Zakaariyaasi 8:9 - Kafa Linguistics Project

⁹ Beshe Mawe Doono Yeeri ishichiye: “Beshe Mawe Doono Yeeri ta yaafee kechi heco hecheehooba keemechinaꞌo keemmiti keemoon and beddaahaa waayeebeeti ittoshi, yaafee kexon shuunoyich ittoshi mochoon kupphiibote.

Zakaariyaasi 8:9 ပူးပေါင်းရင်းမြစ်များ

1 Kiinoo 22:13

Doono Yeeri Muusina bi immiti sheeroonaa qociyoonon manjiyaꞌa ne quyegaata, mooyo neech kaamemmone. Kupphebe; maac kuxo tunebe; shattaahine; ne gibenoon kuxxaahine.

1 Kiinoo 28:20

Aroochee Daawiti bi bushoo Solomoonich ishichiye: “Illa kupphebe; maaci kuxo tunebe; shuunoonoo wonnibe; ta Nuggishoo Doono Yeeri neenna tookkii bi tunetoyich shattaahine; keqqiyaahine. Biyoo ebi yaafee kechi shuunoo ciiremmi wottoon neen qayaachemmone; neen dufaachemmone.

2 Kiinoo 15:7

Tunebaani ittoshi shuunee gatiyoon danemmo ittoshi tunetoyich, kupphebote; ittoshi mochoo niraaye” iye.

Iziri 6:14

Ebich keemechi Haaginaa Iidi bushoo Zakaariyaasina keemaa, Ayihudee geeneenaꞌo kexon haggiyeete; boonoshichoo kaamehe. Israꞌeelee Nuggishoochi getoommon, wotta Faariisee taateenaꞌo Qiroosi, Daariyoosinaa Arta Yekisesinochi getoommon, yaafee kexon haggii qanniiheete.

Isiyaasi 35:3

Taahiti mocheenaꞌon kupphiibote; qeweti guteneenaꞌon manjiibote.

Isiyaasi 35:4

Boonoshi mullo shattii beetinaꞌon “Kupphebote; shattaahote; ittoshi Nuggishoo nichoon kichiya, boonoshi shuuneton boonoshich shuuneree, ittoshin wodiiya, woyemmone” getote.

Haagi 1:1

Taatoo Daariyoosi taateti guttinnee natooba, shirittinnee agenee ikkinnee qemooba, Doono Yeeri keemechi Haagina, Yihudee iraashoo, Shelateeli bushoo Zerubabeelinaa Yehotsedeeqichi bushoo, qeeshee guudo Yaasinoyich bi gettiti qaaro:

Haagi 1:12

Aroochee Shelateeli bushoo Zerubabeelinaa Yehotsedeeqichi bushoo, qeeshee guudo Yaasina echeti curo bullina tookkii boonoshi Nuggishoo Doono Yeerichi qaaroon, wotta boonoshi Nuggishoo Doono Yeeri biin bi wochetoyich, keemechi Haagichi qaaroonoo waayeheete. Asheenaꞌoo Doono Yeerin shattiyeete.

Haagi 2:18

Hanaachi aabo yiixiyinnee agenee hiyaa awuddinnee qemone. Ebiyoo Doono Yeeri ta yaafee kechi xaqqee heco hecaa ciireti aaboone. Illa ebiyee damba tunemmi mooyon gaawichi ciinote.

Haagi 2:21

“Yihudee iraashoo Zerubabeelich, ‘Showoonaa shimaayoonon shuurikkiya ii beeto taane;

Zakaariyaasi 8:13

Yihudee asheenaꞌonaa Israꞌeeleenaꞌonote, aageteenaꞌo daggooch uppetooch haddeeto ittoshine; tunebaani and ittoshin wodiyemmo taane. Ittoshiyoo diiroo tunemmo ittoshine. Shattaahote; ittoshi mochoo niraaye” iye.

Zakaariyaasi 8:18

Beshe Mawe Doono Yeeri taach ishichiye:

Efesooni 6:10

Illa and, Doono Yesuusinaa bi ooge giidoona kupphebote.

2 Ximootiyoosi 2:1

Illa ta bushoochoo, Kiristoos Yesuusina daneebeeti wojjoona kupphebe.

Yaasi 1:6

“Kupphebe, maac kuxo tunebe. Boonoshi qaabbechinaꞌoyich imma ta wogeti showoon hini asheenaꞌo woraashemmoyich tuniyemmo neene.

Yaasi 1:8

Hini Sheeree Macaafo ne noonoochee baraaye. Bi daggooch kooreeto bullin manjiiree ne ceechemmoyich, areddoonaa xumoonon shalligibee shemmebe. Ebin ne tuniigaata, bulli mooyo neech mashaami kaamemmone.