Zakaariyaasi 8:12 - Kafa Linguistics Project

¹² “Boonoshi maayi yaroon diggoona shookkemminaꞌone; boonoshi woyinoo aafemmone. Showoo maayoon shakkiyemmone; amiyo shimaayoochee dihemmone. Ebi bulli mooyon curo tuneꞌi echeti ta asheenaꞌo woraashemmoyich tuniyemmo taane.

Zakaariyaasi 8:12 ပူးပေါင်းရင်းမြစ်များ

Halloo 26:12

Yisaaqiyoo are showooch beebee, maayoon shookkiye. Doono Yeeri biin bi diiritoyich, aroobee natooba balle kishoon danehe.

Halloo 27:28

Yeeri shimaajji shuxoon, showee qeemon, beshaa beshiti maayoonaa woyinee uyoonon neech imbe.

1 Taateenaꞌo 17:1

Arooba Gilaadee showooch beeti, Tishibee asho Eliyaasi Akaabich “Biich ta maddaabeeti, beeyechi Israꞌeelee Nuggishoo Doono Yeeri beege! Amiyo dihemmoyich ta gettemmi wottoon, waabeeti natinaꞌooch amiyo woyee doshoo (caagibano) beetaachemmone” iye.

Shoddo 72:3

Guudinaꞌo gaannoon, geppeenaꞌo cadiqee aafoon ne asheenaꞌoyich daniibeete.

Shoddo 85:12

Doono Yeeri gaawe mooyon immemmone; no showee maayoon immemmine.

Shaahiyoo 19:12

Taatoochi kaaro daaheree cidoommone; tunebaani bi aafoochaa gidoon dano, mocee toommeexi keetoommone.

Isiyaasi 30:23

Showooch ittoshi shookkiti yaroyich amiyon dichemmone; showoochee daneebeeti aafo gaawetonaa beshaa beshoona tunemmone; ebiyooba ittoshi gijjeenaꞌo gamini gaddooch maayemminaꞌone.

Isiyaasi 61:7

Ittoshi yeellee qoodoon gutte kishoon danemmo ittoshine; ittoshi cooneyee qoodoon ittoshi qoodoona emiremmo ittoshine; ittoshi showoochaa gutte kishoon woraashemmo ittoshine; bulli aabee emiroo ittoshich tunemmone.

Erimiyaasi 31:12

Waaree Tsiyooni guudoochaa emiroona shoddemminaꞌone; Doono Yeerichi deꞌittinoona, maayoon, woyinee uyoonaa zayitoonon, emmishoonaa bagee baaddoonon, bariyoonaa gidereenon daneree emiremminaꞌone. Bedditi aacon daneti bechee budiyoommon tunemminaꞌone; ebiyee bekk ayinaachemminaꞌone.

Hiziqeeli 34:28

Ebiyee bekk aageteenaꞌona bokkeyaachemminaꞌone; kubbi cooxinaꞌonoo manjeyaachemminaꞌone; keqqaalloon diggoona kotemminaꞌone; koniyoona boonoshin shatiyaachemmone.

Hiziqeeli 36:12

Ta asheenaꞌo tuneti Israꞌeeleenaꞌo ittoshi toommona shaꞌemmoyich tuniyemmo taane; boonoshiyoo ittoshin hajjemminaꞌone; boonoshich iristo tunemmo ittoshine; ebiyee bekk boonoshin bushaallo tuniyaachemmo ittoshine.

Hiziqeeli 36:30

Aageteenaꞌo daggoochaa shaacoona ittoshi cooneyaachemmoyich, ittoshi mixo aafemmonaa ittoshi maayo gaawichi shaggemmonoyich tuniyemmo taane.

Hiziqeeli 36:9

Ittoshi waan katinnemmo taane; ittoshin gaawe aafoona ciinnemmo taane; ittoshi toommooch goyoo goyaa maayo shookkeyemmone.

Hosee'i 13:3

Ebich boonoshi, maaddee quboomminaꞌo, harimmona bekkech shokkeebeeti keetoomminaꞌo, maayi buchi xaaꞌoochee yongo tiijjii daammiibeeti maaxxoomminaꞌo, wottoo mallee kelloona kechiibeeti cufoomminaꞌo tunemminaꞌone.

