Zakaariyaasi 5:3 - Kafa Linguistics Project

³ Aroochee bi taach ishichiye: “Ebi arooch showee toommo bulliich woyemmi ufo kooreetone; ebi macaafooch ikke baddaa kooreetoommon gaajjiibeeto bulli aallemmone; wotta bare baddaa kooreetoommon, kootoon wogeebeeto bulli aallemmone.

Zakaariyaasi 5:3 ပူးပေါင်းရင်းမြစ်များ

Keyo 20:15

“Gaajjaahine.

Shaahiyoo 29:24

Gaayoona tookkii guuphiibeeto, bi kashoon shixxitone; maxxaaroon waayaabee cikkii qajjiye.

Shaahiyoo 3:33

Doono Yeerichi ufo gonde ashi kexoochiye; tunebaani cadiqoochi kexon diiriye.

Shaahiyoo 30:9

Ebiyoo miyi neen ta nookkeyaachemmoyich, “Doono Yeeri konine?” ta getaachemmoyich, woyee gire ta gaayaachemmoyich, ta Nuggishoo ne shigoon ta naakkiyaachemmoyichiye.

Isiyaasi 24:6

Ebich ufo showoon aalliyemmone; arooch kotetinaꞌo boonoshi xuꞌee naboona xuuxemminaꞌone; ebich arooch beetinaꞌo miccemminaꞌone; echemminaꞌo giisheche asheenaꞌone.

Isiyaasi 43:28

Ebich yaafee kechi ukkireenaꞌon cooniihoye; Yaaqobi aallemmoyich, Israꞌeeliyoo naakkeyemmoyich tuniihoye” iye.

Isiyaasi 48:1

“Yaaqobichi yareenaꞌote, Israꞌeelichi shigoona ceekketinaꞌote, Yihudi yaroochee shiijjetinaꞌote, Doono Yeerichi shigoona wogee beetinaꞌote, iberoona woyee cadiqoona tuneyaanoon Israꞌeelee Nuggishoon ceeggii beetinaꞌote, waayebote.

Erimiyaasi 23:10

Showooch shunimaayeenaꞌo ceennitinaꞌone; ufi naboona showoo baggitone; baraheexi moceenaꞌo shuuqqitinaꞌone; keemechinaꞌo gonde mooyon dabbiyeete; boonoshi hakkoonoo tateyaani boochoona gaachetinaꞌone.

Erimiyaasi 26:6

Shiloohi toommooch ta tuniitoommon, hini yaafee kechi toommooch tuniyemmo taane; hini katemoonoo showee toommeexi aagetoo bulliich ufon tuniyemmo taane’ itone gete” iye.

Erimiyaasi 5:2

‘Beeyechi Doono Yeeri beege’ ii boonoshi wogeebeeto kootooniye” iye.

Erimiyaasi 7:9

Gaajjiyote; wuxiyote; shaddiyote; kootoon wogehote; Baꞌaaloyich ixaanoon shookkiyote; ittoshi ariyaani bare nuggisheenaꞌon dabbiyote;

Hiziqeeli 2:9

Tawoo qoddeti macaafoon yechiti kishoo ta waan yaggeeton beeggeho.

Daaneeli 9:11

Israꞌeelee asho bulli ne sheeroon shaaddetone; ne gettetonoo waayeyaache iꞌi gubb wottetone. “Ne toommooch axaaxoon no shuunetoyich, ne guuno Muusichi Sheerooch kooreeti ufon no toommooch kindiihine.

Hosee'i 4:2

Ufo, kooto, wuxoo, gaayonaa yahoona woddee hammiye. Damee ukkoo beshii beshii qeyiye.

Leweenaꞌo 19:11

“ ‘Gaajjaahote. “ ‘Dawushiyaahote. “ ‘Ittoshi daggoochee ikkoo baroyich koottaaye.

Leweenaꞌo 19:12

“ ‘Ta shigoon ceegiree kootoon wogeyaahote. Ebin tuniyoona ta shigoon naakkiyaahote. Ta, Doono Yeeri taane.

Amootsi 3:10

Doono Yeeri ishichiye: “Ebi asheenaꞌo ashoon xuqqii, boggiꞌi boonoshi deebiti qiicoona boonoshi taatee kexinaꞌooch ceechitinaꞌone; deꞌe mooyon tuniyoon ciroona ariyaaneenaꞌone.

Zakaariyaasi 5:4

Beshe Mawe Doono Yeeri ishichiye: ‘Ufon deejjemmo taane; ebi ufoo gaayo kexonaa ta shigoona kootoon wogeebeeto kexonooch giyemmone; aroochoo beeyemmone. Bi mixonaa xaqqoonon echiyaanoon kexon aalliyemmone’ itone” iye.

