 50:28

No Nuggishoo Doono Yeerichi nichoon gaacon, bi yaafee kechi nichoon bi kichoon Tsiyooni katemooch getoyich, Baabloonee showoochee muriccii xuupphitinaꞌochi qaaroon waayebote!

Erimiyaasi 51:10

“Israꞌeeleenaꞌoo ‘Doono Yeeri nooch bi nallitoyich ittoshi waataa, Tsiyoonaa no Nuggishoo Doono Yeerichi shuunoon getone’ gettemminaꞌone.

Hiziqeeli 37:11

Biyoo taach ishichiye: “Ashi bushoocho, ebi shaawusheenaꞌo Israꞌeelee macceenaꞌo bulline; boonoshiyoo ‘Ebiyoche, no shaawusho shuuqqitone; gibenoon kuxxeto noone; ciroona aalleto noone’ itinaꞌone.

Hosee'i 2:15

Aroochee bi woyinee goyoon biich immemmo taane; Akoori bamboonoo gibenee kello biich tuniyemmo taane. Aroochaanoo, Gibitsee bi keyiyooba, bi bushittinee aabooba, bi tuniitoommon, taach eekkemmine.

Yoꞌeeli 3:16

Doono Yeeri Tsiyoonaa ciddiye; bi qaaroon oogichiꞌi cookiye. Yerusaalemaanoo gigehe. Shimaayoo, showoo shuuriye. Tunebaani Doono Yeeri bi asheenaꞌoyich shoobi xaaꞌoo tunemmone; Israꞌeeleenaꞌoyichoo mishigo tunemmone.

Mikiyaasi 4:8

Qiddoo dilaaloochaa bi bagoon quyoommon Yeeri bi asheenaꞌon quyeebeeti Yerusaaleme! Wonnee ne oogo neech wottemmone; wochinnoon inde katemoon tunemmi neene.

Naahoomi 1:7

Doono Yeeri deꞌoone; duꞌee aabooboo shoobi xaaꞌoone; biin gibenee beetinaꞌon shiimee yechii beetone.

Hibireena'o 6:18

Illa hini are gutte mooyinaꞌo shaddeyaachemminaꞌone; Yeeri kootoone getaachemmi mooyinaꞌone; ebich no aafooch beeti gibenoon danoyich Yeerichi shoobooch giyeti no, oogeton goggemmo noone.

Hibireena'o 6:19

Shuuraanoon no beeyemmoyich, ebi no gibenaabeeti gibeno no kashoon quyee beetone; ebi are no gibeno Yesuusine; biyoo shimaajji yaafee kechi maaci Yaafe Xaaꞌooch maccillaatoon beshee giyitone.