Zakaariyaasi 3:9 - Kafa Linguistics Project

⁹ Yaasi aafooch ta kotiiti xaqqo ebiyoche, ebi ikke xaqqooch shabaatte aafo beetone. Are xaqqoochoo qiici kooremmo taane. Hini showee xuꞌoon ikke qemona aalliyemmo taane’ iye Beshe Mawe Doono Yeeri” iye.

Zakaariyaasi 3:9 ပူးပေါင်းရင်းမြစ်များ

1 Taateenaꞌo 1:20

Andoo taatoo ta doonocho, ne hillooch taatoo ta doono taatee qeenooch kotemmo konigaata boonoshich ne gettemmoyich, Israꞌeelee asho bulli aafo bi ciinniibeeto, neeniye.

2 Kiinoo 16:9

Doono Yeeri boonoshi ceeni mulloona biin gibenee beetinaꞌon kupphiyoyich, bi aafoo showee toommo bulliich ciinnii beetone. Tun bedaani mooyon ne tuniitoyich, ebiyee bekk koyo ne waanee kuxeyaachemmone” iye.

Shoddo 103:12

Aabi-keyo aabi-gimoochee wohoommon no axaaxoon no waanee wokkiihe.

Shoddo 118:22

Gimbeyneenaꞌo hoxee duppiti xaqqo, aroo kexon deggii neechiibeeti giimbee guummon tunehe.

Keyo 28:11

Qiicii shuunoon ariibeeti asho maatemoon bi qiicoommon, Israꞌeelee yoodeenaꞌochi shigoon ebi gutte xaqqee toommooch qiiciree kooribe. Aroochee ebi xaqqeenaꞌon aachee qebbooch gede.

Keyo 28:21

Ebi aaraa gutte xaqqo boonoshi ikkikkoo toommooch, ikke Israꞌeelee yoodee shigo tuniitaa, aaraa gutte Israꞌeelee yoodeenaꞌochi shigo maatemoochoommon qiiceeto tunebe.

Keyo 28:36

“Xalle aachoochee ikke shashoon shuunebe. Bi toommooch ‘Doono Yeerich Yaafeeto’ ii beeton maatemoochoommon qiici kooribe.

Isiyaasi 28:16

Ebich Nuggishoo Doono Yeeri ishichiye: “Ebiyoche, kexon deggii neechiibeeti giimbee guummoommi xaqqoon, manjoo bi tuno bekketi, aaxxoo tuneti xaqqoon hecoyich Tsiyoon kotiyemmo taane; bi toommooch mulloon tooꞌiimmo yeelleyaachemmone.

Erimiyaasi 31:34

Asho bi ikkikkoona bi giyoon, asho bi ikkikkoona bi manoon ‘Doono Yeerin ariibe’ geti dojjaachemmone; ebiyoo giishoochee oogooch beddaahaa, bulliyona taan ariyemmo bi tunetoyichiye. Boonoshi xuꞌoon maaremmo taane; boonoshi axaaxoonoo gabaachemmo taane” iye Doono Yeeri.

Erimiyaasi 50:20

Ebi ta echiiti cureenaꞌon maaremmo ta tunetoyich, aroobee aaboonaa aroobee yemeenoonooch Israꞌeeleenaꞌochi xuꞌo qaaweyemmone, tunebaani daneyaachemmone; Yihudee asheenaꞌochi axaaxoo qaaweyemmone, tunebaani daneyaachemmone” iye Doono Yeeri.

Zakaariyaasi 13:1

“Ebiyooba Daawitichi kechi asheenaꞌonaa Yerusaalemi asheenaꞌonon axaaxoonaa eeꞌoonoochee xalliyemmi aachi xuupho qecheyemmone” iye.

Zakaariyaasi 3:4

Maraakoo bi aafooch neexee beetinaꞌon “Ebi uro taheti wooreti tahoon shootote” iye. Yaasinoo “Ne axaaxoon ne waanee wokkiito taane; gaawe tahoonoo neech tajjemmo taane” iye.

Zakaariyaasi 4:10

“Giisheche mooyo tuneebeeti aaboon hoxeebeeto konine? Asheenaꞌo tumbin Zerubabeelichi kishooch boonoshi beegiyooba emiremminaꞌone. “Ebi shabaatte ceecheenaꞌo showoo bulliich guuddiibeeti Doono Yeerichi aafeenaꞌone” iye.

Yowannisi 1:29

Bi dechara Yowannisi bi waan Yesuusichi womon beeggiꞌi ishichiye: “Ebiyoche, alemee axaaxoon hidi wokkiyemmi Yeerichi Bago!

Yowannisi 6:27

Bulli yemeenee kashoon immemmi maayoyich shuunebotalli, aallemmi maayoyich shuuneyaahote. Hini besheyaani koshon ittoshich immemmo Ashi Bushoone. Ebiyoo Nihoo Yeeri taanna bi emiroon bi miixetoyichiye” iye.

Mishiraachechinaꞌo 4:11

‘Gimbenyoo ittoshi hoxee duppito, kexon deggii neechiti, giimbee guummon tuneti xaqqoone.’

2 Qorontoosi 1:22

Wotta biicho no tunee xiishee malletoon no toommooch geddito, gubb nooch bi immemmi wojjoonoo bekkiibeeti Yaafe Ayaanoon yechiyoo tuniiꞌi no mullooch kotiitoo, biine.

2 Qorontoosi 3:3

No maddee naboona daneti Kiristoosichi koorichoo ittoshi tuno xalla arichetone; hini koorichoo bi kooreeto beeyechi Yeerichi Ayaanoonalli, qalemoona toonoone; ashi mullee toommoochalli, xareeti xaqqee toommooch toonoone.

2 Ximootiyoosi 2:19

Tunebaani koniyoona shuurikkoo hakkaani kechi giimboon Yeeri neechitone; are giimboo “Yeeri biichinaꞌon arii beetone”, wotta “ ‘Ta, Doono Yeericho taane’ ii beeto bulli gondoochee wohe” ii beeti maatemechone.

Hibireena'o 7:27

Bare qeeshee guudeenaꞌochoommon shiichiꞌi bi qelli axaaxoyich, gubb wotta asheenaꞌochi axaaxoyich qemi qemona deejjoon Yeerich giddiyoo biich qaawiyaanoone. Asheenaꞌochi axaaxoyich bi qelloon deejjoo tuniiꞌi Yeerich bi giddiihooba, ebi deejjoon ikke wottoon ceechiꞌi tuniitone.

1 Yowannisi 2:2

Biyoo Yeeri no axaaxoon nooch bi maariibeeti deejjoone; no axaaxoon baach tuneyaanoon ashoo bullichi axaaxoon bi maariibeeti deejjoone.

Yaaꞌoo 5:6

Taatee qeeno dagg beetaa, bi guudoona kashechi awudde halleenaꞌo beetaa, boonoshi guudoona geeneenaꞌo beeti gutte daggooch guureetoommi Bago neexeꞌi beeton beeggeho; shabaatte qaroonaa shabaatte aafoona biich beetone; ebi shabaatte aafo showoo bulliich wocheeti, Yeerich maddeebeeti shabaatte ayaaneenaꞌone.