Zakaariyaasi 2:9 - Kafa Linguistics Project

⁹ “ ‘Ta mochoon ittoshi toommooch tiijjemmo taane. Guuno tuniiꞌi ittoshi hajjitinaꞌo wochiree ittoshin boggemminaꞌone’ gete” iye. Ebi tunehooba, Beshe Mawe Doono Yeeri, taan wocheto tunoon ariyemmo ittoshine.

Zakaariyaasi 2:9 ပူးပေါင်းရင်းမြစ်များ

Isiyaasi 10:32

Hanaach, etto bi beeto Noobi katemoochiye; aroochaa Tsiyooni maache busheechi geppee toommooch, Yerusaalemi katemee toommooch miichoona bi kishoon shuurikkii beetone.

Isiyaasi 11:15

Doono Yeeri Gibitsee baharoon shuuꞌiyemmone; bi kishoon yaggi Efiraaxisi aachi toommooch gaame yongoon deebi gishiishi aacon tuniiree, shabaatte xaaꞌoona qoodemmone; ebich asheenaꞌo baatoona kimmemminaꞌone.

Isiyaasi 12:6

Ittoshi daggooch beeti, Israꞌeelee Yaafoo oogeto bi tunetoyich, Tsiyooni beetinaꞌote, ililibote” gettemmo ittoshine.

Isiyaasi 13:2

Shokkaachoo tuneti geppee toommoochaa malletoon tiijjibote; qaaroon oogichiree cookibote; ogoogeenaꞌochi kelloonoo boonoshi giyemmoyich, kishoona malletebote.

Isiyaasi 14:2

Meeti aageteenaꞌo Israꞌeeleenaꞌon boonoshi showooch deeni daammemminaꞌone; Israꞌeelee yareenaꞌo aageteenaꞌon Doono Yeerichi showoochaa guunonaa gonneenon tuniiree hajjemminaꞌone; boonoshin keccitinaꞌon keccemminaꞌone; neexxii hajjitinaꞌon hajjemminaꞌone.

Isiyaasi 19:16

Arooba Gibitseenaꞌo maacheen shaahemminaꞌone; Beshe Mawe Doono Yeeri boonoshi toommooch bi mochoon bi tiijjimmona shati qewemminaꞌone.

Isiyaasi 26:1

Arooba ebi shoddo Yihudee showoochaa ishichaa shoddeyemmone: “Mishigechi katemoo nooch beetone; Yeerichi wodiyoo, xaqqee uxeroonaa mishigoonon nooch tunetone.

Isiyaasi 33:1

Koniyoona neen aalliyaanoon aalliyaa beetocho, koniyoona neen dawushaanoon dawushaa beetocho, neech woowo! Aalliyoon ne neechiyooba aallemmo neene; dawushoon ne neechiyooba dawusheyemmo neene.

Isiyaasi 33:21

Ebi aroochaa, Doono Yeeri ogooge aacinaꞌonaa aachi xuupheenaꞌonoommon tuneree, bi oogee yiiroona noonna tookki beeyemmone; no etteenaꞌochi markabeenaꞌo aree toommona tegaachemminaꞌone.

Isiyaasi 33:23

No etteenaꞌochi markabee wodereenaꞌo muriccitinaꞌone; giimbeenaꞌoo manjaaneenaꞌone; toommooch beeti sharo yaggeyaanoone. Boonoshi gaanno bullin boggemmo noone; baata sheqqooch beddaahaa hohi daammemmone.

Isiyaasi 4:5

Aroochee Doono Yeeri Tsiyooni guudi toommonaa arooch kicee beetinaꞌo bulli toommonooch areddoon quboon, xumoonoo cufoonaa cobcobbiibeeti qaaqqee aaxxoonon deejjemmone. Yeerichi oogee yiiroo are katemee toommooch ooge duukkaanoochoommon yiiremmone.

Isiyaasi 48:16

“Ta waan katiniree ebin waayebote: Wonnee tiijjaꞌa aashoona yibbaateyaano taane; bi tuneti aaboochee tiijjaꞌa ta arooch beeto taane” iye. Andoo Nuggishoo Doono Yeerinaa bi Ayaanoona taan wochee deejjitone.