Zakaariyaasi 8:17

Ittoshi mulloona ikkoo baroyich gondoon gabaaye; kootoon wogeyaahote. Eboshi bullin tiyaaraabeeto taane” iye Doono Yeeri.

Milikiyaasi 3:5

“Ittoshi toommooch nalliya, ittoshi waan woyemmo taane; iicechinaꞌochi, shunimaayeenaꞌochi, kootoon wogee beetinaꞌochi, shuunechinaꞌochi shumaayoon bajjii beetinaꞌochi, xuumeenaꞌonaa nihaalleenaꞌonon xuqqii beetinaꞌochi, shiqqoon shiqqii beetinaꞌonaa taan shataaneenaꞌonochi toommooch nallemmo taane” iye Beshe Mawe Doono Yeeri.

Milikiyaasi 4:6

Ta waaree showoon ufona ta aalliyaachemmoyich Eliyaasi, niheenaꞌo mulloon bushiisheenaꞌo waan, bushiisheenaꞌo mulloon niheenaꞌo waan wochemmone” iye.

Maatiyoosi 25:41

“Arooba yooche badd beetinaꞌoyich ishichemmone: ‘Hini uppeetinaꞌote, daabiloosinaa bi maraakeenaꞌonoyich qanniti bulli yemeenoon tahaani shiweree qaaqqooch ta waanee hambote!

Luqaasi 21:35

Are aabo showooch beetinaꞌo bulli toommooch diqqoona shaggemmone.

Efesooni 4:28

Gaajjiibee echeto ebiyee bekk gaajjaaye; ebi aree qoodoon iriteetoyich qoodi bi immemmo biich beeyemmoyich, bi hajjee kishoona gaaweton aayi shuunebe.

1 Ximootiyoosi 1:9

Yeeri hini sheeroon bi immito, sheeroon shaaddee beetinaꞌonaa hukkechinaꞌonoyich, Yeerin dabboochee wokkii beetinaꞌonaa axaaxechinaꞌonoyich, Yeerin oogiyaaneenaꞌonaa yaafe mooyon eeꞌii beetinaꞌonoyich, boonoshi indeenaa nihoonon wuxii beetinaꞌonaa ashi kashoon kichii beetinaꞌonoyich, shunimaayeenaꞌoyich, anaamona tookkii shuno maabeeti anaaminaꞌoyich, ashoon giidoona yechii kemmechinaꞌoyich, kooteenaꞌoyich, kootoon wogee beetinaꞌoyich, gaawe kittinnittinee doyoon shixxii beetinaꞌo bullichalli, cadiqeenaꞌoyich toonoone.

Yaaqobi 5:12

Ta maneenaꞌote! Bulliyee beshoon ebin gabibote: Shimaayoona tuneba showoona, amee mooyonolla wogeyaahote. Yeeri ittoshi toommooch bi nallaachemmoyich, ittoshi yibbaatoo eeha geto bi tunegaata, eeha baach getote. Toonoone geto bi tunegaata, toonoone baach getote.

Yaaqobi 5:4

Ittoshi maayoon qecciti shuunechinaꞌochi shumaayoon bajjii boggito ittoshine. Ittoshi toommooch boonoshi cookii beeton eke elebote. Ebi ittoshi maayoon qeccii beetinaꞌochi qaaroon Beshe Mawe Doono Yeeri waayetone.

Yaasi 9:20

And ebiniye boonoshich no tuniyemmo: No wogeti wogoon happoo naxoon no toommooch deebemmo bi tunetoyich, kashoona boonoshi beeyemmoyich qayone.

Yaaꞌoo 21:8

Tunebaani shateenaꞌo, Kiristoosi toommooch mulloon tooꞌiyaaneenaꞌo, gonde mooyon shuunoona eeꞌetinaꞌo, ashoon wuxitinaꞌo, shunimaayeenaꞌo, iicechinaꞌo (qaaxechinaꞌo), shahalloyich goyinnee beetinaꞌo, kooteenaꞌo bulliyoo duppeyemmi xaaꞌoo qaaqqoonaa waageroona micciibeeti baharoochiye; ebiyoo guttinnee qitoone” iye.

Yaaꞌoo 22:15

Kunaaneenaꞌo, kaayechinaꞌo, shunimaayeenaꞌo, ashoon wuxii beetinaꞌo, shahalloyich goyinnee beetinaꞌo, kootee kooton shunnii beetinaꞌonaa kootee kooton doyitinaꞌo bullinoyich hini are katemeech gimo ciroona daaggeyaache.