Zakaariyaasi 6:5 - Kafa Linguistics Project

⁵ Maraakoo taach “Eboshi neexee boonoshi maddeebeeti, showoo bullichi Doono Yeeri aafoochee kechii waabeeti, shimaajji awudde yongeenaꞌone.

Zakaariyaasi 6:5 ပူးပေါင်းရင်းမြစ်များ

1 Taateenaꞌo 19:11

Doono Yeeriyoo, “Guudi toommooch keyiree, Doono Yeeri ta aafooch neexebe” iye. Aroochee Doono Yeeri beshehe. Doono Yeeri aafoochaa ooge giidechi yongo guudinaꞌon boriye; ogooge xaqqeenaꞌonoo shiqiye; tunebaani Doono Yeeri yongee daggooch aalloone. Yongee hillooch showoo qewehe; tunebaani Doono Yeeri showee qewee daggooch aalloone.

1 Taateenaꞌo 22:19

Aroochee Mikiyaasi ishichiye: “And illa Doono Yeerichi qaaroon waayebe! Doono Yeeri bi taatee qeenooch koteꞌi, shimaajji maraakoo bulliyoo bi gaꞌooch, bi qanninaa bi yoochinooch neexeꞌi beeton beeggoye.

Iyoobi 1:6

Ikke areddoon maraakeenaꞌo Doono Yeeri aafooch giddehooba, Sheexaanoo boonoshina tookkii giddehe.

Shoddo 148:8

Qaaqqoonaa baderoona, kechoonaa quboona, bi getoon ceechiibeeti giidechi yongoo,

Shoddo 68:17

Doono Yeeri bi mattiqutte gaarinaꞌona Siinee, bi yaafee kexooch waahe.

Isiyaasi 54:5

Neen halliti Nuggishoo neech kenoon tunemmone; bi shigo Beshe Mawe Doono Yeeri getteehe. Israꞌeelee Yaafoo neen biishe wodiyemmone; biyoo showoo bullichi Nuggishoone.

Erimiyaasi 49:36

Awudde shimaajji tuggoochee Elaami toommooch awudde yongeenaꞌon deebemmo taane; ebi awudde yongeenaꞌoochoo bi asheenaꞌon shaccemmo taane; Elaamee showoochee yookketinaꞌo shagaani aagetoo daneyaachemmone.

Hiziqeeli 11:22

Aroochee kiruubeenaꞌo boonoshi qoshoon yaggiyeete; gengeenaꞌoo boonoshi gaꞌooch beetinaꞌone; Israꞌeelee Nuggishoochi oogee yiiroo boonoshi tookk beetone.

Hiziqeeli 37:9

Aroochee Yeeri taach ishichiye: “Ashi bushoocho, keemoon keembe; yongoyich keemoon keembe: ‘Nuggishoo Doono Yeeri ishichiye: Yongoocho, awudde kaattoochee wobe; ebi dubeneenaꞌo kashoona beeyemmoyich, eboshi toommooch yongebe’ gete” iye.

Daaneeli 11:4

Tunebaani bi giidoo oogeꞌi bi beshiyooba, bi taatittino happeeree showee awudde kelloona qoodeyemmone. Ebi taatittino bi yaroyich besheyaachemmone; cammona waaxeree bareenaꞌoyich beshiitaa ichemmone. Eboshiyoo biichoommon giidechinaꞌo tuneyaachemminaꞌone.

Daaneeli 7:10

Qaaqqoo woce aacochoommon, bi aafoochee kechiꞌi ufee beehe. Hume kaallee humeenaꞌo biich maddee beeheete; aashire hume kaallee aashire humeenaꞌoo bi aafooch neexee beeheete. Nallechinaꞌo nalliya koteꞌi, macaafeenaꞌon gaxxiyeete.

Zakaariyaasi 4:10

“Giisheche mooyo tuneebeeti aaboon hoxeebeeto konine? Asheenaꞌo tumbin Zerubabeelichi kishooch boonoshi beegiyooba emiremminaꞌone. “Ebi shabaatte ceecheenaꞌo showoo bulliich guuddiibeeti Doono Yeerichi aafeenaꞌone” iye.

Zakaariyaasi 4:14

Biyoo taach “Eboshi showoo bullichi Doonoyich maddeya huutteeti gutte asheenaꞌone” iye.

Zakaariyaasi 6:1

Wochinnoon kaama ciinnaꞌa, awudde gaari gutte guudochi gutte daggoochee kechii boonoshi beetaa beeggeho. Guudinaꞌoo gooshee guudinaꞌone.

Maatiyoosi 18:10

“Hini gishiisheenaꞌoochee ikkoonolla ittoshi hoxeyaachemmoyich, ittoshi qelloon quyebote. Shimaayooch beeti boonoshi maraakeenaꞌo shimaayooch beeti ta Nihoo aafooch bulli aaboon beetinaꞌone.

Maatiyoosi 24:31

Arooba ooge tiree qaaroona maraakeenaꞌon wochemmone. Boonoshiyoo hamiree awudde kelloona aabi-keyoochee aabi-gimooch, showee tuggooch beddaahaa Yeeri kaaccitinaꞌon kicemminaꞌone” iye.

Luqaasi 1:19

Maraakoo wochiꞌi, “Ta Yeeri aafooch neexaabeeti Gabreeli taane; neech ta gettemmoyich, hini mishiraachoonoo neech ta bechemmoyich Yeeri taan ne waan wochetone.

Hibireena'o 1:14

Maraakeenaꞌo bulliyoo Yeeri wodiyemmi asheenaꞌon boonoshi gaachemmoyich wochee beetinaꞌo, Yeerichoo maddeebeeti ayaaneenaꞌo tooneenaꞌone?

Hibireena'o 1:7

Yeeri maraakeenaꞌochon gettiibee, “Bi maraakeenaꞌon yongoomminaꞌon, bi wocheyechinaꞌonoo conjiibeeti qaaqqoomminaꞌon, tuniyemmone” iye.

Yaasi 3:11

Bulli showee Doonochi wogee taabooto ittoshiyee shiichiree Yoordaanoosi aacoch hammemmone.

Yaaꞌoo 7:1

Aroyee gubb showeechi awudde kelloona neexeti awudde maraakeenaꞌon beeggeho. Boonoshiyoo showee toommooch tuneba baharee toommooch, amee michi toommoochoo yongo yongeyaachemmoyich awudde kelloona yongeebeeti yongeenaꞌon yechii bajjiyeete.