Zakaariyaasi 7:11 - Kafa Linguistics Project

¹¹ “Tunebaani boonoshi taach boonoshi gubboon wochiꞌi waayemmon qajjiyeete; boonoshi waamonoo oppeheete.

Zakaariyaasi 7:11 ပူးပေါင်းရင်းမြစ်များ

2 Kiinoo 33:10

Doono Yeeri Minaasinaa bi asheenaꞌonoyich bi gettitaanona, waayemmon qajjiyeete.

Nehimi 9:17

Ne getoyichoo deꞌa getaaneenaꞌone; boonoshi daggooch ne tuniiti gaakkechi shuunoon shalligaaneenaꞌone. Babbereheete; Gibitsee showooch, guuchittinooch wottoyich boonoshin yaabemmi ukkiroon kaacciyeete. Tunebaani ne, gondoon maarecho, shoodecho, ariqqecho, kaaroyich nibbechonaa wodde shunnechona tuneti Nuggishoo neene; ebich boonoshin qayaano neene.

Nehimi 9:26

“Tunebaani neech deꞌa getaaneenaꞌone; ne toommoochoo tiyiyeete; ne sheeroonoo gubb duppiyeete; ne waan boonoshi wottemmoyich boonoshich kupphii gettiti keemechinaꞌon wuxiyeete; oogichiꞌinoo neen hoxeheete.

Nehimi 9:29

“Ne sheeroo waan boonoshi wottemmoyich kupphiyaꞌa gettehine; tunebaani boonoshi geeciyeetani, ne geteenaꞌon ceechaaneenaꞌone. Asho bi ceechigaata kashoona bi beeyemmoyich tuniibeeti ne getoon shaaddeheete; boonoshi gubboon ne waan wochiyeete; babbereꞌi, ne getoon qajjiyeete.

Keyo 10:3

Ebina Muusinaa Haroonina Faroon waan hammiꞌi ishichiyeete: “Hibireenaꞌo Nuggishoo Doono Yeeri ishichiye: ‘Ne qelloon ta aafooch yittiyaache ne geti beeyemmo aati wottooniye? Taach boonoshi goyinne maddemmoyich, ta asheenaꞌon gawukkibe.

Isiyaasi 28:12

Biyoo boonoshich, “Hini tooqqii kashoone; maraateton kashiibote; hini kashee xaaꞌoone” iye; tunebaani boonoshi waayemmon qajjiyeete.

Isiyaasi 46:12

“Iberoochee wokkiti babbereenaꞌote, ta waanee waayebote.

Isiyaasi 6:10

Boonoshi aafoona boonoshi ciinaachemmoyich, boonoshi waamona boonoshi waayeyaachemmoyich, boonoshi mulloona boonoshi shalligaachemmoyich, ta waan wotteree boonoshi wodaachemmoyich, ebi asheenaꞌo mulloon muumiibe; boonoshi waamon ulliibe; boonoshi aafoon kaafe” iye.

Isiyaasi 65:12

goraadoyich beshiiree immemmo taane; ittoshi bulliyona guureyoyich yittemmo ittoshine. Ta ceegaa, ittoshich ta yibbaatetaanoo waayo qajjito ittoshine; ta aafooch gonde mooyon tuniihote; taan emirikkaani mooyonoo shunniyote” iye.

Erimiyaasi 11:10

Ta qaaroon waayo qajjiti boonoshi qaabbechinaꞌochi axaaxooch wotteheete; boonoshich goyinnoyich bare nuggisheenaꞌon dabbiyeete; Israꞌeelee kechi asheenaꞌonaa Yihudee kechi asheenaꞌona, boonoshi qaabbechinaꞌona tookkii ta giyeti wogoon happiyeete.

Erimiyaasi 17:23

Tunebaani ittoshi qaabbechinaꞌo ta qaaroon waayeyaaneenaꞌone; boonoshi waamonoo ta waan gaꞌiyaaneenaꞌone; waayeree doyoon ta waanee boonoshi deꞌaachemmoyich boonoshi gajjoon manjiiheete.

Erimiyaasi 17:27

Tunebaani shambetee aabo yaafeeto tuniitaa bi quyeyemmoyich, shambetee aabooba shaagoon shaagiree ittoshi giyaachemmoyich ta getteton waayo ittoshi qayigaata, Yerusaalemi katemee kelleenaꞌooch qaaqqoon tuchemmo taane; qaaqqoo Yerusaalemi taatee kexinaꞌon maayemmone; tahishoo getaachemmone” itone’ gete” iye.

Erimiyaasi 19:15

“Israꞌeelee Nuggishoo Beshe Mawe Doono Yeeri ishichiye: ‘Ta qaaroon boonoshi waayee qayoyich mulloon boonoshi babberiitoyich, hini katemoonaa bi gafeenaꞌo bullinochi toommooch ta getteti gonde mooyon deebemmo taane’ itone” iye.

Erimiyaasi 35:15

Keemechinaꞌo tuneti ta guuninaꞌo bullin wochii wochii ittoshi waan deejjaꞌa, boonoshina “Ittoshi ikkikkoona ittoshi gonde gommoochee wottebote; ittoshi shuunoon gaawichibote; boonoshich goyinnoyich bare nuggisheenaꞌon dabbiyaahote; ittoshinaa ittoshi qaabbechinaꞌonoyich ta immeti showooch kotemmo ittoshine” iyoye; tunebaani ittoshi, ittoshi waamon ta waan gaꞌiyaano ittoshine; taachonoo waayeyaano ittoshine.

