Zakaariyaasi 8:3 - Kafa Linguistics Project

³ Doono Yeeri ishichiye: “Tsiyooni katemooch wottemmo taane; Yerusaalem beeyemmo taane; Yerusaalemiyoo Gibeneeti Katemee, getaa ceekkemmine. Beshe Mawe Doono Yeeri ta guudo Yaafeeti Guudo getaa ceekkemmone” iye.

Zakaariyaasi 8:3 ပူးပေါင်းရင်းမြစ်များ

Shoddo 2:6

“Yaafee ta geppoo Tsiyooni toommoochaa ta kaacceti taatoon ukkiriito taane” gettemmone.

Shoddo 48:1

Doono Yeeri oogoone; no Nuggishoochi katemoochaa yaafeeti bi guudoochaa ooge galleto biich giddo tatoone.

Keyo 29:45

Israꞌeeleenaꞌo daggooch beeyemmo taane; boonoshi Nuggishoonoo tunemmo taane.

Isiyaasi 1:21

Gibeneeti katemee aabichaꞌa yahechiyoommi tunehane! Ebiyee aaf dayinneto ceenniti, cadiqoo beeti katemeene; tunebaani and ashoon wuxechinaꞌochi katemee tunehan.

Isiyaasi 1:26

Ne woraaferasheenaꞌon wonneechooch, ne mikkirechinaꞌonoo aafichooch wochemmo taane; aroochee Cadiqee Katemee, Gibeneeti Katemee getaa ceekkemmi neene” iye.

Isiyaasi 11:9

Yaafeeti ta guudo bulliichaa qaaꞌi iritoon, woyee aalloon shakkiyaachemminaꞌone; aacoo baharooch ceenoommon, showoo bulli Doono Yeerin ariyoona ceennemmone.

Isiyaasi 12:6

Ittoshi daggooch beeti, Israꞌeelee Yaafoo oogeto bi tunetoyich, Tsiyooni beetinaꞌote, ililibote” gettemmo ittoshine.

Isiyaasi 32:16

Ebiyooba qeemi showooch, barahoochoo dayinnetoonaa cadiqoona tunemmone.

Isiyaasi 60:14

Neen neexxii hajjitinaꞌochi yareenaꞌo yiti goyinnebee, ne waan woyemminaꞌone; neen hoxetinaꞌo bulli ne baatooch goyinnemminaꞌone; neenoo ‘Doono Yeerichi katemee, Israꞌeelee Yaafoochi tuneti, Tsiyoone’ geti ceeggemminaꞌone.

Isiyaasi 65:25

Okeroonaa bagee baaddoona ikkooch tookki maayemminaꞌone; daaheroo gattoochoommon maayi tulloon qaachemmone; butto dingeroyich maayoon tunemmone; yaafeeti ta guudo bulliichaa qaakko woyee aallo boonoshi toommooch shagaachemmone” iye Doono Yeeri.

Isiyaasi 66:20

Doono Yeerich giddeebeeti buuroochoommon, ittoshi maneenaꞌon aagetoo bulliichee, haresheenaꞌona, baribare gaarinaꞌona, bicereenaꞌona, gaaleenaꞌona, yaafeeti ta guudo Yerusaalem deebemminaꞌone. Ebiyoo Israꞌeeleenaꞌo maayi buuroon xalle qiicoona Doono Yeeri taach yaafee kexooch boonoshi deeboommoniye” iye Doono Yeeri.

Isiyaasi 8:18

Ebiyoche taannaa Doono Yeeri taach immiti ta bushiisheenaꞌona, Tsiyooni guudi toommeexi Beshe Mawe Doono Yeer waanee Israꞌeeleenaꞌoyich malletoonaa worganikkiti mooyona noone.

Erimiyaasi 14:9

Biich yoocheti ashoommon, wodiyoon hakkaani ginee anaamoommon ne tunaabeeto amoyichiye? Tunebaani Doono Yeero, ne andoo no daggooch neene; nowoo ne shigoona ceekketo noone; noon qajjaahine.

