Zakaariyaasi 7:14 - Kafa Linguistics Project

¹⁴ Boonoshi ariyaani aageteenaꞌo bulli daggooch yubee yongoona boonoshin shaccehoye. Showoo ashaalli shokkoon tunehe. Koniyoona arooch okk hach shaꞌemmo aallehe; ebina gaawe showoon shokko echiiheete” iye.

Zakaariyaasi 7:14 ပူးပေါင်းရင်းမြစ်များ

2 Kiinoo 36:21

Showoo shambetee kashee aaboon danehe; Erimiyaasina getteeti Doono Yeerichi qaaro ceennemmoyich, shabe nato ciiremmi wottoon, ashaalli xafo tuneꞌi bi beeti yemeeno bullin kashehe.

Shoddo 58:9

Angixo qaaqqooch gedaa distoon bi gaamiyoyee shiichiree, boonoshi bullin afaafinoona hidiree aalliibe.

Isiyaasi 17:13

Aageteenaꞌo meeti aacochoommon goohiyeete; tunebaani Yeeri boonoshin kaaretaa, guudi toommoochaa yongo shacciibeeti maaxxoochoommon, yubee yongo tiijjiibeeti quttoochoommon tiyi aallemminaꞌone.

Isiyaasi 21:1

Baharee gashooch beeti baraheechon Doono Yeer waanee getteeti wocho ebine: Negeebi barahoochee tiyiibeeti yuboochoommon, barahoochee, shattiibeeti showoochee aallo woyemmone.

Isiyaasi 60:15

“Ebiyee aaf duppeti, shicheti, koniyoona aroona besheyaane, ne tunetaanoona, ta bulli yemeenoon yebeneeti, bushaa bushich emiree, neen tuniyemmo taane.

Isiyaasi 66:15

“Ebiyoche, Doono Yeeri qaaqqoona woyemmone; bi gaarinaꞌoo yubee yongoomminaꞌone; bi ippoon kupphe bi kaaroona, bi noggoonoo aaxxeebeeti qaaqqoona bekkiyemmone.

Erimiyaasi 12:10

Meeti qiddeenaꞌo ta woyinee goyoon aalliitinaꞌone; ta iristoon neexxitinaꞌone; gaawe ta maayi budon shuuꞌi showoon tuniitinaꞌone.

Erimiyaasi 23:19

Doono Yeeri kaaro gondeenaꞌochi shimbooch, buugiibeeti yuppuppe amiyochoommon, giidechi yubee yongoochoommonoo kindii beeton beege!

Erimiyaasi 30:23

Ebiyoche Doono Yeerichi yubee yongo, ebiyoo bi kaaro, dimbilleebeeti yubee yongo kechitone; hukkechinaꞌo toommooch kindemmone.

Erimiyaasi 36:19

Aroochee iraasheenaꞌo Baaruukich ishichiyeete: “Neennaa Erimiyaasina hamiree aashebote; aabiich ittoshi beeto gaata koniyoona ariyaaye” iyeete.

Erimiyaasi 44:6

Ebich ta neboonaa ta kaaroona kindiye; Yihudee katemeenaꞌonaa Yerusaalemi gomminaꞌonooch aaxxehe; hanaach ittoshi beeggii beetoommon happeetinaꞌone; shokkoonoo echetinaꞌone.

Erimiyaasi 5:15

“Israꞌeelee kechi asheenaꞌote, wohi showoochee aageteenaꞌon ittoshi toommooch deebemmo taane” iye Doono Yeeri. “Eboshiyoo giidechinaꞌo, wonneechinaꞌo, boonoshi yibbaatoon ittoshi ariyaaneenaꞌonaa amoon boonoshi gettiibeeto gaata, shalligoon ittoshi hakkaaneenaꞌonane.

Erimiyaasi 52:30

Nabukadinatsori taateti hiyaa keejjinnee natooch, taatoo quyee naayinaꞌochi iraashoo Naabuzaridaani Ayihudeenaꞌoochee shabaatte ballaa aabbaa uuche ashoon keccii daammiye. Kecee hammiti asheenaꞌo bulla awudde humaa shiritte balleenaꞌone.

Hiziqeeli 12:19

Showee toommeexi macceenaꞌoyich ishichibe: ‘Nuggishoo Doono Yeeri Israꞌeelee showee daggooch, Yerusaalem beetinaꞌoyich ishichii beetone: “Arooch beetinaꞌochi xuꞌee naboona showoo shokko echemmo bi tunetoyich, boonoshi maayoon shatona maayemminaꞌone; aaconoo xuuxoona uchemminaꞌone.

Hiziqeeli 22:15

Aageteenaꞌo daggooch neen shaccemmo taane; showee toommoochoo neen bitinnemmo taane; ne eeꞌittinoonoo ne waanee aalliyemmo taane.

