Zakaariyaasi 3:1 - Kafa Linguistics Project

¹ Bare yaaꞌoona qeeshee guudo Yaasi Yeerichi maraakoo aafooch neexeꞌi bi beetaa Doono Yeeri taach bekkiihe. Sheexaanoo Yaasin taggeya bi qanne badd neexeꞌi beehe.

Zakaariyaasi 3:1 ပူးပေါင်းရင်းမြစ်များ

Halloo 3:15

Neennaa ureena daggooch, ne yaroonaa bi yaroona daggoochoo kaaroon geddemmo taane; biyoo ne qelloon pharixxemmone; newoo bi shoqqoon baniyemmo neene” iye.

Halloo 48:16

gonde mooyo bulliichee taan wodiiti Maraakoo, aroo hini bushiishoon diiribe. Boonoshiyoo ta shigoona, ta nihinihoo Abrahaminaa ta nihoo Yisaaqinochi shigoona ceekkebeete; showee toommooch shiijje shiijjere meeteete” iye.

1 Kiinoo 21:1

Sheexaanoo Israꞌeeleenaꞌo toommooch tiyiꞌi, Daawiti Israꞌeeleenaꞌon haddiyemmoyich tuniihe.

2 Kiinoo 29:11

Ta bushiisheenaꞌote, bi aafooch neexeree ittoshi maddemmoyich, bi maddecho ittoshi tunemmonaa ixaanoon ittoshi shookkemmonoyich, Doono Yeeri ittoshin bi kaaccitoyich beeneyaahote” iye.

Iziri 10:18

Qeesheenaꞌo yaroochee dallaawe maacheenaꞌon shaaggitinaꞌo daneheete; eboshiyoo: Yotsedeeqi bushoo Yaasinaa bi maneenaꞌonochi yaroochee: Maseyaahi, Elezeeri, Yariibinaa Gedaliyinane.

Iziri 2:2

Boonoshi wottetoo, Zerubabeelina, Yaasina, Nehimina, Seraayina, Relaayina, Mordokiyoosina, Bilishanina, Misifaarina, Bigiwayina, Rehuuminaa Banaahina tookkiiniye. Kecoochee wotteti Israꞌeelee doonjeenaꞌo haddoo ebine:

Iziri 5:2

Ebich Shelateeli bushoo Zerubabeelinaa Yotsedeeqi bushoo Yaasina Yerusaalem beeti Yeerichi kexon shuunoyich tiyiyeete. Boonoshin gaachemmi Yeerichi keemechinaꞌo boonoshina tookkii beetinaꞌone.

Shoddo 106:23

Boonoshin aalliyoochee bi kaaro wottemmoyich, bi kaacciti Muusi bi aafooch bi neexeyaan gaata, boonoshin aalliyesho bi tunoon gettiye.

Shoddo 109:6

Biin taggemmon bi toommooch tiijjibe; taggechoo bi qannooch neexebe.

Erimiyaasi 15:19

Ebich Doono Yeeri ishichiye: “Ne wottegaata, neen wochemmo taane; ta aafoochoo neexemmo neene; qocechi yibbaatoon qocaalloyee bariyaꞌa ne yibbaategaata, ta noonoommon tunemmo neene. Boonoshi ne waan wottebeetani, ne boonoshi waan wotteyaahine.

Hiziqeeli 44:11

Tunetaa boonoshi ta yaafee kechi kelloon quyoona, micciibeeti deejjoonaa asheenaꞌo giddiibeeti deejjoonoyich giddeebeeti gijjeenaꞌon guuroon, wottoo asheenaꞌoyich maddoona yaafee kechi maddechinaꞌon tunemminaꞌone.

Hiziqeeli 44:15

Nuggishoo Doono Yeeri ishichiye: “Tunebaani Israꞌeelee macceenaꞌo ta waanee boonoshi wokkiyooba, ta yaafee kechi qociyoon quyeti Sadooqichi yareenaꞌo tuneti Lewee qeesheenaꞌo taach maddoyich ta waan katinnemminaꞌone; awuyonaa damoonochi deejjoon taach giddiyoyich ta aafooch neexemminaꞌone.

