Zakaariyaasi 4:7 - Kafa Linguistics Project

⁷ “Ooge geppoocho, ne amo neene? Zerubabeeli aafooch naqqe gaddoon tunemmo neene. Asheenaꞌo, ‘Am shaahoon gaawehe! Am shaahoon gaawehe!’ geti boonoshi cooki beetaa, aroo taci xaqqoon kichi kotiyemmone” iye.

Zakaariyaasi 4:7 ပူးပေါင်းရင်းမြစ်များ

Iziri 3:10

Gimbeyneenaꞌo Doono Yeerichi yaafee kechi dechi xaqqoon batt boonoshi heccaahaa, qeesheenaꞌo yaafee kechi maddee tahoon tahee, tiroon (waaringoon) yechiꞌi, wotta Asaafi shiijjeroo tuneti Leweenaꞌo qaaxilloon yechiꞌi, Israꞌeelee taatoo Daawitichi getoommon, Doono Yeerin galletoyich neexeheete.

Shoddo 114:4

Guudinaꞌo bagee baaddoochoommon, geppeenaꞌoo bagee bushiishoochoommon, capphiyeete.

Shoddo 114:6

Guudinaꞌote, bagee baaddoochoommon ittoshi capphito amoyichiye? Geppeenaꞌote, bagee bushiishoochoommon ittoshi capphito amoyichiye?

Shoddo 118:22

Gimbeyneenaꞌo hoxee duppiti xaqqo, aroo kexon deggii neechiibeeti giimbee guummon tunehe.

Shoddo 84:11

No Nuggishoo Doono Yeeri nooch aaboommonaa gaachoommonane; biyoo gaawe aafoona noon ciinnemmone; oogoonoo nooch immemmone. Doono Yeeri, kaamoona hammii beetinaꞌoyich, deꞌe mooyon ciroona muccii ariyaanoone.

Isiyaasi 28:16

Ebich Nuggishoo Doono Yeeri ishichiye: “Ebiyoche, kexon deggii neechiibeeti giimbee guummoommi xaqqoon, manjoo bi tuno bekketi, aaxxoo tuneti xaqqoon hecoyich Tsiyoon kotiyemmo taane; bi toommooch mulloon tooꞌiimmo yeelleyaachemmone.

Isiyaasi 41:15

Ebiyoche, ta neen andire, aci gashechi, maayi buchi qiicoommon tuniyemmo taane; guudinaꞌon bushi yiikkemmo neene; geppeenaꞌon maayi maaxxoommon tuniyemmo neene.

Erimiyaasi 33:11

wucwuci qaaroonaa emiree qaaroona, woꞌee kenoochi qaaroonaa woꞌeechi qaaroona ebiyoommon wotta, ‘Doono Yeeri deꞌo bi tunetoyich, bi ariqqoo bulli aabeecho bi tunetoyich, Beshe Mawe Doono Yeerin galletebote’ ii beeti galletee deejjoon yeshiree Doono Yeerichi yaafee kexooch woyemmi asheenaꞌochi qaaro waayeyemmone; ebiyoo showeechi kecoon wonnee bi goorooch wochemmo ta tunetoyichiye” iye Doono Yeeri.

Erimiyaasi 51:25

“Showoo bullin aalliibeeti guudoocho! Ta ne toommooch tiyeto taane” iye Doono Yeeri. “Ne toommooch ta mochoon tiijjemmo taane; xaqqee guudinaꞌo toommoochee neen gederikkemmo taane; micciti guudon neen tuniyemmo taane.

Mikiyaasi 1:4

Gippoo qaaqqoona wocoommon, guudinaꞌo bi baataa woccemminaꞌone; aaco geppoochee dugilla wocoommon, dugilla wociree bambooch giyemminaꞌone.

Mikiyaasi 4:1

Ciiree yemeenooba, Doono Yeerichi yaafee kexo beeti guudo, guudinaꞌo bulliyee beshiree bekkemmone; geppeenaꞌo toommooch qaalli bekkemmone; aageteenaꞌoo arooch orihe woyemminaꞌone.

Imbaaqoomi 3:6

Bi neexemmona, showoo shuuriye; bi ciinnimmona aagetee asheenaꞌo qeweheete. Wonna tiijjiꞌi bi gommo tuneti, bulli aaboon beeti guudinaꞌo yiikkeeheete; geppeenaꞌo dugilla koonniyeete.

Zakaariyaasi 4:8

Wotta Doono Yeeri taach gettiti qaaro ebine:

Zakaariyaasi 4:9

“Hini kechi hecoon heccito Zerubabeeline; biyoo hini kexon hagi qanniyemmone. Aroochee boonoshi waan neen wochee daachiito Beshe Mawe Doono Yeeri ta tunoon ta asheenaꞌo ariyemminaꞌone.

Maatiyoosi 21:21

Yesuusiyoo wochiꞌi, “Iberoon ittoshich gettoye: Mulloon Yeeri toommooch ittoshi tooꞌiigaata, wotta mulloonoo guttiyoo ittoshi qayigaata, balaasee mixin ta tuniito ikkeeto tuneyaanoon, hini geppoonolla ‘Hiniichee waaxeree baharooch awureebe’ ittoshi getigaata, tunemmone.

Maatiyoosi 21:42

Yesuusi boonoshich ishichiye: “ ‘Gimbenyeenaꞌo hoxee duppiti xaqqo, aroo kexon deggii neechiti giimbee guummon tunetone. Ebinoo Doono Yeeri tuniitone; hini mooyo no beeggich worganikkito tunetone’ ii beeton Yaafe Macaafoochee cir shemmeyaachote?

Maariqoosi 12:10

“Illa ‘Gimbenyeenaꞌo hoxee duppiti xaqqo, aroo kexon deggii neechiibeeti giimbee guummon tunetone. Ebinoo Doono Yeeri tuniitone; hini mooyo no beeggich worganikkito tunetone’ ii beeton Yaafe Macaafoochee shemmeyaachote?” iye.

Luqaasi 20:17

Tunebaani Yesuusi boonoshi waan ciinniꞌi, “Ishigaata, Yaafe Macaafooch ‘Gimbenyeenaꞌo hoxee duppiti xaqqo, aroo kexon deggii neechiibeeti giimbee guummon tunetone’ getaa kooreeto ama getone?

Mishiraachechinaꞌo 4:11

‘Gimbenyoo ittoshi hoxee duppito, kexon deggii neechiti, giimbee guummon tuneti xaqqoone.’

Roomi 11:6

Kaacceyoo Yeerichi wojjoona bi tunegaata ashi shuunoona toonoone getone. Ashi shuunoona bi tunemmo gaata, wojjoo ibere wojjoo bi tuno echetone getone.

Efesooni 2:20

Mishiraachechinaꞌonaa keemechinaꞌona baashiti baashee toommooch hakketo ittoshine; kexon tuuggii neechiibeeti giimbee guummoo Kiristoos Yesuusine.

1 Pheexiroosi 2:7

Illa ittoshi mulloon bi toommooch tooꞌiiti ittoshich ebi xaqqo aaxxoone; tunebaani bi toommooch mulloon tooꞌiyaaneenaꞌoyich, “Gimbenyeenaꞌo hoxee duppiti xaqqo, aroo kexon deggii neechiibeeti giimbee guummon tunehe,”

Yaaꞌoo 16:20

Buure showeenaꞌo aalleheete; guudinaꞌoo wotta aalleheete.