Zakaariyaasi 6:1 - Kafa Linguistics Project

¹ Wochinnoon kaama ciinnaꞌa, awudde gaari gutte guudochi gutte daggoochee kechii boonoshi beetaa beeggeho. Guudinaꞌoo gooshee guudinaꞌone.

Zakaariyaasi 6:1 ပူးပေါင်းရင်းမြစ်များ

2 Taateenaꞌo 6:17

Aroochee Elisayi ishichiꞌi corootiye: “Ta Doono Yeero, bi ciinnemmoyich bi aafoon gaxxibe” iꞌi qollehe. Ebina Doono Yeeri bi aafee bushoochi aafoon gaxxiye. Biyoo qaaqqee haresheenaꞌonaa gaarinaꞌona guudi toommooch ceenniꞌi, Elisayi guudoona beetinaꞌon beeggiye.

Iyoobi 34:29

Asho tuneba aagetoo, Yeeri cikkii qayigaata, biin ittibatemmo konine? Bi qelloon bi aachigaata, biin beeggemmo konine?

Shoddo 33:11

Doono Yeerichi yamo bulli yemeenooch manjemmone; bi mullee gaboo shiijjeroochee shiijjerooch beddaahaane.

Shoddo 36:6

Ne cadiqittino ooge guudinaꞌoommone; ne dayinnetoo aachi dechi duchoommone; Doono Yeero, ashoonaa gijjoonon wodiihine.

Shaahiyoo 21:30

Asho bi shalligoona, bi gaboona, bi ariyoonoo, Doono Yeeri toommooch timon hakkaache.

Isiyaasi 43:13

“Wonna beddaahaa, ta Nuggishoo taane; koniyoona ta kishoochee wodiyoon hakkaache; shuunemmo taane; bajjemmo konine?” iye.

Isiyaasi 66:15

“Ebiyoche, Doono Yeeri qaaqqoona woyemmone; bi gaarinaꞌoo yubee yongoomminaꞌone; bi ippoon kupphe bi kaaroona, bi noggoonoo aaxxeebeeti qaaqqoona bekkiyemmone.

Erimiyaasi 4:13

Ebiyoche etto quboochoommon woyemmone; bi gaarinaꞌoo yubee yongoomminaꞌone; bi haresheenaꞌo booyoyee beshe afaafinechinaꞌone. Nooch woowo, aalleto noone!

Daaneeli 4:15

Tunebaani bi xugoon showooch qayote; bi guudoon xuuroonaa gooshoonoochee shuuneeti cuyoona cuyaa mocee daggooch, gaddooch beebe. Ebi uro shimaayoochee kindiibeeti doshoona (caagibanoona) shuxe; gijjoona tookki tuneree mocoon mame.

Daaneeli 4:35

Showooch beeti asheenaꞌo bulli bi aafoochaa am bedaaneenaꞌone; shimaayooch beeti maraakeenaꞌo toommooch, showooch beeti asheenaꞌo toommoochoo bi shunnimmon tuniihe. Biin bajjemmo, woyee “Ebi ne tuniibeeto, amoone?” gettemmo aalloone.

Daaneeli 8:22

Are qaro tiisheechaa kechiti awudde qareenaꞌo bekkiibeeto, are taatittinoochee kechemmi awudde taatittineenaꞌoniye. Eboshiyoo aafi taatittinee giidoona tateyaachemminaꞌone.

Zakaariyaasi 5:1

Wochinnoon kaama ciinnaꞌa, qoddeti macaafo yongee toommooch yoobbii beeton ciinneho.

Zakaariyaasi 6:5

Maraakoo taach “Eboshi neexee boonoshi maddeebeeti, showoo bullichi Doono Yeeri aafoochee kechii waabeeti, shimaajji awudde yongeenaꞌone.

Mishiraachechinaꞌo 4:28

Boonoshi kiceeti naboo, ne shiichaꞌa ne giidoonaa ne shalligoona bi tunemmoyich ne maacceto ceennemmoyichiye.

Efesooni 1:11

Wotta Yeeri bi daaggoona shiichiꞌi bullin tuniiya gabiꞌi bi maaccitoommon, bi gaboommona, biicho no tunemmoyich Kiristoosina noon kaacciye.

Efesooni 3:11

bulli yemeenoyee aaf Yeeri biich beeti ebi gaboon Kiristoos Yesuusi no Doonona ceechitone.

1 Saameeli 2:8

Biyoo girechon buttoochee tiijjiye; gittoonoo tulloochee tiijjiye. Iraasheenaꞌona tookkii boonoshin kotiihe; oogee qeenonoo boonoshich woraashiihe. Showee tuugeenaꞌo Doono Yeerichinaꞌone; boonoshi toommooch showoon kotiihe.