Zakaariyaasi 8:23 - Kafa Linguistics Project

²³ Beshe Mawe Doono Yeeri ishichiye: “Ebiyooba baribare noonoona yibbaateebeeti aageteenaꞌoochee, aashire asheenaꞌo ikke Ayihudo waan waa, bi qoreddee caappoon yeshiichi, ‘Yeeri ittoshina tookkii beeto bi tunoon no waayetoyich ittoshina tookki hambone’ gettemminaꞌone” iye.

Zakaariyaasi 8:23 ပူးပေါင်းရင်းမြစ်များ

Halloo 31:41

Hiye naton ne kexooch ta koteto ebiyoommi beemonane. Aaraa awudde naton ne gutte bushiishoyicha iyaa neech maddeho; shiritte naton ne gijjeenaꞌoyicha iyaa neech maddeho. Ebichi toommooch ta shumaayoyich aashire wottoon ne heciyoon shaddihine.

Halloo 31:7

Tunebaani ta shumaayoyich aashire wottoon bi heciyoon shaddiibee taan dawushiye; tunetaa ta toommooch gonde mooyon bi deebemmoyich Yeeri daaggaanoone.

2 Taateenaꞌo 2:6

Aroochee Eliyaasi biich, “Hiniich beebe; Yoordaanoosi ta hammemmoyich Doono Yeeri taan wochetone” iye. Tunebaani Elisayi, “Beeyechi Doono Yeeri beege! Beeyechi ne kashoonoo wogehoye; neyee baraache” iye. Ebina tookkiꞌi hammiyeete.

1 Kiinoo 12:18

Aroochee Ayaano shaasheenaꞌochi ukkiroo Amasayi toommooch waataa ishichiye: “Daawito, no, neecho noone; Iseyi bushoocho, neenna tookkaa noone; ne Nuggishoo neen gaacheebeeto bi tunetoyich, diggoo, diggoo neech tunebe, diggoo neen gaachee beetinaꞌoyichoo tunebe” iye. Daawitiyoo boonoshin daammiꞌi bi ginee naayinaꞌo toommooch ukkiriihe.

2 Kiinoo 15:9

Bi Nuggishoo Doono Yeeri biinna tookkii beemon beeggiꞌi, Israꞌeeleenaꞌoochee meeti asheenaꞌo bi waan waa kotetinaꞌone. Ebina Yihudee asheenaꞌon, Biiniyaamee asheenaꞌon, ebiyoommon wotta Efreemi yoodoochee, Minaasi yoodoonaa Simooni yoodoonoochee waaꞌi biinna tookkii beetinaꞌon kiciye.

Asteeri 8:17

Taatoochi awaajjo shaggiti woraafeenaꞌonaa katemeenaꞌo bullinooch beeti Ayihudeenaꞌo oogeton emiriyeete; emiroonoo wucwucciyeete; gifiroon geddiꞌi baaroon baariyeete. Ebina Ayihudeenaꞌon shatoochee tiyitona, meeti aagetee asheenaꞌo Ayihud wotteheete.

Iyoobi 19:3

Aashire wottoon taan naaggiyote; yeelleyaanoon taan xuqqiyote.

Dojjecho 11:2

Showee toommooch gonde mooyo amo tunemmo gaata, ariyaano ne tunetoyich, ne gijjoon shabaatte beera woyee shimitte beera qoodibe!

Isiyaasi 3:6

Asho bi nihoo kexoochee, ikke bi manoon yeshiree, “Neech taho beetone; noon, hini happeeti xaqqee gutoonoo qeejjibe” gettemmone.

Isiyaasi 4:1

Arooba shabaatte maacheenaꞌo ikke anaamon yeshiree, “No hajjee maayoon maayemmo noone; no hajjee tahoonoo tahemmo noone; ne mecheenaꞌo tuneree baach no ceekketaa, kenaalleenaꞌone getaa no cooneyoo no waanee wohe” gettemminaꞌone.

