Zakaariyaasi 6:13 - Kafa Linguistics Project

¹³ Doono Yeerichi yaafee kexon haggemmo biine. Taatee oogoon deꞌiree, taatee qeenooch koteechi bi asheenaꞌon qeejjemmone; bi taatee qeechi gaꞌoochoo qeeshoon tunemmone. Guttiyona ikkittinoona, diggoona shuunemminaꞌone’ itone gete.

Zakaariyaasi 6:13 ပူးပေါင်းရင်းမြစ်များ

Halloo 14:18

Saalemi taatoo Meleekitsedeqi Abraamich koshonaa woyinee uyoonon yechiꞌi kechiye. Biyoo Beshe Nuggishoo Yeerich maddeebeeti, qeeshoone.

2 Saameeli 7:13

Taach kexon haggemmo, biine. Bi taatittinee qeenonoo bulli yemeenoon manjiyemmo taane.

Shoddo 110:1

Doono Yeeri ta Doonoyich ishichiye: “Ne etteenaꞌon ne baatee dechiich ta tuniimmi wottoon ta qannooch kotebe” iye.

Shoddo 110:4

“Meleekitsedeqichi qeeshittinee shafiroona, ne bulli yemeenoon qeeshoo neene” ii Doono Yeeri wogetone; bi gaboon shaddaachemmone.

Shoddo 21:4

Kashoon ne waanee qollehe; kashee genjoon, bulli yemeenooch biich immehine.

Shoddo 21:5

Ne immeti wudoona beshii oogehe; oogoonaa oogee yiiroonon biich tajjihine.

Isiyaasi 11:10

Arooba Iseyichi yaroo aageteenaꞌoyich malletoon tuneree neexemmone; aageteenaꞌo biin qaawemminaꞌone; bi beeyemmi xaaꞌoo oogechi xaaꞌoo tunemmone.

Isiyaasi 22:24

“ ‘Bi nihoochi kechi asheenaꞌo, bi bushiisheenaꞌonaa bi bushaa bushiisheenaꞌona biich shaagoon tunemminaꞌone; siinoonaa qondoonooch beddaahaa, qiico bulli kaꞌooch kaqqeyoommon, bi toommooch kaqqeyemminaꞌone’ gete” iye.

Isiyaasi 54:10

Guudinaꞌo shuuroon, geppeenaꞌoo qewoon, hakkiyeete; tunebaani ta shoodo ne waanee wohaachemmone; ta giyeti diggee wogo happeyaachemmone” iye neech ariqqechi Doono Yeeri.

Isiyaasi 9:5

Neexxiibeeti, ginee naayinaꞌochi caammoo bulli, damoona muureeti qoreddoo bulli, qaaqqooch miccemmone; gokkeshoo gettemmone.

Isiyaasi 9:6

Gaggeroo nooch shiijjetone; anaami bushoo nooch ichetone; taatittino bi kishooch tunemmone. Bi shigoo Worganikkiti Ciiccecho, Beshe Hakkechi Nuggishoo, Bulli Yemeenee Nihoo, Diggee Ukkiroo, getteyemmone.

Isiyaasi 9:7

Bi taatittinoyich daaro, bi diggoyichoo ciiro aalloone. Andee tiijjiree bulli yemeenooch beddaahaa, bi taatittinoon dayinnetoonaa cadiqoona, deggii neechoyich, manjiiyoyichoo, Daawitichi taatee qeenooch kotemmone; Beshe Mawe Doono Yeerichi qanaato ebin tuniyemmone.

Erimiyaasi 23:5

Doono Yeeri ishichiye: “Daawitichi gumboochee cadiqo tuneton taatoo bi tunemmoyich, ta kaaccemmi yemeeno woyemmone; ebi taatoo ariyoona qeejjemmone; showee toommooch dayinnetoonaa cadiqoona tuneti mooyon tuniyemmone.

Erimiyaasi 23:6

Bi taatee yemeenooch Yihudee asheenaꞌo wodemminaꞌone; Israꞌeeleenaꞌo keqqaalloon beeyemminaꞌone. Bi ceeggeyemmoo ‘No Cadiqoo Doono Yeeri’ getenane.

Erimiyaasi 33:15

Aroobee yemeenoonaa aroobee aaboonooch, cadiqe ato Daawitich bi atemmoyich tuniyemmo taane; biyoo showee toommooch dayinnetoona, cadiqittinoonoo nallemmone.

Mikiyaasi 5:4

Biyoo qiddoo bi bagoon quyoommon, Doono Yeerichi giidoona, bi Nuggishoo Doono Yeerichi oogee yiiroona, bi asheenaꞌon quye qeejjemmone. Bi oogo showee toommo bulliich aricheto bi tunetoyich, bi asheenaꞌo keqqaalloon beeyemminaꞌone.

Zakaariyaasi 4:14

Biyoo taach “Eboshi showoo bullichi Doonoyich maddeya huutteeti gutte asheenaꞌone” iye.

Zakaariyaasi 4:9

“Hini kechi hecoon heccito Zerubabeeline; biyoo hini kexon hagi qanniyemmone. Aroochee boonoshi waan neen wochee daachiito Beshe Mawe Doono Yeeri ta tunoon ta asheenaꞌo ariyemminaꞌone.

Zakaariyaasi 6:11

Boonoshi waanee aachoonaa birewoonon deꞌiree gubbichoon shuunebe. Ebi aroon Yehotsedeeqichi bushoo, qeeshee guudo Yaasichi shimbooch ukiibe.

Roomi 5:1

Illa bi toommooch no mulloon tooꞌiyoona no cadiqitoyee, no Doono Yesuus Kiristoosichi gommona Yeerina tookkii diggoo nooch beetone.

Qolaasiyaasi 1:2

Qolaasiyaas beeti, Kiristoosina yaafeetinaꞌonaa gibeneetinaꞌona tuneti maneenaꞌoyich: No Nihoo Yeeri waanee wojjoonaa diggoona ittoshich tunebe.

Hibireena'o 3:1

Ebich noonna tookkii Yeerina ceekketi yaafe ta maneenaꞌote! Biin no gibenoon no miixeti mishiraachechonaa qeeshee guudoona tuneti Yesuusin gabibote.

Hibireena'o 6:20

Meleekitsedeqi qeeshee guudo bi tunetoommon, Yesuusi bulli yemeenoon qeeshee guudo tuneꞌi, noyee shiichii arooch noocha iꞌi giyitone.

1 Pheexiroosi 3:22

Yesuus Kiristoosiyoo damba shimaayooch kechiꞌi Yeerichi qanne badd beetone; arooch beeti maraakeenaꞌo, shimaayeexi ukkireenaꞌonaa giidechinaꞌo bullina biich hajjee beetinaꞌone.

Yaaꞌoo 3:21

“Ta wotta gondoochi giidoon kochaa ta wochoommon, ta Nihoona tookkiinoo bi taatee qeenooch ta kotoommon, ebiyoommon gondoochi giidoon kochii wochiton taanna tookki ta taatee qeenooch kotiyemmo taane.