Erimiyaasi 26:18

“Moreshetee asho Mikiyaasi Yihudee taatoo Hiziqiyaasichi taatee yemeenooch, Yihudee asho bullich ishichiꞌi keemoon keemmitone: ‘Beshe Mawe Doono Yeeri ishichiye: Tsiyooni, budochoommon gocheyemmine; Yerusaalemi, buricee gutoon tunemmine; Yeerichi yaafee kexo shuuneeti geppoochoo eho collemmone’ itone.

Erimiyaasi 31:23

Israꞌeelee Nuggishoo Beshe Mawe Doono Yeeri ishichiye: “Boonoshi kecoon ta wochiyooba, Yihudee showoonaa bi katemoo bullinoochaa, ‘Cadiqee beemi xaaꞌoocho! Yaafee geppoocho! Doono Yeeri neen diiribe’ wochinnoon getteyemmone.

Erimiyaasi 33:16

Ebiyoobee yemeenooch Yihudee showeexi maccoo wodemmone; Yerusaalemi katemeexi asho diggoona beeyemmone; katemoo ceekkemmo ‘Doono Yeeri No Cadiqoone’ getenane” iye.

Hiziqeeli 48:35

“Bi guude gawo aaraa shimitte hume hiroo tunemmone; are aaboochee tiijji ebi katemee shigo Doono Yeeri Arooch Beeti Katemoo getteyemmone” iye.

Daaneeli 9:16

No axaaxee naboonaa no qaabbechinaꞌochi xuꞌee naboona no guudoona beeti bare yoodee asheenaꞌo ne katemoo Yerusaaleminaa ne asheenaꞌonon qallayitinaꞌone. Ta Doonocho, ebich ebiyee aaf ne shuuneti cadiqee shuunoommoona, ne yaafee geppoo tuneti Yerusaalemi toommoochee ne kaaroon wochibe!

Yoꞌeeli 3:17

“Arooba, yaafeeti Tsiyooni ta geppooch beeti, ittoshi Nuggishoo Doono Yeeri ta tunoon ariyemmo ittoshine. Ebiyooba Yerusaalemi yaafeeti tunemmine; dallaaweenaꞌo biin koyi wochaachemminaꞌone.

Yoꞌeeli 3:21

Hanaach beddaahaa ta gaacaani, xalle ashi damee nichoon kichemmo taane; Doono Yeeri ta, Tsiyoon beeyemmo taane” iye.

Mikiyaasi 4:1

Ciiree yemeenooba, Doono Yeerichi yaafee kexo beeti guudo, guudinaꞌo bulliyee beshiree bekkemmone; geppeenaꞌo toommooch qaalli bekkemmone; aageteenaꞌoo arooch orihe woyemminaꞌone.

Sofoniyaasi 3:13

Curo tuneꞌi echeti Israꞌeeleenaꞌo gonde mooyon shuuneyaachemminaꞌone; kootoonoo kootaachemminaꞌone; ashoon dachee yibbaatoo boonoshi heciyoochee keyaachemmone. Cikkii mocoon yaapphiibeeti bagoochoommon keqqaalleenaꞌo tunemminaꞌone; kashe qeyemminaꞌone; amoyichona shataachemminaꞌone” iye.

Zakaariyaasi 1:16

“Ebich Doono Yeeri ishichiye: ‘Ta ariqqoona Yerusaalem wotteto taane. Ta yaafee kexo wochinnoon arooch hakkemmone. Yerusaalem qellayee woderoo geecheyemmone’ iye Beshe Mawe Doono Yeeri.

Zakaariyaasi 12:6

“Ebiyooba Yihudichi iraasheenaꞌon michi gutee daggooch beeti qaaqqee bunoommon, wotta maayi qiree daggooch conjiibeeti qaaqqee aaxxoommon tuniyemmo taane. Yoochinaa qanninooch guudiree boonoshi guudoona beeti aageteenaꞌo bullin aalliyemminaꞌone. Ebiyee gubb, Yerusaalemi asheenaꞌo diggoona boonoshi xaaꞌooch beeyemminaꞌone.

