Zakaariyaasi 7:10 - Kafa Linguistics Project

¹⁰ Xuumeenaꞌon, nihaalleenaꞌon, dallaaweenaꞌon, girechinaꞌonoo xuqqaahote; ittoshi mulloona ikkoo baroyich gondoon gabaaye’ iyoye.

Zakaariyaasi 7:10 ပူးပေါင်းရင်းမြစ်များ

Shoddo 140:2

Boonoshi mulloona gonde mooyon gabiyeete; wochii wochii koyoon tiijjiyeete.

Shoddo 21:11

Ne toommooch gondoon boonoshi gabitaa, boonoshi maritaa, boonoshich kaameyaachemmone.

Shoddo 36:4

Bi qeenoochaa gondoon gabiye; gaaweyaani gommo waan wottehe; gonde mooyon shixaache.

Shoddo 72:4

Taatoo iriteeti asheenaꞌoyich nallibe; girechinaꞌon wodiibe; xuqqii beetinaꞌon aalliibe.

Keyo 23:9

“Ittoshiyoo Gibits ittoshi beehooba shiqqoo ittoshine; shiqqoyich shiqqittino am shaahoon waayee bi beeto gaata, ittoshi qelloona ittoshi ariibeeto ittoshine. Ebich shiqqoon xuqqaahote.

Shaahiyoo 3:29

Neen gibeneꞌi ne gaꞌooch koteti ne giyoo toommooch gondoon shuuneyaahine.

Shaahiyoo 6:18

gondoon gabiibeeti mullo, gondooch afaafinoona wocciibeeti baatoo,

Isiyaasi 1:23

Ne ukkireenaꞌo hukkechinaꞌonaa gaayeenaꞌochi nuucheenaꞌonane; boonoshi bulliyoo xuccoon shunniyeete; aafee ciichiyoonoo oogichii qaawiyeete; nihaalleenaꞌoyich neexeyaacheete; xuume maacheenaꞌo mooyon waayeyaacheete.

Erimiyaasi 18:18

Boonoshiyoo “Sheeroo qeeshoo waan, ciico ariyechinaꞌo waan, qaaro keemechinaꞌo waan aalleyaachemmo bi tunetoyich, ittoshi waataa Erimiyaasi toommooch koceebone; ittoshi waataa heciyoona biin yexone; bi qaaroonoo waayaayone” itinaꞌone.

Erimiyaasi 21:12

Daawitichi yareenaꞌote, Doono Yeeri ishichiye: Ittoshi shuunee gondoyich ta kaaro qaaqqoochoommon bi hafaachemmoyich, koniyoona takkoon mawiimmi wottoon bi aaxxeyaachemmoyich, maaddoona nalloon tachibote; xukketi ashoon xuqqiibeeto kishoochee wodibote.

Erimiyaasi 49:11

Ittoshi daggooch beeti nihaalli bushiisheenaꞌon qayote; kashoona boonoshi beeyemmoyich tuniyemmo taane; ittoshi xuumeenaꞌoo taan gibenebeete” iye.

Erimiyaasi 5:28

Aangitinaꞌone; awujjiinoo itinaꞌone; boonoshi gondo oogichii beshitone. Nihaalloochi dayinnetoyich neexeyaacheete; girechinaꞌochi taggoonoo taggeyaacheete.

Erimiyaasi 7:6

dallaawoon, nihaalloonaa xuumeenon xuꞌo ittoshi qayigaata, hini xaaꞌoochaa xalle damoon ukkoo ittoshi qayigaata, ittoshich aalloon deebemmi bare nuggishoon dabboo ittoshi qayigaata,

Hiziqeeli 18:12

girechonaa iritechonon neexxii bi hajjigaata, bi bogigaata, yechiyoon wochoo bi qayigaata, shahalleenaꞌoch bi goyinnegaata, ciigiiti mooyon bi tuniigaata,

Hiziqeeli 22:12

Ne daggoochaa damoon ukkoyich xucco maaheete; newoo shimonaa koyitoonon deqqeti neene; ne xibeenaꞌo waanee daboona gaacoon daneti neene; taanoo batteti neene, iye Nuggishoo Doono Yeeri.

Hiziqeeli 22:29

Showee asheenaꞌo xuqqiyeete; boggiyeete; girechinaꞌonaa iritechinaꞌonon xuuxiiheete; shiqqoon xuqqiyeete.

Hiziqeeli 22:7

Ne daggoochaa indeenaa nihoona qallayeeheete; ne daggoochaa dallaaweenaꞌo xukkeheete; ne daggoochaa nihaalleenaꞌonaa xuumeenaꞌona duꞌeheete.

Amootsi 4:1

Bashaani beeti, shiimetaa yecheti miiminaꞌo aangoommon aangiti Shamaari genneenaꞌote, ebin waayebote! Ittoshi, hakka guutoon xuqqiyote; girechonoo giishiihote. Ittoshi keneenaꞌon “Uyoon nooch ittoshi deebaa uyone” iyote.

Zakaariyaasi 8:17

Ittoshi mulloona ikkoo baroyich gondoon gabaaye; kootoon wogeyaahote. Eboshi bullin tiyaaraabeeto taane” iye Doono Yeeri.

Milikiyaasi 3:5

“Ittoshi toommooch nalliya, ittoshi waan woyemmo taane; iicechinaꞌochi, shunimaayeenaꞌochi, kootoon wogee beetinaꞌochi, shuunechinaꞌochi shumaayoon bajjii beetinaꞌochi, xuumeenaꞌonaa nihaalleenaꞌonon xuqqii beetinaꞌochi, shiqqoon shiqqii beetinaꞌonaa taan shataaneenaꞌonochi toommooch nallemmo taane” iye Beshe Mawe Doono Yeeri.

Maatiyoosi 23:13

“Hini ittoshi maacoon xalloo shaahiibeeti Muusichi Sheeree dojjechinaꞌonaa Fariseenaꞌonote, ittoshich woowo! Asho shimaajji taatittineech bi giyaachemmoyich kelloon hicciyote. Ittoshi qelloona giyaachote; giya qaawii beetinaꞌoyichoo bajjiyote.

1 Qorontoosi 6:10

gaayeenaꞌo, hiriggechinaꞌo, mashechinaꞌo, naagechinaꞌo, boggechinaꞌo, eboshi daggoochee ikkolla Yeerichi taatittineen woraashaachemmone.

Yibbaatoo 27:19

“ ‘Shiqqeenaꞌochi, nihaalleenaꞌonaa xuumeenaꞌonochi dayinnetoon dabiibeeto uppeton tunebe’ geteete. “Asheenaꞌo bulliyoo ‘Ameena’ geteete.

Yaaqobi 5:4

Ittoshi maayoon qecciti shuunechinaꞌochi shumaayoon bajjii boggito ittoshine. Ittoshi toommooch boonoshi cookii beeton eke elebote. Ebi ittoshi maayoon qeccii beetinaꞌochi qaaroon Beshe Mawe Doono Yeeri waayetone.

1 Yowannisi 3:15

Bi manoon shixxiibeeto bulli ashoon wuxitoommone; ashoon wuxito bulli, bulli yemeenee kasho biich aallo bi tunoon ariibeeto ittoshine.