Zakaariyaasi 7:6 - Kafa Linguistics Project

⁶ Maa uchiibee ittoshi echeto ittoshi qelloon emirikkoyich toone?

Zakaariyaasi 7:6 ပူးပေါင်းရင်းမြစ်များ

1 Kiinoo 29:22

Ebiyooba oogeti emiroona Doono Yeeri aafooch maa uchiyeete. Aroochee Daawiti bushoo Solomoonin wochinnoon taatiiheete. Taatoo bi tunemmoyichoo Doono Yeerichi shigoona huuttiyeete. Sadooqinoo qeeshoo bi tunemmoyich huuttiyeete.

Isiyaasi 43:23

Micciibeeti deejjoyich tunemmi bagoon taach deebaano neene; woyee ne deejjoona taan oogiyaano neene; ‘Maayi buuroon deebe’ getona neen iritiyaano taane; ‘Ixaanee deejjoon giddiibe’ getonoo neen yulliyaano taane.

Isiyaasi 58:3

Asheenaꞌo, “Ne ciinaanich amoyich coomiyone? Mooch ne haddaanich amoyich no qelloon giishiihone?” iyeete. Doono Yeeriyoo ishichiye: “Ittoshi coomii beehooba ittoshi mullee daaggoon tuniihote; ittoshi shuunechinaꞌon duꞌiihote.

Hosee'i 8:13

Deejjoon taach giddii beetinaꞌone; deejjee meenonoo maa beetinaꞌone; tunebaani Doono Yeeri ta, boonoshina emiraano taane. And boonoshi xuꞌoon shalligiree, boonoshin sheeremmo taane; Gibitsoo wottemminaꞌone.

Hosee'i 9:4

Woyinee uyee deejjoon Doono Yeerich giddiyaachemminaꞌone. Boonoshi deejjoonoo Doono Yeerin emirikkaachemminaꞌone. Boonoshi maayo eeppi aakkee maayo tunemmone; aroon maammo bulliyoo eeꞌemmone. Ebi maayo boonoshi shaacoyich boonoshi maayemmoani Doono Yeerichi yaafee kexooch giyemmo toonoone.

Zakaariyaasi 7:5

“Showee asho bullinaa qeesheenaꞌonoyich ishichibe: ‘Besheti shabe natinaꞌooch, uuchinnee agenoonaa shabaattinnee agenoonooch ittoshi coomitonaa ittoshi eeppitona iberoochaa taachiye?

Zakaariyaasi 7:7

Yerusaalemi bi guudoona beeti bi katemeenaꞌona tookkii diggee gaannaꞌa bi beehooba, Negeebi barahoonaa Shefeeli worebe showoonooch asho koteꞌi beehooba Doono Yeeri ta ebiyee aafi keemechinaꞌona ta getteti qaaro ebi toone?’ itone gete” iye.

1 Qorontoosi 10:31

Illa ittoshi maataa, ittoshi uchitaa woyee amoonolla ittoshi tuniitaa, ittoshi tuniibeeti mooyo bullin Yeerichi oogoyich tuniibote.

Yibbaatoo 12:7

Ebi aroochaa, ittoshi Nuggishoo Doono Yeeri aafoochaa ittoshinaa ittoshi kechi asheenaꞌona maayemmo ittoshine. Ittoshi kishoona ittoshi shuuneto bullin Doono Yeeri diiritoyich ittoshi bulli oogichi emiremmo ittoshine.

Yibbaatoo 14:26

Ebi are gijjoona ne qaawito amoonolla, ebi geto, gattoon, bagoon, woyinee uyoon woyee kashi uyoon ne qettoo gabito amoonolla kemebe. Ebi aroochaa, ne Nuggishoo Doono Yeeri aafoochaa neennaa ne kechi asheenaꞌona maayemmo ittoshine; emirishoo gettemmo ittoshine.

Qolaasiyaasi 3:17

Nihoo Yeerin Kiristoosina galletebee, ittoshi yibbaateebeeti yibbaatoon woyee ittoshi shuuneebeeti shuunoo bullin Doono Yesuusicha getiree tuniibote.

1 Saameeli 16:7

Tunebaani Doono Yeeri Saameelin “Bi malletee gaawoon woyee bi neexee genjoon ciinnaahine; ta biin qallayito taane. Doono Yeeri ta, asho ciinnii beetoommon toonoone ta ciinnaabeeto. Asho ashi aafooch ciinniye; tunebaani Doono Yeeri ta, ashi mullooch ciinnehoye” iye.