Hiziqeeli 5:10

Ebich ittoshi daggoochaa niheenaꞌo boonoshi bushiisheenaꞌon, bushiisheenaꞌo boonoshi niheenaꞌon maayemminaꞌone; eechiree ittoshi toommooch nallemmo taane; ebiichee muriccii echemmon yongee toommooch shaccemmo taane.

Daaneeli 8:9

Ebi awudde qareenaꞌo daggoochee ikkoo toommooch ikke giisheche qaro kechiye. Bi giidoo deshi-waan, aabi-keyo waan, Gaawe Showoo waanoo gaminniye.

Hosee'i 9:17

Bi getaa waayeyaache boonoshi itoyich ta Nuggishoo boonoshin duppemmone. Aageteenaꞌo daggooch yallyallimii beetinaꞌon tunemminaꞌone.

Yoꞌeeli 2:3

Boonoshi aaf beeton qaaqqoo maahe; boonoshi gubb beetonoo qaaqqoo michiye. Showoo boonoshi aafaa Edeni beeti bechee mixoommone; tunebaani boonoshi gubbaa amolla aalli barahoon tunehe. Boonoshiyee muriccemmi amee mooyolla aalloone.

Leweenaꞌo 26:22

Kubbi cooxon ta deejjaa, ittoshin bushaallo tuniyemmone; ittoshi gijjoonoo aalliyemmone. Haddoona ittoshi giishoona, ittoshi gommoo aqqemmone.

Leweenaꞌo 26:33

Ginoon ittoshi toommooch deebiree, aagetee showooch ittoshin shaccemmo taane; ittoshi showoo ashaalli xafo tunemmone; ittoshi katemoo happaa aallemmone.

Amootsi 1:14

Ebich Raabi katemee xaqqee uxerooch qaaqqoon geddemmo taane; bi taatee kexinaꞌonoo michi aalliyemmone. Aroochee koyooba cookoonaa dulloona woddemmone; koyoo yubee yongo afaafinoommon afaafinemmone.

Naahoomi 1:3

Doono Yeeri kaatee kaareyaanoonaa oogeti giidechonane; tunebaani amolla tunetaa, gonde shuunechon sheeraanoon cikkii qayaache. Bi gommoo yubee yongoonaa yuppuppoonochi daggoochiye; quboo bi baateexi quttoone.

Imbaaqoomi 3:14

Noon shaci aalliiya yubee yongoochoommon waati, girechon aashoochaa qooxxa iꞌi emiriibeeti, ginechinaꞌochi iraashoon bi shangoona kochehine.

Sofoniyaasi 3:6

Doono Yeeri ishichiye: “Aagetee asheenaꞌon aalliito taane; boonoshi mishigoo happeetone; boonoshi gommo shaꞌemmo aalletaa, bi aqqemmoyich tuniito taane; boonoshi katemeenaꞌo ashaalli hulleenaꞌo tuneꞌi tiishetinaꞌone.

Zakaariyaasi 2:6

Doono Yeeri ishichiye: “Showee awudde kelloona ittoshin shacceto taane; tunebaani and dambi-waani showoochee tibote.

Zakaariyaasi 8:1

Beshe Mawe Doono Yeeri taach ishichiye:

Zakaariyaasi 9:14

Doono Yeeri boonoshi toommoochaa bekkemmone; bi shangoo xeeyoochoommon awureyemmone. Nuggishoo Doono Yeeri tiree qaaroon waayiyemmone; deshi-waani yubee yongoona hammemmone.

Yibbaatoo 28:33

Ne aajjaa yulletaa ne showooch shaggiti maayoon ne ariyaani bare showee asho maayemmone. Neech danemmo bulli aaboon xuuxoonaa xukkoona baach tunemmone.

Yibbaatoo 28:49

“Doono Yeeri booyo afaafinoona kindoommon kindiibeeti, boonoshi noonoon ne ariyaani aagetee asheenaꞌo wohoochee, showee tuggoochee waaree neen boonoshi kochemmoyich, tuniyemmone.

Yibbaatoo 28:64

“Doono Yeeri showee tuggoochee tuggooch beddaahaa beeti aageteenaꞌo daggooch neen shaccemmone. Ebi aroochaa ne woyee ne qaabbechinaꞌo ariyaani, mixonaa xaqqoonoochee shuuneeti bare shahalleenaꞌoyich goyinne maddemmo neene.

Yibbaatoo 4:27

Doono Yeeri aagetee asheenaꞌo daggooch ittoshin shaccemmone; ebi bi shacciti asheenaꞌo daggooch haddoona giishechoon tune echemmo ittoshine.