Zakaariyaasi 7:9 - Kafa Linguistics Project

⁹ “Beshe Mawe Doono Yeeri ta, ta asheenaꞌoyich ishichiyoye: ‘Ibere nalloon nallibote; ittoshinaa ittoshina ariqqeebote; shoodeeshoo getote.

Zakaariyaasi 7:9 ပူးပေါင်းရင်းမြစ်များ

2 Saameeli 9:7

Daawitiyoo biich ishichiye: “Shattaahine; ne nihoo Yonaataanicha getiree neech deeyemmo taane. Ne nihinihoo Saaꞌoolicho tuneti showoo bullin neech wochemmo taane. Bulli aaboonoo ta madoochee maayemmo neene” iye.

Iyoobi 31:20

ta bagee huushoochee shippeti tahoon ta tajjaa, bi achoo qeecaa taan diiriyani,

Iyoobi 6:14

“Beshe Hakkechi Yeerin shaton qajjeto ta gaatoona, oogeti duꞌee toommooch ta beetoyich, gibeneeti nuuchoo taach beeyi bedoone.

Shaahiyoo 21:3

Kaamoonaa tatoona tuneti mooyon tuniyoo, deejjoon deejjoyee beshoon Doono Yeerin emirikkiye.

Erimiyaasi 21:12

Daawitichi yareenaꞌote, Doono Yeeri ishichiye: Ittoshi shuunee gondoyich ta kaaro qaaqqoochoommon bi hafaachemmoyich, koniyoona takkoon mawiimmi wottoon bi aaxxeyaachemmoyich, maaddoona nalloon tachibote; xukketi ashoon xuqqiibeeto kishoochee wodibote.

Erimiyaasi 22:3

Doono Yeeri ishichiye: Kaachi dayinnetoona nallibote; xukketon xuqqiibeeto kishoochee wodiibote; dallaawoon, nihaalloonaa xuumeenon xuqqaahote; wottoo duꞌiyaahote; hini xaaꞌoochoo xalle damoon ukkiyaahote.

Erimiyaasi 7:23

Tunebaani ‘Ta qaaroon waayebote; ta, ittoshi Nuggishoon tunemmo taane; ittoshiyoo ta maccoon tunemmo ittoshine; ittoshich bi kaamemmoyich, ta gommona hambote’ iyaꞌa boonoshich getteto taane.

Erimiyaasi 7:5

“ ‘Iberoon ittoshi gommonaa ittoshi shuunoonon ittoshi kaachigaata, ikkoonaa ikkoonochi daggooch dayinnetoona ittoshi nalligaata,

Hiziqeeli 18:8

gijjoon koyitiyoo bi qayigaata, wodde shimon deꞌo bi qayigaata, gonde shuunoon bi qayigaata, ashoonaa ashoonochi daggooch dayinnetoona bi nalligaata,

Hiziqeeli 45:9

Nuggishoo Doono Yeeri ishichiye: “Israꞌeelee iraasheenaꞌote, illa beddiye. Xuꞌoonaa neexxii hajjoonon neechibote; tatoonaa kaamoona tuneti mooyon tuniibote; ta asheenaꞌon boonoshi iristoochee yooho ebiyee bekk beddiye. Ebin Nuggishoo Doono Yeeri ta getteto taane.

Hosee'i 12:7

Doono Yeeri ishichiye: “Israꞌeeleenaꞌo koote machoona qocciibeeti Kanaanee asheenaꞌon shaahitinaꞌone. Tuushiyoonoo shunniyeete.

Leweenaꞌo 19:15

“ ‘Dayinnetoon dabiiyaahine. Girecho waan gaꞌeyaahine. Gaannechoyichoo bariti oogoon immaahine. Tunebaani neenoommi ne manoyich dayinnetoona nallibe.

Amootsi 5:24

Ebiyee, dayinneto aachi xuuphoochoommon, cadiqoo tahaani aacochoommon ufebe!

Mikiyaasi 6:8

Ashoocho, Doono Yeeri gaaweto tuneti mooyon gettitone! Doono Yeeri ne waanee bi qaawiibeeto, dayinnetoon ne dabiyaachemmoyich, shoodecho ne tunemmoyich, ne qelloon giishiiree ne Nuggishoona tookki ne beeyemmoyichiye.

Zakaariyaasi 7:7

Yerusaalemi bi guudoona beeti bi katemeenaꞌona tookkii diggee gaannaꞌa bi beehooba, Negeebi barahoonaa Shefeeli worebe showoonooch asho koteꞌi beehooba Doono Yeeri ta ebiyee aafi keemechinaꞌona ta getteti qaaro ebi toone?’ itone gete” iye.

Zakaariyaasi 7:8

Doono Yeeri Zakaariyaasich wochinnoon gettiti qaaro ebine. Biyoo ishichiye:

Maatiyoosi 23:23

“Hini ittoshi maacoon xalloo shaahiibeeti Muusichi Sheeree dojjechinaꞌonaa Fariseenaꞌonote, ittoshich woowo! Kefoo, aaꞌaafoonaa kamuunonoochee asraatoon Yeerich kichiyote; tunebaani sheeree daggooch beeti beshe mooyon qajjitote; ebiyoo tachii nalloo, ashich ariqqeꞌi maaroonaa gibeneeto tunoonane. Are Yeerich ittoshi kichii beeton qayaanoon, eboshinoo wotta tuniiya bedo ittoshine.

Luqaasi 11:42

“Tunebaani hini Fariseenaꞌote, kefoonaa caddiraammoonoochee, daaddeexi cinnechi bechoo bulliichee asraatoon Yeerich kichiyote; tunebaani tachiꞌi nalloonaa Yeerin shunonon qajjitote; are Yeerich ittoshi kichii beeton qayaanoon, eboshinoo wotta tuniiya bedo ittoshine. Ebich ittoshich woowo!

Yowannisi 7:24

Kaachiree nallibotalli ashi aafoon ciiniree nalliyaahote” iye.

Yowannisi 7:51

“Nallecho shiichiꞌi taggeetochi noonoochee waayeyaanoon, amoon bi shuuneto gaata ariyaanoon, ashi toommooch bi nallemmoyich no sheeroo daaggite?” iꞌi echehe.

Yibbaatoo 22:1

Muusi Israꞌeeleenaꞌoyich ishichiye: “Israꞌeelee asho tuneti ne manoochi miimo woyee bago woyee emmisho aallee hammii beeton ne danegaata, bi waan wochi deebani, ciinibee qayi hammaahine.