Zakaariyaasi 7:5 - Kafa Linguistics Project

⁵ “Showee asho bullinaa qeesheenaꞌonoyich ishichibe: ‘Besheti shabe natinaꞌooch, uuchinnee agenoonaa shabaattinnee agenoonooch ittoshi coomitonaa ittoshi eeppitona iberoochaa taachiye?

Zakaariyaasi 7:5 ပူးပေါင်းရင်းမြစ်များ

2 Taateenaꞌo 25:23

Kishoo imaanee, Yihudee ginee iraasheenaꞌonaa ginee naayinaꞌona, Gedaliyin Baabloonee taatoo iraashiyoon waayee, Mitsiphi katemooch Gedaliy waan waaheete. Ebi ginee iraasheenaꞌo Netaani bushoo Ishmaꞌeeli, Qareehi bushoo Yohanaani, Nexoofi katemee asho Tanihumeti bushoo Seraayinaa Maꞌakee ashoochi bushoo Yazaniyinane.

2 Taateenaꞌo 25:25

Tunebaani aroobee natoobee shabaattinnee agenooba, taatee yaroochee tuneti Elishami bushoo Netaani bushoo Ishmaꞌeeli aashire asheenaꞌona tookkii waaꞌi, Gedaliyin, biinna tookkii Mitsiphi gafooch beeti Ayihudeenaꞌonaa Baabloonee asheenaꞌonon wuxiye.

Isiyaasi 43:23

Micciibeeti deejjoyich tunemmi bagoon taach deebaano neene; woyee ne deejjoona taan oogiyaano neene; ‘Maayi buuroon deebe’ getona neen iritiyaano taane; ‘Ixaanee deejjoon giddiibe’ getonoo neen yulliyaano taane.

Isiyaasi 58:3

Asheenaꞌo, “Ne ciinaanich amoyich coomiyone? Mooch ne haddaanich amoyich no qelloon giishiihone?” iyeete. Doono Yeeriyoo ishichiye: “Ittoshi coomii beehooba ittoshi mullee daaggoon tuniihote; ittoshi shuunechinaꞌon duꞌiihote.

Erimiyaasi 25:11

Ebi showoo bulli aallemmone; duubemmone; asheenaꞌo Baabloonee taatoyich shabe naton hajjeyemminaꞌone.

Erimiyaasi 29:10

Doono Yeeri ishichiye: “Baabloonee showooch ittoshi koteti shabe nato ceeniyooba ittoshin guudi beeggemmo taane; ta qaaroon ceechoona hini showooch ittoshin wochemmo taane.

Erimiyaasi 52:12

Baabloonee showooch Nabukadinatsori taateti aaraa yiixiyinnee natooba, uuchinnee agenee aashirinnee qemooba, Nabukadinatsorichi naayo, wottoo taatoo quyee naayinaꞌochi iraashoo tuneti Naabuzaridaani Yerusaalem waahe.

Daaneeli 9:2

bi taateti ikkinnee natooba, ta, Daaneeli, Yaafe Macaafoon shemmaabee, Yerusaalemi happeeree shabe naton yagemmi bi tunoon Doono Yeeri keemechi Erimiyaasina bi gettiti qaaroon shalligiyo.

Hosee'i 7:14

Mulloochee tiijjiꞌi ta waan cookaacheete. Tunebaani boonoshi qeenoochaa eeppiyeete. Boonoshi kiceebeeto maayoonaa woyinee uyoonoyichiye. Ta toommoochoo hukkoon tiijjiyeete.

Zakaariyaasi 1:12

“Aroochee Doono Yeerichi maraakoo ‘Beshe Mawe Doono Yeero, Yerusaaleminaa Yihudee showooch beeti katemeenaꞌonon ne sheerito shabe natone. Boonoshin ne maaraachemmo aati wottooniye?’ iye.

Zakaariyaasi 7:4

Aroochee Beshe Mawe Doono Yeeri taach ishichiye:

Zakaariyaasi 7:6

Maa uchiibee ittoshi echeto ittoshi qelloon emirikkoyich toone?

Zakaariyaasi 8:19

“Awuddinnee agenooch, uuchinnee agenooch, shabaattinnee agenoonaa aashirinnee agenoonooch coomeebeeti coomoo Yihudee asheenaꞌoyich emiree baaree aabo, emiroona wucwuci baaree aabo tunemmone. Tunebaani ittoshi iberittinoonaa diggoona beemonon shunote” iye.

Maatiyoosi 23:5

“Boonoshi shuunoo bullin asho beeggemmoyich baach shuuneheete. Ebich boonoshi baroonaa boonoshi kishoonooch boonoshi cuyeebeeti xifetoon gamichiyeete; boonoshi qoreddee caappoon genjiiheete;

Maatiyoosi 6:16

Daakkiꞌi Yesuusi ishichiye: “Ittoshi coomii beegaata, boonoshi maacoon xalloo shaahiibeeti asheenaꞌochoommon muusheneyaahote. Boonoshiyoo coomecho boonoshi tunoon asheenaꞌo beeggemmoyich boonoshi achoon shiimeyaaneenaꞌone. Iberoon ittoshich gettoye: Boonoshi shuunoon deqqitinaꞌone.

Maatiyoosi 6:2

“Ebich iriteeti ashich ne immaa beegaata, boonoshi maacoon xalloo shaahii beetinaꞌon shaahiyaahine. Boonoshiyoo ashi waanee galletee danoyich Ayihudeenaꞌo kiceebeeti kexonaa gommonoochaa iriteetinaꞌoyich immii beetinaꞌone. Iberoon ittoshich gettoye: Areenaꞌo ashi waanee galletoon danetinaꞌone; Yeer waanee amoonolla daneyaachemminaꞌone.

Maatiyoosi 6:5

“Ittoshi corootii beegaata, boonoshi maacoon xalloo shaahiibeeti asheenaꞌochoommon tuneyaahote. Boonoshiyoo ‘Asheenaꞌo noon beegeete’ iꞌi Ayihudeenaꞌo kiceebeeti kexonaa gommi keejje kaattoonooch neexeechii corootoon shunnii beetinaꞌone. Iberoon ittoshich gettoye: Areenaꞌo boonoshi shuunoon deqqitinaꞌone.

1 Qorontoosi 10:31

Illa ittoshi maataa, ittoshi uchitaa woyee amoonolla ittoshi tuniitaa, ittoshi tuniibeeti mooyo bullin Yeerichi oogoyich tuniibote.

2 Qorontoosi 5:15

Kashoona beetinaꞌo boonoshicha iꞌi qititonaa qitoochee tiyitonon emirikkoyichalli, gubb boonoshi qelloon emirikkoyich boonoshi beetaachemmoyich bullicha iꞌi qitiye.

Qolaasiyaasi 3:23

Ittoshi tuniibeeti mooyo bullin, ashich tuneyaanoon Doonoyich ittoshi tunii beetoommon, mulloochee tiijjiree shuunebote.