Zakaariyaasi 7:12 - Kafa Linguistics Project

¹² Boonoshi mulloon xaqqo tuniiꞌi, Beshe Mawe Doono Yeeri ta, ebiyee aafi ta keemechinaꞌona tunaꞌa, ta Ayaanoona ta deejjiti sheeroonaa qaaroonon waayemmon qajjiyeete. Ebich Beshe Mawe Doono Yeeri ta, oogichii kaarehoye.

Zakaariyaasi 7:12 ပူးပေါင်းရင်းမြစ်များ

2 Kiinoo 36:13

Sedeqiyaasi Yeerina biin wogiiti taatoo Nabukadinatsori toommooch hukkoon shuunehe. Israꞌeelee Nuggishoo Doono Yeer waan wottoon qajjii, bi mulloon manjiiꞌi babberoo tunehe.

2 Kiinoo 36:16

Tunebaani boonoshi, Doono Yeerichi wocheyechinaꞌon cooneheete; bi qaaroonoo hoxeheete; bi keemechinaꞌonoo qallayiyeete. Ebich Doono Yeeri kaaro bi maccee toommooch kindiye; ebi shaahe kaaroochee muricon hakkaaneenaꞌone.

Iyoobi 9:4

Yeeri shalligechonaa giidechonane; biinna tookkii gajjiteeꞌi diggeto konine?

Shoddo 50:17

Kaaraa ta ciicaa shixxehine; ta qaaroon gubb duppehine.

Keyo 7:13

Ebi bulli tunetaanoona, andoo Farooni mullo muumoone. Doono Yeeri gettitoommon, Muusinaa Haroonina gettiton waayeyaanoone.

Isiyaasi 46:12

“Iberoochee wokkiti babbereenaꞌote, ta waanee waayebote.

Isiyaasi 48:4

Getaa giyaani, xuuroommi gajjechonaa gooshoommi barechona, ittoshi tunoon ariyaabeeto taane.

Isiyaasi 6:10

Boonoshi aafoona boonoshi ciinaachemmoyich, boonoshi waamona boonoshi waayeyaachemmoyich, boonoshi mulloona boonoshi shalligaachemmoyich, ta waan wotteree boonoshi wodaachemmoyich, ebi asheenaꞌo mulloon muumiibe; boonoshi waamon ulliibe; boonoshi aafoon kaafe” iye.

Isiyaasi 65:12

goraadoyich beshiiree immemmo taane; ittoshi bulliyona guureyoyich yittemmo ittoshine. Ta ceegaa, ittoshich ta yibbaatetaanoo waayo qajjito ittoshine; ta aafooch gonde mooyon tuniihote; taan emirikkaani mooyonoo shunniyote” iye.

Erimiyaasi 17:1

Doono Yeeri ishichiye: “Yihudee asheenaꞌochi axaaxoo almaazo bi cillooch beeti xuuree feennoona madooch kooroommon boonoshi mulloonaa boonoshi deejjee gudee qaroonochi toommooch kooreetone.

Erimiyaasi 17:23

Tunebaani ittoshi qaabbechinaꞌo ta qaaroon waayeyaaneenaꞌone; boonoshi waamonoo ta waan gaꞌiyaaneenaꞌone; waayeree doyoon ta waanee boonoshi deꞌaachemmoyich boonoshi gajjoon manjiiheete.

Erimiyaasi 26:19

“Yihudee taatoo Hiziqiyaasinaa Yihudee asho bullina biin wuxiteete? Hiziqiyaasi Doono Yeerin shattiꞌi Doono Yeerichi ariqqoon qolleyaanoone? Doono Yeeriyoo boonoshi toommooch deeba bi iti gonde mooyon qayaanoone? Tunebaani no, no toommooch gonde mooyon deebaaniye no beeto” iyeete.

Erimiyaasi 42:21

Tawoo hanaach ebin ittoshich getteto taane; tunebaani ittoshi, ittoshich ta gettemmoyich taan bi deejjiti amee mooyonona ittoshi Nuggishoo Doono Yeerich deꞌa getaano ittoshine.