Erimiyaasi 36:31

Ta biin, bi bushiisheenaꞌon, bi iraasheenaꞌon, boonoshi gondoyich naxemmo taane; taachon waayo boonoshi qajjitoyich, boonoshi toommooch deebemmo taane ta iti aallo bullin boonoshinaa Yerusaalem beeyechinaꞌona toommooch, Yihudee asheenaꞌo toommoochoo deebemmo taane, itone gete” iye.

Erimiyaasi 42:21

Tawoo hanaach ebin ittoshich getteto taane; tunebaani ittoshi, ittoshich ta gettemmoyich taan bi deejjiti amee mooyonona ittoshi Nuggishoo Doono Yeerich deꞌa getaano ittoshine.

Erimiyaasi 44:16

“Doono Yeeri shigoona nooch ne getteti qaaroon waayeyaachone.

Erimiyaasi 5:3

Doono Yeero, ibere mooyon qaawiibeeto neene; boonoshin naxehine; tunebaani aaxxiyaaneenaꞌone; boonoshin yiikkehine; tunebaani ne waan wottemmon qajjiyeete. Boonoshi baroon shiishee xaqqoyee beshoon kupphiiheete; gondoochee wottemmonoo qajjiyeete.

Erimiyaasi 7:24

Tunebaani boonoshi mullee gonde gaboonaa babberittinoona hammiyeete; aaf tuneyaanoon gubb hammiyeetani waayeyaaneenaꞌone; boonoshi waamon ta waan gaꞌiyaaneenaꞌone.

Erimiyaasi 7:26

Tunebaani boonoshi mulloon muumiiheetani taachon waayeyaaneenaꞌone; boonoshi waamon gaꞌiyaaneenaꞌone; halla boonoshi qaabbechinaꞌo tuniitoyee beshe gonde mooyon tuniiheete.

Erimiyaasi 8:5

Ishigaata hini Yerusaalemi asheenaꞌo amoyich gubb wotteꞌi qappooch hammiyeete? Xumme mooyon shunnitinaꞌone; ta waan wottemmonoo qajjitinaꞌone.

Hiziqeeli 14:5

Ebiyoo shahallee naboona boonoshi mulloon ta waanee bariiti, Israꞌeelee maccoo bullichi mulloon ta waan wochoyichiye.

Hiziqeeli 3:7

Tunebaani Israꞌeelee macceenaꞌo getaa giyaaneenaꞌonaa babbereenaꞌona boonoshi tunetoyich ta getoon waayoyich daaggaaneenaꞌone; neechonoo waayeyaachemminaꞌone.

Hiziqeeli 5:6

Yerusaalemi aageteenaꞌoyee beshoon ta geteenaꞌo toommooch hukkoon tiijjiyan; bi guudoona beetinaꞌoyee beshoon ta qociyoon shaaddahane. Ebiyoo ta geteenaꞌon waayeyaache getonaa ta qociyoona hammi qayonane” iye.

Daaneeli 9:5

No, axaaxoon shuuneto noone; xumme mooyon shuuneto noone; gonde mooyon tuniito noone; hukkoonoo shuuneto noone; ne getoonaa ne doyoonoochee gubb wotteto noone.

Hosee'i 4:16

Israꞌeeleenaꞌo babbere gidereyoomminaꞌone. Ishigaata, Doono Yeeri boonoshin bagee baaddeenaꞌochoommon gamini gaddooch bi quyemmo aabichireeshiye?

Sofoniyaasi 3:2

Ebi asheenaꞌo getaa giyaaneenaꞌo, kaaree ciicenoo waayeyaaneenaꞌone. Doono Yeerin gibeneyaacheete; boonoshi Nuggishoo waanoo giddeyaacheete.

Zakaariyaasi 1:4

Ittoshi qaabbechinaꞌon shaahiyaahote. Ebiyee aafi keemechinaꞌo boonoshich, ‘Beshe Mawe Doono Yeeri, ittoshi gonde gommonaa gonde shuunoonoochee wottebote, itone’ iꞌi gettiyeete; tunebaani boonoshi waayemmon qajjiꞌi ta getoonoo aaxxiyaache iyeete.

Maatiyoosi 13:15

Boonoshi aafoona boonoshi ciinaachemmoyich, boonoshi waamona boonoshi waayeyaachemmoyich, boonoshi mulloona boonoshi shalligaachemmoyich, ta waan boonoshi wottetaa boonoshin ta wodiyaachemmoyich, boonoshi mulloon muumiitinaꞌone; boonoshi waamon ulliitinaꞌone; boonoshi aafoonoo oppetinaꞌone’ iꞌi bi keemmiti keemo boonoshi toommooch ceennitone.

Mishiraachechinaꞌo 7:51

“Illa hini ittoshi mullo muumeti, ittoshi waamoo ulleti babbereenaꞌote! Ittoshi qaabbechinaꞌochoommon ittoshiyoo wotta bulli aaboon Yaafe Ayaanoyich deꞌa getaano ittoshine.

Mishiraachechinaꞌo 7:57

Areegaata Ayihudee nallechinaꞌo boonoshi qaaroon oogichiꞌi cookiibee boonoshi waamon uppiyeete; ikkooch tiyiꞌi bi waan woceheete.

Hibireena'o 12:25

Gettiibeeti Yeerin waayeyaache ittoshi getaachemmoyich ittoshi qelloon ariibote! Ebi areenaꞌo showee toommoochaa Yeeri gettiton waayeyaachone boonoshi iyooba, Yeerichi nalloochee muricaaneenaꞌone; ebich no wotta shimaayoochaa gettiibeeti Yeer waanee gubb no shoki gaata, aabichiree Yeerichi nalloochee muriccehone?