Zakaariyaasi 8:10 - Kafa Linguistics Project

¹⁰ Ebi aroyee aaf ashich shumaayoo, gijjoyichoo kiraayoo qocheyaanoone. Asho bulli ikkoo baroo toommooch bi tiyemmoyich ta tuniitoyich, kechii beetonaa giyii beetona konichona diggoo aalloone.

Zakaariyaasi 8:10 ပူးပေါင်းရင်းမြစ်များ

Isiyaasi 19:2

Doono Yeeri ishichiye: “Gibitsee asheenaꞌochi toommooch Gibitsee asheenaꞌo tiyemmoyich tuniyemmo taane; asho bulli, manoo bi manoo toommooch, giyoo bi giyoo toommooch, katemoo katemee toommooch, taatee showoo taatee showee toommooch tiyemmoyich tuniyemmo taane. Gibitseenaꞌo mullo baallemmone; boonoshi yamoonoo duubo tuniyemmo taane; boonoshiyoo boonoshi shahalleenaꞌon, kaayechinaꞌon, qite ashoona yibbaatee beetinaꞌonaa allaameenaꞌonon echemminaꞌone. Gibitseenaꞌon maacmanje doono kishooch beshiiree immemmo taane; hatiibeeti taatoo boonoshin hajjemmone” iye Beshe Mawe Doono Yeeri.

Erimiyaasi 16:16

Doono Yeeri ishichiye: “Meeti haashe yesheenaꞌon deejjemmo taane; boonoshiyoo boonoshin yechemminaꞌone; aroyee gubboo meeti aaddeenaꞌon deejjemmo taane; boonoshiyoo guudo bulliichee, geppoo bulliichee, xaqqee gaaho bulliichee boonoshin dabbe yechemminaꞌone.

Amootsi 3:6

Katemee daggooch tiroo (waaringo) hukketaa waayeechi, asheenaꞌo keqqaacheheete? Doono Yeeri daaggaanoon, gonde mooyo katemee daggooch tunehe?

Amootsi 9:4

Etto boonoshin kecciꞌi, gashee daammitaa aroochaa goraadoona boonoshi qitemmoyich tuniyemmo taane. Boonoshin gaacheya tuneyaanoon boonoshin aalliiya kuxxaa tiyeto taane” iye.

Haagi 2:15

“Wotta Doono Yeeri ishichiye: ‘Eke illa and, xaqqoon xaqqee toommooch keddeꞌi, Doono Yeeri ta yaafee kexon hagooch ittoshi gimoyee aaf tuneti mooyon shalligibote.

Woraaferasheenaꞌo 5:11

Eke ellebote; aachi gashoochaa shoddeebeeti asheenaꞌo, Doono Yeerichi wudoon gettii beetinaꞌone, Israꞌeeleenaꞌochi wudoon gettii beetinaꞌone. “Aroochee Doono Yeerichi asheenaꞌo katemee kellooch dugilla yixiyeete.