Erimiyaasi 5:3

Doono Yeero, ibere mooyon qaawiibeeto neene; boonoshin naxehine; tunebaani aaxxiyaaneenaꞌone; boonoshin yiikkehine; tunebaani ne waan wottemmon qajjiyeete. Boonoshi baroon shiishee xaqqoyee beshoon kupphiiheete; gondoochee wottemmonoo qajjiyeete.

Erimiyaasi 7:20

Ebich Nuggishoo Doono Yeeri ishichiye: Ebiyoche ta kaaroonaa ta neboona hini xaaꞌooch, ashoonaa kubbeexi cooxonochi toommooch, mixinaꞌonaa showee toommeexi maayi aafeenaꞌonochi toommooch wonemmone; aaxxemmone; tahishoo getaachemmone” iye.

Hiziqeeli 11:19

Qoodeyaani mulloon boonoshich immemmo taane; boonoshi kashooch andire ayaanoon kotiyemmo taane; xaqqoommi boonoshi mulloon kichiichi meechi mulloon boonoshich immemmo taane.

Hiziqeeli 14:5

Ebiyoo shahallee naboona boonoshi mulloon ta waanee bariiti, Israꞌeelee maccoo bullichi mulloon ta waan wochoyichiye.

Hiziqeeli 2:4

Boonoshi getaa giyaaneenaꞌonaa babbereenaꞌonane; newoo boonoshich, ‘Nuggishoo Doono Yeeri ishichiye’ ne gettemmoyich neen daachiibeeto taane.

Hiziqeeli 36:26

Andire mulloon ittoshich immemmo taane; andire ayaanoonoo ittoshi kashooch kotiyemmo taane; xaqqee mulloon ittoshi meechi daggoochee kichemmo taane; meechi mulloon ittoshich immemmo taane.

Zakaariyaasi 1:2

Beshe Mawe Doono Yeeri Zakaariyaasi asheenaꞌoyich ishichi bi gettemmoyich gettiye: “Doono Yeeri ta, aafi ittoshi qaabbechinaꞌo toommooch oogichii kaareto taane.

Zakaariyaasi 7:7

Yerusaalemi bi guudoona beeti bi katemeenaꞌona tookkii diggee gaannaꞌa bi beehooba, Negeebi barahoonaa Shefeeli worebe showoonooch asho koteꞌi beehooba Doono Yeeri ta ebiyee aafi keemechinaꞌona ta getteti qaaro ebi toone?’ itone gete” iye.

Maatiyoosi 13:15

Boonoshi aafoona boonoshi ciinaachemmoyich, boonoshi waamona boonoshi waayeyaachemmoyich, boonoshi mulloona boonoshi shalligaachemmoyich, ta waan boonoshi wottetaa boonoshin ta wodiyaachemmoyich, boonoshi mulloon muumiitinaꞌone; boonoshi waamon ulliitinaꞌone; boonoshi aafoonoo oppetinaꞌone’ iꞌi bi keemmiti keemo boonoshi toommooch ceennitone.

Luqaasi 8:12

Gommi gashooch holliti yaroomminaꞌo geto, Yeerichi qaaroon boonoshi waayetoyee gubb daabiloosi waaꞌi, mulloon Yeeri toommooch tooꞌiiree boonoshi wodaachemmoyich, are boonoshi waayeti qaaroon boonoshi mulloochee maciꞌi bi daammiti asheenaꞌo getone.

Mishiraachechinaꞌo 28:27

Boonoshi aafoona boonoshi ciinaachemmoyich, boonoshi waamona boonoshi waayeyaachemmoyich, boonoshi mulloona boonoshi shalligaachemmoyich, ta waan boonoshi wottetaa boonoshin ta wodiyaachemmoyich, hini asheenaꞌo mullo muumetone; boonoshi waamon uppitinaꞌone; boonoshi aafoonoo shininniitinaꞌone’ iꞌi gettiye.