Zakaariyaasi 6:11 - Kafa Linguistics Project

¹¹ Boonoshi waanee aachoonaa birewoonon deꞌiree gubbichoon shuunebe. Ebi aroon Yehotsedeeqichi bushoo, qeeshee guudo Yaasichi shimbooch ukiibe.

Zakaariyaasi 6:11 ပူးပေါင်းရင်းမြစ်များ

2 Saameeli 12:30

Boonoshi taatoochi gubbichoon bi qelloochee kindii daammiye. Ebi gubbichoo shaashaa awudde kiilo giraamee aachoona shuuneetone; bi toommoochoo aaxxe xaqqo beetone; ebinoo Daawiti qellooch ukiiheete. Daawitiyoo are katemoochee wodde mooyon keccii daammiye.

Iziri 10:18

Qeesheenaꞌo yaroochee dallaawe maacheenaꞌon shaaggitinaꞌo daneheete; eboshiyoo: Yotsedeeqi bushoo Yaasinaa bi maneenaꞌonochi yaroochee: Maseyaahi, Elezeeri, Yariibinaa Gedaliyinane.

Iziri 3:2

Yotsedeeqi bushoo Yaasinaa biinoommi qeesheenaꞌo, Shelateeli bushoo Zerubabeelinaa bi xibeenaꞌona, Yeer asho Muusichi Sheerooch bi kooreetoommon, micciibeeti deejjoon giddiyoyich Israꞌeelee Nuggishoochi deejjee gudoon shuuneheete.

Shoddo 21:3

Wodde diiroon imona biinna danehine; xalle aachee gubbichoon bi qellooch ukiihine.

Keyo 29:6

Qelli caacoon bi qellooch caaciree, yaafeeti gubbichoon qelli caacoona tookki yeshiibe.

Keyo 39:30

Yaafeeti gubbichee gengoon xalle aachoochee shuuneꞌi, bi toommooch “Doono Yeerich Yaafeeto” ii beeton qiicii kooriyeete.

Solomooni 3:11

Tsiyooni gidiideenaꞌote, wobote; bi gaarooba, bi oogichii emiriti aabooba, bi indee ukiiti gubbichoon uketi, Taatoo Solomoonin ciinote.

Leweenaꞌo 8:9

Qelli caacoon bi qellooch caacciye. Ebi qelli caacee aafaa Harooni Doono Yeerich barito bi tunoon bekkiibeeti, aachoochee shuuneeti gubbichoon geddiye. Ebi bullin Doono Yeeri biich gettitoommon tuniiꞌi shuunehe.

Haagi 1:1

Taatoo Daariyoosi taateti guttinnee natooba, shirittinnee agenee ikkinnee qemooba, Doono Yeeri keemechi Haagina, Yihudee iraashoo, Shelateeli bushoo Zerubabeelinaa Yehotsedeeqichi bushoo, qeeshee guudo Yaasinoyich bi gettiti qaaro:

Haagi 1:14

Doono Yeeriyoo Shelateeli bushoo, Yihudee iraashoo Zerubabeelichi mullo, wotta Yehotsedeeqichi bushoo, qeeshee guudo Yaasichi mulloonaa echeti curo bullichi mulloona tiyemmoyich tuniihe. Boonoshiyoo taatoo Daariyoosi taateti guttinnee natooba, shirittinnee agenee hiyaa awuddinnee qemooba, boonoshi Nuggishoo Beshe Mawe Doono Yeerichi kexon hagooch giyiyeete.

Haagi 2:4

Illa and Zerubabeelo, kupphebe. Yehotsedeeqichi bushoo, qeeshee guudo Yaaso, kupphebe. Hini showeexi asheenaꞌote, kuppheree shuunebote. Beshe Mawe Doono Yeeri ta, ittoshina tookkaa taane.

Zakaariyaasi 3:1

Bare yaaꞌoona qeeshee guudo Yaasi Yeerichi maraakoo aafooch neexeꞌi bi beetaa Doono Yeeri taach bekkiihe. Sheexaanoo Yaasin taggeya bi qanne badd neexeꞌi beehe.

Zakaariyaasi 3:5

Tawoo “Xalloo tuneti qelli caacoon bi qellooch caacote” iyo. Doono Yeerichi maraakoo arooch neexeꞌi beetaa, xalle qelli caacoon bi qellooch caacciyeete; tahoonoo tajjiyeete.

Zakaariyaasi 6:14

Gubbichoo Helidaayich, Xobbiyaahich, Yedaayinaa Sofoniyaasichi bushoo Heninoyich, Doono Yeerichi yaafee kexoochaa shalligichoo tunemmone.

Hibireena'o 2:9

Tunebaani Yeerichi wojjoona asho bullich bi qitemmoyich, giisheche wottoon maraakeenaꞌoyee bi shappemmoyich tuneti Yesuusin, qitee xuuxoon bi beeggitoyich, oogoonaa oogee yiiroonochi gubbichoon uketon beeggehone.

Yaaꞌoo 19:12

Bi aafo qaaqqee aaxxoommone; bi shimboochoo meeti gubbichoon uketone; bi ikkeeto baachalli koniyoona ariyaani kooreeti shigo biich beetone.

Yaaꞌoo 6:2

Beeggaanoo iyo; areegaata nacce hareshoon beeggeho; aroon yebbeto kishooch maꞌo beetone; biichoo gubbichoo ichehe; kochii wochechon tuneꞌi bi shixechinaꞌon koyi wochiya shimaajji taatee xaaꞌoochee kechii hammiye.