Haagi 1:1

Taatoo Daariyoosi taateti guttinnee natooba, shirittinnee agenee ikkinnee qemooba, Doono Yeeri keemechi Haagina, Yihudee iraashoo, Shelateeli bushoo Zerubabeelinaa Yehotsedeeqichi bushoo, qeeshee guudo Yaasinoyich bi gettiti qaaro:

Haagi 1:12

Aroochee Shelateeli bushoo Zerubabeelinaa Yehotsedeeqichi bushoo, qeeshee guudo Yaasina echeti curo bullina tookkii boonoshi Nuggishoo Doono Yeerichi qaaroon, wotta boonoshi Nuggishoo Doono Yeeri biin bi wochetoyich, keemechi Haagichi qaaroonoo waayeheete. Asheenaꞌoo Doono Yeerin shattiyeete.

Haagi 2:4

Illa and Zerubabeelo, kupphebe. Yehotsedeeqichi bushoo, qeeshee guudo Yaaso, kupphebe. Hini showeexi asheenaꞌote, kuppheree shuunebote. Beshe Mawe Doono Yeeri ta, ittoshina tookkaa taane.

Zakaariyaasi 1:13

Doono Yeeriyoo taanna tookkii yibbaateebeeti maraakoyich emirikkiibeeti, goggiyee qaaroona wochiye.

Zakaariyaasi 1:19

Taanna tookkii yibbaateebeeti maraakoyich “Ebi qaro amoone?” iyo. Biyoo “Yihudee showoon, Israꞌeelee showoonaa Yerusaaleminon shacciti qaroone” iꞌi taach wochiye.

Zakaariyaasi 1:9

“Tawoo ‘Ta doonocho, eboshi ameenaꞌone?’ iyo. “Taanna tookkii yibbaateebeeti maraakoo ‘Eboshi ameenaꞌo gaata neech bekkiyemmo taane’ iye.

Zakaariyaasi 2:3

Taanna tookkii yibbaateebeeti maraakoo aaf qaxirimmona, bare maraakoo biinna daneya waahe.

Zakaariyaasi 3:8

“ ‘Qeeshee guudo Yaaso, ebin waayebe; ebi neenna tookkii maddeebeeti, gubb woyemmi deꞌe mooyoyich malletoo tuneti asheenaꞌoo ebin waayebeete: Ebiyoche, Ato getteeti ta guunon deejjemmo taane.

Zakaariyaasi 4:14

Biyoo taach “Eboshi showoo bullichi Doonoyich maddeya huutteeti gutte asheenaꞌone” iye.

Zakaariyaasi 6:11

Boonoshi waanee aachoonaa birewoonon deꞌiree gubbichoon shuunebe. Ebi aroon Yehotsedeeqichi bushoo, qeeshee guudo Yaasichi shimbooch ukiibe.

Milikiyaasi 3:1

“Ebiyoche, gommon ta aafooch qanniyemmi ta wocheyechon daachiyemmo taane. Ittoshi qaawiibeeti Doono diqqoona yaafee kexooch woyemmone. Ittoshi qaatiibeeti wocheyecho waaree ittoshina tookkaa ta giyeti wogoon ittoshich awaajjemmone” iye Beshe Mawe Doono Yeeri.

Luqaasi 21:36

Illa hini shagg bedditi mooyoochee ittoshi muriccemmonaa Ashi Bushoo aafooch ittoshin neechemmi hakkoon ittoshi danemmonoyich corootibee, bulli aaboon qanniree quyebote” iye.

Luqaasi 22:31

Ebichi hillooch Doono Yesuusi “Simoono, Simoono, Sheexaanoo teepphoon woqqoommon ittoshin woqqiya Yeerin qolletone.

Yibbaatoo 10:8

Muusi daakkiꞌi ishichiye: “Arooba Doono Yeeri bi wogee taabootoon boonoshi shaaggemmoyich, bi aafooch neexeree boonoshi maddemmonaa bi shigoona boonoshi diiremmonoyich, Lewi yoodoon bariihe. Ebinoo hanaach beddaahaa tunii beetinaꞌone.

Yibbaatoo 18:15

Ne Nuggishoo Doono Yeeri ne maneenaꞌo daggoochee taanoommi keemechon neech tiijjemmone. Bi gettimmon waayebe.

1 Pheexiroosi 5:8

Ittoshi qelloon quyoona beebote; qaallibote. Ittoshi shixecho tuneti daabiloosi bi qooxxemmon qaawiꞌi, ciddiibeeti daaheroochoommon guuddii beetone.

1 Saameeli 6:20

Ebina Beet Shemeeshi asheenaꞌo “Ebi Yaafe Nuggishoo Doono Yeeri aafooch neexoon hakkemmo, konine? No waanee bi wokkemmoyich, taabootoon koni waaniye no daachiyemmo?” iyeete.