Zakaariyaasi 14:10

Showoo bulli Geebee tiijji Yerusaalemaa deshi-waan beeti Rimoon beddaahaa, shaddeeree naqqe gaddoon tunemmone. Tunebaani Yerusaalemi, Biiniyaami Kelloochee tiijjiree ebiyee aafi kellee xaaꞌooch beddaahaa, Uxeree Daneexi Kellooch beddaahaanoo, wotta Hanaaneeli Dilaaloochee tiijjiree taatoochi woyinee hiicci oppooch beddaahaa bi xaaꞌooch beshiree beeyemmone.

Zakaariyaasi 8:16

Ittoshi tuniyemmi mooyinaꞌo eboshine: Ittoshinaa ittoshina ibere yibbaatoon yibbaatebote; ittoshi addibaaboochaa diggoon deebemmi, ibere nalloon nallibote.

Zakaariyaasi 8:19

“Awuddinnee agenooch, uuchinnee agenooch, shabaattinnee agenoonaa aashirinnee agenoonooch coomeebeeti coomoo Yihudee asheenaꞌoyich emiree baaree aabo, emiroona wucwuci baaree aabo tunemmone. Tunebaani ittoshi iberittinoonaa diggoona beemonon shunote” iye.

Yowannisi 1:14

Are Qaaro ashoon tunehe; Yeerichi wojjoonaa iberoona bi toommooch meettiꞌi bekketaa noonna tookkii beehe; bi Nihoyich ikke mixxe Bushoo bi tunetoyich, bi waanee bi deqqiti oogee yiiroon beeggehone.

Yowannisi 14:23

Yesuusi wochiꞌi biich ishichiye: “Taan shunniibeeto koniyoona bi beegaata, ta getteton ceechemmone; ta Nihoo biin shunnemmone; bi waanoo woyemmo noone; bi waanoo beeyemmo noone.

2 Qorontoosi 6:16

Yeerichi yaafee kexonaa shahalloonoyich amee danittino beete? No, beeyechi Yeerichi yaafee kexo noone; Yeeri ishichiye: “Boonoshina tookki beeyemmo taane; boonoshi daggooch shaꞌemmo taane; boonoshi Nuggishoo tunemmo taane; boonoshiyoo ta macceenaꞌo tunemminaꞌone” iye.

Qolaasiyaasi 2:9

Ceeni Nuggishittino bulla Kiristoosi taheti meechi ashittinooch beetone.

Yaaꞌoo 21:10

Yeerichi Ayaanee giidoo ta toommooch tunetaa, are maraakoo oogeti genje guudi toommooch taan kichiye; Yeerichi oogee yiiroo beeti yaafe katemee Yerusaalemi shimaajj beeti Yeer waanee bi kindaa beetaa taach bekkiihe. Bi aaxxoo yasphiido getteebeeti ooge aaxxe xaqqoommi shaahaachaa, bi daggoona beshii bekkiibeeti burciqoommine.

Yaaꞌoo 21:27

Bagoochi kashee macaafooch boonoshi shigo kooreetinaꞌoyee beshetaa, amee eeꞌe mooyo tuneba tiyaariibeeti mooyon shuuneebeeto woyee kootoon koottiibeeti asho hini are katemeech ciroona giyaachemmone.

Yaaꞌoo 21:3

Aree hillooch ooge qaaro qeenoochee kechiꞌi, “Ebiyoche, Yeerichi qeyi xaaꞌoo asheenaꞌo daggooch tunetone; boonoshina tookki beeyemmone; boonoshiyoo bi asheenaꞌo tunemminaꞌone. Yeeriyoo bi qelloona boonoshina tookki tuneree boonoshi Nuggishoo tunemmone.