Isiyaasi 45:14

Doono Yeeri ishichiye: “Gibitsee gaanno, Topphiyee giixee qiicoo ittoshicho tunemmone; neexi genje Saabee asheenaꞌo ne waan waaree, neech hajjeyemminaꞌone; sansalatoona cuyaa waaree neen dabbemminaꞌone; neen qollebee neech goyinneree: ‘Yeeri beeto neenna tookkiiniye; biyee bare nuggishoo aalloone’ gettemminaꞌone” iye.

Isiyaasi 45:24

“Asheenaꞌo ‘Cadiqoonaa giidoona danemmo Doono Yeer waanaa baachiye’ getiree taachon yibbaatemminaꞌone; ta toommooch tiyitinaꞌo bulli, ta waan waaree yeellemminaꞌone.

Isiyaasi 55:5

Israꞌeelee Yaafoo, ne Nuggishoo Doono Yeeri ta, neen ta oogiitoyich, ne ariyaani aageteenaꞌon ceeggemmo neene; neen ariyaani aageteenaꞌo ne waan wocibee woyemminaꞌone” iye.

Isiyaasi 60:14

Neen neexxii hajjitinaꞌochi yareenaꞌo yiti goyinnebee, ne waan woyemminaꞌone; neen hoxetinaꞌo bulli ne baatooch goyinnemminaꞌone; neenoo ‘Doono Yeerichi katemee, Israꞌeelee Yaafoochi tuneti, Tsiyoone’ geti ceeggemminaꞌone.

Isiyaasi 60:3

Aageteenaꞌo ne bekkooch, taateenaꞌo ne haree gaargaarooch woyemminaꞌone.

Isiyaasi 66:18

Boonoshi shuunoonaa boonoshi gaboonon ta ariyaa beetoyich, aageteenaꞌonaa baribare noonoona yibbaateebeeti asheenaꞌonon kicoyich woyemmo taane; boonoshiyoo waaree ta oogoon beeggemminaꞌone;

Mikiyaasi 5:5

Boonoshich diggoon tuniyemmone. Asooreenaꞌo no showooch boonoshi shagigaata, no mishigoonoo tiichii boonoshi giyigaata, boonoshin kochemmi shabaatte qiddeenaꞌon, shimitte woraaferasheenaꞌonoo daachiyemmo noone.

Sofoniyaasi 3:19

Ebi arooba, ittoshin neexxii hajjitinaꞌon naxemmo taane; baata sheqqeenaꞌon wodiyemmo taane; shacetinaꞌonoo kicemmo taane; boonoshi giishoon oog wochemmo taane; showee toommooch arichetinaꞌo tuniyemmo taane.

Haddoo 14:22

Gibitsee showoonaa barahoonoochaa ta oogee yiiroon, ta tuniiti gaakkechi mooyonoo beeggiti ebi asheenaꞌo bulli aashire wottoon taan phireya boonoshi qiiccetoyich, ta qaaroonoo waayo boonoshi qajjitoyich,

Luqaasi 8:44

Yesuusichi gubbaa hammaꞌa bi qoreddee caappoon yechahan; ufeebeeti bi damoo bekkech neexehe.

Mishiraachechinaꞌo 19:12

Phawuloosi taheti tahoonona daammii biiyechinaꞌochi achooch boonoshi shakkiitaa, biiyechinaꞌo wodii beeheete; asheenaꞌo toommooch beeti yinnoo boonoshin gawukkiꞌi hammii beehe.

1 Qorontoosi 14:25

Ebina bi mullooch aacheeti mooyo xalla bekkemmone; biyoo “Iberoon Yeeri ittoshi daggooch beetone” getibee yitiree Yeerich goyinnemmone.

Yaasi 8:35

Yaasi maacheenaꞌo, nallefeenaꞌo, Israꞌeelee iiteenaꞌo bullinaa boonoshi daggooch beeti shiqqeenaꞌonochi aafoochaa shemmehe. Muusi gettiti sheeree qaaroochee ikkoonolla echiyaanoone.