Zakaariyaasi 4:2 - Kafa Linguistics Project

² Aroocheenoo taan “Amooniye ne ciinnaabeeto?” iye. Tawoo “Bi hullimallo aachoo tuneti maqirajjooniye ta ciinnaabeeto; zayitee qullo bi toommooch beetone; shabaatte ceecheenaꞌoo biich beetinaꞌone; ceecheenaꞌo boonoshi ikkikkoyich woshiqoo giyemmi shabaatte aaheenaꞌo beetinaꞌone.

Zakaariyaasi 4:2 ပူးပေါင်းရင်းမြစ်များ

1 Kiinoo 28:15

Qeelloon bi immito, maqirajjo bi ikkikkoonaa bi ceechee koteenaꞌonoyich tunemmi aachoyich, maqirajjo bi ikkikkoonaa bi ceechee koteenaꞌonoyich tunemmi birewoyich,

2 Kiinoo 13:11

Maaddi maaddoonaa womikki womikkoona Doono Yeerich, micciibeeti deejjoonaa cinnechi ixaanoonon giddii beetinaꞌone. Yaaree koshonoo xalle madellooch kotii beetinaꞌone. Xum xumoon boonoshi aaxxemmoyich aachee ceechee kotoon qannii beetinaꞌone. No, no Nuggishoo Doono Yeerichi getoon quyaabeeto noone; tunebaani ittoshi qajjito ittoshine.

2 Kiinoo 4:7

Shiichiꞌi getteetoommon, aachoochee aashire ceechee kotoon shuuniiꞌi, uuchoon deshi-waan, uuchoon dambi-waan, yaafee kechi maacooch kotiihe.

Dojjecho 12:6

Birewee sansalato kuxeyaan beetaa, aachee saano tiisheyaan beetaa, aachi kite qiico aachi xuuphee gaꞌoochaa tiisheyaan beetaa, gengeenaꞌo aachi oppoochaa tiisheyaan beetaa,

Erimiyaasi 24:3

Doono Yeeriyoo “Erimiyaaso, amooniye ne ciinnaabeeto?” iye. Tawoo “Ta ciinnaabeeto gaawe phixxaashe balaasoonaa gondee goriqqiti, mamoyichoo hakkeyaani balaasoononiye” iyo.

Erimiyaasi 52:19

Quppe saaneenaꞌon, qaaqqee buno yecheebeeti qiiceenaꞌon, gafeteenaꞌonaa qondeenaꞌonon, maqirajjeenaꞌonaa shaateenaꞌonon, uyee deejjoo ukkeebeeti koddeenaꞌon, aachoonaa birewoonoochee shuuneeti qiico bullin taatoo quyee naayinaꞌochi iraashoo daammiye.

Amootsi 7:8

Doono Yeeriyoo taach ishichiye: “Amootso! Ebi ne ciinnaabeeti mooyo amoone?” iye. Tawoo “Tumbine” iyo. Yeeriyoo ishichiye: “Ta asheenaꞌo tuneti Israꞌeeleenaꞌo gaꞌiitaa shuuneeti xaqqee uxeroomminaꞌo boonoshi tunoon bekkiyoyich, tumbin yaggaabeeto taane. Ebiyee gubb boonoshin maaraachemmo taane.

Zakaariyaasi 5:2

Maraakoo “Amooniye ne ciinnaabeeto?” iꞌi taan echehe. Tawoo biich, “Ta ciinnaabeeto bi neexo hiye hiroo, bi maacoo aashire hiroo tuneti, yongee toommooch yoobbiibeeti qoddeti macaafooniye” iyaꞌa wochiyo.

Yaaꞌoo 1:12

Taach gettiibeeti qaaro konicho gaata beegga, gubb wottaa ciinno; gubb ciinnaꞌa, aachoochee shuuneeti shabaatte maqirajjoon beeggeho.

Yaaꞌoo 1:20

Ta qanne kishooch ne beeggeti shabaatte xojjenoonaa aachoochee shuuneeti shabaatte maqirajjoonochi maacee mooyo ebine: Shabaatte xojjeneenaꞌo geto, shabaatte kittinnee guuphinaꞌochi maraakeenaꞌone; shabaatte maqirajjeenaꞌo geto wotta, shabaatte kittinnee guuphinaꞌo getone.

Yaaꞌoo 4:5

Are taatee qeenoocheenoo xeeyee phaqqoo, ooge qaaroonaa xeeyee qaaroona kechii beehe; taatee qeechi aafoochoo shabaatte ceechee conjoo aaxxee beehe; boonoshiyoo Yeerich maddeebeeti shabaatte ayaaneenaꞌone.