Hosee'i 14:5

Israꞌeeleenaꞌoyich doshoon (caagibanoon) tunemmo taane; gaawe mocee bungoochoommon bungemminaꞌone; Libanoosee yigoochoommon cammon awuremminaꞌone.

Yoꞌeeli 2:19

Boonoshichoo ishichiye: “Maayoon, woyinee uyoonaa zayitoonon ittoshich immemmo taane; ittoshiyoo michemmo ittoshine. Ebiyee bekk, aageteenaꞌo daggoochaa, ittoshi cooneyemmoyich tuniyaachemmo taane.

Yoꞌeeli 2:22

Kubbi cooxinaꞌote, shattaahote! Gaddeexi moceenaꞌo cammitinaꞌone; mixinaꞌo aafoon aafetinaꞌone; balaasee mixonaa woyinee qomboona woddii aafetone.

Leweenaꞌo 26:3

“ ‘Ta qociiti qociyoona ittoshi beegaata, ta geteenaꞌonoo manjii ittoshi quyegaata,

Sofoniyaasi 3:13

Curo tuneꞌi echeti Israꞌeeleenaꞌo gonde mooyon shuuneyaachemminaꞌone; kootoonoo kootaachemminaꞌone; ashoon dachee yibbaatoo boonoshi heciyoochee keyaachemmone. Cikkii mocoon yaapphiibeeti bagoochoommon keqqaalleenaꞌo tunemminaꞌone; kashe qeyemminaꞌone; amoyichona shataachemminaꞌone” iye.

Haagi 1:10

Ebich shimaayoo doshoon (caagibanoon) bajjitone; showeyoo aafoon bajjetine.

Haagi 2:18

Hanaachi aabo yiixiyinnee agenee hiyaa awuddinnee qemone. Ebiyoo Doono Yeeri ta yaafee kechi xaqqee heco hecaa ciireti aaboone. Illa ebiyee damba tunemmi mooyon gaawichi ciinote.

Haagi 2:19

And gotooch echeti maayo aalloone; woyinee qomboo, balaasee mixo, romaanee mixonaa zayitee mixona batt aafeyaaneenaꞌone. Tunebaani ta ebiyee damba ittoshin diiremmo taane’ itone” iye.

Zakaariyaasi 8:6

Beshe Mawe Doono Yeeri ishichiye: “Ebiyooba ebi mooyo curo tuneꞌi echeti asheenaꞌoyich worganikkito tuneꞌi bekkoon hakkiye; tunebaani taach worganikkiton tuneꞌi bekkoon hakkaache” iye Beshe Mawe Doono Yeeri.

Milikiyaasi 3:11

Ittoshi maayoon kashingixeenaꞌo aalliyemmoyich tuniyaachemmo taane. Ittoshi goyeexi woyinee qomboo gaawichiree aafemmone.

Maatiyoosi 6:33

Tunebaani shiichi Yeerichi taatittineen, bi cadiqoonoo qaawibote. Arooba ebi bullin bi ittoshich daakkemmone.

1 Qorontoosi 3:21

Illa bulli mooyo ittoshicho bi tunetoyich, koniyoona ashoona geecaaye.

Yibbaatoo 32:2

Ta doyoo amiyochoommon ufebe; ta yibbaatoo doshoochoommon kindibe; colleebeeti mocee toommooch dudiibeeti amiyochoommon, mocee toommooch amichi kuchoochoommon kindibe.

Yibbaatoo 33:13

Yooseefi yoodoochon ishichiye: “Doono Yeeri boonoshi showoon, shimaayoochee doshoon (caagibanoon) kindiyoona, showee dechiichee aacon xuuphiyoona, diiribe.

Yibbaatoo 33:28

Ebina Israꞌeeli diggoona, Yaaqobichi sheeyo keqqaalloon, maayoonaa woyinee uyoona ceenniti, shimaayoo doshoon (caagibanoon) kindiibeeti showooch beehe.

Yaaqobi 3:18

Ashoonaa ashoonon shunii beetinaꞌo diggoon halliya shookketi yaroochee boonoshi maciibeeto cadiqee aafooniye.