Zakaariyaasi 8:16 - Kafa Linguistics Project

¹⁶ Ittoshi tuniyemmi mooyinaꞌo eboshine: Ittoshinaa ittoshina ibere yibbaatoon yibbaatebote; ittoshi addibaaboochaa diggoon deebemmi, ibere nalloon nallibote.

Zakaariyaasi 8:16 ပူးပေါင်းရင်းမြစ်များ

Shoddo 15:2

Bi shaaddo kaamoo, tate mooyon tuniibeeto, bi mulloochee iberoon yibbaateebeeto,

Shoddo 34:15

Doono Yeeri aafo cadiqeenaꞌo waan ciinnii beetone; bi waamo boonoshi cookoon ellehe.

Shaahiyoo 12:17

Iberoon yibbaateebeeto, tate miixoon miixehe; tunebaani koote miixoo kootoon koottiye.

Shaahiyoo 12:19

Ibere heciyoo bulli yemeenoon manjii beehe; tunebaani koote heciyoo yagaanoone.

Isiyaasi 9:7

Bi taatittinoyich daaro, bi diggoyichoo ciiro aalloone. Andee tiijjiree bulli yemeenooch beddaahaa, bi taatittinoon dayinnetoonaa cadiqoona, deggii neechoyich, manjiiyoyichoo, Daawitichi taatee qeenooch kotemmone; Beshe Mawe Doono Yeerichi qanaato ebin tuniyemmone.

Erimiyaasi 22:3

Doono Yeeri ishichiye: Kaachi dayinnetoona nallibote; xukketon xuqqiibeeto kishoochee wodiibote; dallaawoon, nihaalloonaa xuumeenon xuqqaahote; wottoo duꞌiyaahote; hini xaaꞌoochoo xalle damoon ukkiyaahote.

Hiziqeeli 18:8

gijjoon koyitiyoo bi qayigaata, wodde shimon deꞌo bi qayigaata, gonde shuunoon bi qayigaata, ashoonaa ashoonochi daggooch dayinnetoona bi nalligaata,

Hiziqeeli 45:9

Nuggishoo Doono Yeeri ishichiye: “Israꞌeelee iraasheenaꞌote, illa beddiye. Xuꞌoonaa neexxii hajjoonon neechibote; tatoonaa kaamoona tuneti mooyon tuniibote; ta asheenaꞌon boonoshi iristoochee yooho ebiyee bekk beddiye. Ebin Nuggishoo Doono Yeeri ta getteto taane.

Leweenaꞌo 19:11

“ ‘Gaajjaahote. “ ‘Dawushiyaahote. “ ‘Ittoshi daggoochee ikkoo baroyich koottaaye.

Amootsi 5:15

Gonde mooyon shixote; deꞌe mooyon shunote; nallee gabberoochaa dayinneto dabaachemmoyich tuniibote; diqqich Beshe Mawe Nuggishoo Doono Yeeri curo tuneꞌi echeti Israꞌeelee asheenaꞌoyich ariqqo qayaachemmone.

Amootsi 5:24

Ebiyee, dayinneto aachi xuuphoochoommon, cadiqoo tahaani aacochoommon ufebe!

Mikiyaasi 6:12

Ittoshi daggooch beeti gaannechinaꞌo girechinaꞌon xuqqii beetinaꞌone; ittoshi bulliyona kootee kexo ittoshine.

Mikiyaasi 6:8

Ashoocho, Doono Yeeri gaaweto tuneti mooyon gettitone! Doono Yeeri ne waanee bi qaawiibeeto, dayinnetoon ne dabiyaachemmoyich, shoodecho ne tunemmoyich, ne qelloon giishiiree ne Nuggishoona tookki ne beeyemmoyichiye.

Sofoniyaasi 3:13

Curo tuneꞌi echeti Israꞌeeleenaꞌo gonde mooyon shuuneyaachemminaꞌone; kootoonoo kootaachemminaꞌone; ashoon dachee yibbaatoo boonoshi heciyoochee keyaachemmone. Cikkii mocoon yaapphiibeeti bagoochoommon keqqaalleenaꞌo tunemminaꞌone; kashe qeyemminaꞌone; amoyichona shataachemminaꞌone” iye.

Zakaariyaasi 7:9

“Beshe Mawe Doono Yeeri ta, ta asheenaꞌoyich ishichiyoye: ‘Ibere nalloon nallibote; ittoshinaa ittoshina ariqqeebote; shoodeeshoo getote.

Zakaariyaasi 8:19

“Awuddinnee agenooch, uuchinnee agenooch, shabaattinnee agenoonaa aashirinnee agenoonooch coomeebeeti coomoo Yihudee asheenaꞌoyich emiree baaree aabo, emiroona wucwuci baaree aabo tunemmone. Tunebaani ittoshi iberittinoonaa diggoona beemonon shunote” iye.

Zakaariyaasi 8:3

Doono Yeeri ishichiye: “Tsiyooni katemooch wottemmo taane; Yerusaalem beeyemmo taane; Yerusaalemiyoo Gibeneeti Katemee, getaa ceekkemmine. Beshe Mawe Doono Yeeri ta guudo Yaafeeti Guudo getaa ceekkemmone” iye.

Maatiyoosi 5:9

Shunii beetinaꞌo diireetinaꞌone; ‘Yeerichi bushiisheenaꞌone’ getaa ceekkemminaꞌone.

Efesooni 4:17

Illa Aageteenaꞌo duubeti gaboona boonoshi beemoommon, ebiyee bekk ittoshiyoo ebiyoommon duubeti gaboona ittoshi beetaachemmoyich Doono Yesuusina ittoshin manjii ciiccaabeeto taane.

Efesooni 4:25

Ebich kootoon ittoshi waanee wokkiibote; no bulli ikke ashittinee quumo no tunetoyich, ittoshi ikkikkoona ittoshi maneenaꞌona tookki iberoon yibbaatebote.

1 Tasaloonqi 4:6

wotta shiichaꞌa ittoshich manjii gettaa no shalligichitoommon, ebi mooyo bullin Doono Yeeri wochi gaaccemmo bi tunetoyich, koniyoona ebi mooyon shaaddaaye; biinoommi bi manoonoo xuqqaaye.

Yaaꞌoo 21:8

Tunebaani shateenaꞌo, Kiristoosi toommooch mulloon tooꞌiyaaneenaꞌo, gonde mooyon shuunoona eeꞌetinaꞌo, ashoon wuxitinaꞌo, shunimaayeenaꞌo, iicechinaꞌo (qaaxechinaꞌo), shahalloyich goyinnee beetinaꞌo, kooteenaꞌo bulliyoo duppeyemmi xaaꞌoo qaaqqoonaa waageroona micciibeeti baharoochiye; ebiyoo guttinnee qitoone” iye.