Zakaariyaasi 8:19 - Kafa Linguistics Project

¹⁹ “Awuddinnee agenooch, uuchinnee agenooch, shabaattinnee agenoonaa aashirinnee agenoonooch coomeebeeti coomoo Yihudee asheenaꞌoyich emiree baaree aabo, emiroona wucwuci baaree aabo tunemmone. Tunebaani ittoshi iberittinoonaa diggoona beemonon shunote” iye.

Zakaariyaasi 8:19 ပူးပေါင်းရင်းမြစ်များ

2 Taateenaꞌo 25:1

Sedeqiyaasi taateti yiixiyinnee natooba, aashirinnee agenee aashirinnee qemooba, Baabloonee taatoo Nabukadinatsori bi ginee naayo bullina tookkii waaꞌi, Yerusaalemin kocha giichiye. Bi ginee naayinaꞌoo katemee guudoona showoon gutiyeete.

2 Taateenaꞌo 25:25

Tunebaani aroobee natoobee shabaattinnee agenooba, taatee yaroochee tuneti Elishami bushoo Netaani bushoo Ishmaꞌeeli aashire asheenaꞌona tookkii waaꞌi, Gedaliyin, biinna tookkii Mitsiphi gafooch beeti Ayihudeenaꞌonaa Baabloonee asheenaꞌonon wuxiye.

Asteeri 8:17

Taatoochi awaajjo shaggiti woraafeenaꞌonaa katemeenaꞌo bullinooch beeti Ayihudeenaꞌo oogeton emiriyeete; emiroonoo wucwucciyeete; gifiroon geddiꞌi baaroon baariyeete. Ebina Ayihudeenaꞌon shatoochee tiyitona, meeti aagetee asheenaꞌo Ayihud wotteheete.

Asteeri 9:22

Boonoshi baaremmi naboo, Ayihudeenaꞌo boonoshi etteenaꞌo waanee boonoshi kasheti aabo, boonoshi ayinoo emiroona, boonoshi eefoo emiree baaroona bi shaddeeti aabo bi tunetoyichiye. Ebi aaboonoo emiree aaboonaa baaree aaboonon tuniiree, boonoshinaa boonoshina ikkoo baroyich maayoon imibee bi baaremmoyich, wotta girechinaꞌoyich maayoon imibee boonoshi baaremmoyich gettiye.

Shoddo 30:11

Ne, ta eefon emiree duuttoona shaddihine; ta dookoon shoottaꞌa emiroon taach tajjihine.

Shoddo 34:15

Doono Yeeri aafo cadiqeenaꞌo waan ciinnii beetone; bi waamo boonoshi cookoon ellehe.

Isiyaasi 12:1

Arooba ishichemmo neene: “Doono Yeero, neen galletehoye; taan ne kaaretaanona, and ne kaaroochee wotteto neene; taanoo goggiito neene.

Isiyaasi 35:10

Doono Yeeri biishetinaꞌo aroona shaꞌemminaꞌone; shoddebeeshoo Tsiyoon woyemminaꞌone; bulli yemeenee emiroon ukoochoommon ukemminaꞌone; emiroonaa wucwuconon danemminaꞌone; ayinoonaa tuumona wokkemmone.

Isiyaasi 51:11

Doono Yeeri biishetinaꞌo wottemminaꞌone; shoddebee Tsiyoon woyemminaꞌone; bulli aabee emiroon gubbichoo ukoommon ukemminaꞌone; emiroonaa wucwucona boonoshich tunemmone; ayinoonaa eefona boonoshiyee wokkemmone.

Erimiyaasi 36:6

Ebich Doono Yeerichi yaafee kexooch hamiree, noonoona ta getaa kooree natooch ne kooriti, Doono Yeerichi qaaroon, coomee aabooba asheenaꞌoyich shemmebe; boonoshi katemi katemoochee waati Yihudee asheenaꞌo bulliyoo waayemmoyich tuniiree shemmebe.

Erimiyaasi 39:2

Sedeqiyaasi taateti aaraa ikkinnee natooba, awuddinnee agenee yiixiyinnee qemooba katemee uxeroo gaakkeehe.

Erimiyaasi 52:4

Sedeqiyaasi taateti yiixiyinnee natooba, aashirinnee agenee aashirinnee qemooba, Baabloonee taatoo Nabukadinatsori bi ginee naayo bullina tookkii waaꞌi, Yerusaalemin kocha giichiye. Bi ginee naayinaꞌoo katemee guudoona showoon gutiyeete.

Hiziqeeli 18:8

gijjoon koyitiyoo bi qayigaata, wodde shimon deꞌo bi qayigaata, gonde shuunoon bi qayigaata, ashoonaa ashoonochi daggooch dayinnetoona bi nalligaata,

Hiziqeeli 24:1

Kecee no hammeti yiixiyinnee natooba, aashirinnee agenee aashirinnee qemooba Doono Yeeri taach ishichiye:

Zakaariyaasi 7:5

“Showee asho bullinaa qeesheenaꞌonoyich ishichibe: ‘Besheti shabe natinaꞌooch, uuchinnee agenoonaa shabaattinnee agenoonooch ittoshi coomitonaa ittoshi eeppitona iberoochaa taachiye?

Zakaariyaasi 8:16

Ittoshi tuniyemmi mooyinaꞌo eboshine: Ittoshinaa ittoshina ibere yibbaatoon yibbaatebote; ittoshi addibaaboochaa diggoon deebemmi, ibere nalloon nallibote.

Zakaariyaasi 8:18

Beshe Mawe Doono Yeeri taach ishichiye:

Zakaariyaasi 8:3

Doono Yeeri ishichiye: “Tsiyooni katemooch wottemmo taane; Yerusaalem beeyemmo taane; Yerusaalemiyoo Gibeneeti Katemee, getaa ceekkemmine. Beshe Mawe Doono Yeeri ta guudo Yaafeeti Guudo getaa ceekkemmone” iye.

Yaaꞌoo 22:15

Kunaaneenaꞌo, kaayechinaꞌo, shunimaayeenaꞌo, ashoon wuxii beetinaꞌo, shahalloyich goyinnee beetinaꞌo, kootee kooton shunnii beetinaꞌonaa kootee kooton doyitinaꞌo bullinoyich hini are katemeech gimo ciroona daaggeyaache.