Isiyaasi 60:18

Ebiyee bekk ne showoochee xukko, ne showee danoochee happeyoonaa aalloona, waayeyaachemmone; ne uxereenaꞌon wodeenaꞌo, ne kelleenaꞌonoo galleteenaꞌo, geti ceeggemmi neene.

Isiyaasi 60:19

Ebiyee bekk areddoon neech bekkoon tunemmi aabe tooneene; xumoonoo neech ceechoon tunemmi agene tooneene; Doono Yeeri bulli yemeenee ceechoon neech tunemmone; ne Nuggishoo neech oogee yiiroon tunemmone.

Erimiyaasi 27:7

Bi showoo baroyich tunemmi aabo waammi wottoon aagetoo bulli biich, bi bushoonaa bi bushaa bushiisheenaꞌonoyich hajjeyemmone; aroyee gubb meeti aageteenaꞌonaa ogooge taateenaꞌona biin hajjemminaꞌone.

Erimiyaasi 28:9

Tunebaani diggeechon keemmiti keemecho, Doono Yeeri iberoo biin deejjito tuno bi arichemmo, bi keemmiti qaaro bi ceeniyoobaniye” iyo.

Erimiyaasi 8:19

“Doono Yeeri Tsiyoon aalloone? Woyee bi Taatoo bi waan aalloone?” ii beeti ta asheenaꞌochi qaaro, wohi showoochee waayeehe. Doono Yeeriyoo, “Shahalleenaꞌonaa dallaawe nuggisheenaꞌonoyich goyinnoona, amoyich taan ippiiheete?” iye.

Hiziqeeli 39:10

Ginee qiicoonalli boonoshi shookkemmo kubboochee michi mito woyee shaaroochee mixon kuxo boonoshich qaawiyaachemmone; wonna boonoshin boggitinaꞌonaa keccitinaꞌonon and bogi keccemminaꞌone; Nuggishoo Doono Yeeri ta ebin getteto taane.

Yoꞌeeli 2:27

Israꞌeelee asho ittoshi daggooch ta beemon, Doono Yeeri ta, ittoshi Nuggishoo ta tunoon, tayee bare nuggishoo aallo bi tunoon, ariyemmo ittoshine. Ta asheenaꞌo ciroona wochinnoon yeelleyaachemminaꞌone” iye.

Imbaaqoomi 2:17

Libanoosi mixon qeccee ittoshi aalliyoommon qeccetaa aallemmo ittoshine. Arooch beeti cooxinaꞌon wuxii ittoshi aalliitoyich keqqemmo ittoshine. Ebiyoo meeti ashi damoon ittoshi ukkitoyich, wotta maaco manjiꞌi showee toommonaa katemoonooch beeti asheenaꞌo toommooch ittoshi tuniiti mooyoyichiye.

Imbaaqoomi 2:8

Meeti aageteenaꞌo gijjoon ittoshi boggitoyich, boonoshi daggoochee curo tuneꞌi echetinaꞌo ittoshi gijjoon boggemminaꞌone. Ebiyoo meeti ashi damoon ittoshi ukkitoyich, wotta maaco manjiꞌi showee toommonaa katemoonooch beeti asheenaꞌo toommooch ittoshi tuniiti mooyoyichiye.

Sofoniyaasi 2:9

Illa ebich, Israꞌeelee Nuggishoo, beeyechi Doono Yeeri ta tunoona wogehoye! Moꞌabee showoonaa Amoonee showoona Sodoominaa Gomoorina aalloommon aallemmone; ebi showoo, wochinnoon maayo colliyaani, kiikki oppo baach ceenniti, shuyo baach colleebeeti showoo tunemmone. Curo tuneꞌi echeti ta asheenaꞌo boonoshi hajjiton boggemminaꞌone; boonoshi showoonoo hajjemminaꞌone” iye.

Sofoniyaasi 3:15

Doono Yeeri ittoshi toommooch nalleeti nalloon tiijjitone; ittoshi etteenaꞌon yookkii kichitone. Israꞌeeleenaꞌochi Taatoo Doono Yeeri ittoshina tookkii beetone; ebich, ittoshi shattemmi gonde mooyo amolla aalloone.

Zakaariyaasi 2:11

Ebiyoobee aabooch meeti aageteenaꞌo Doono Yeer waan wottemminaꞌone. Bi asheenaꞌonoo tunemminaꞌone. Biyoo ittoshi daggooch beeyemmone. Ittoshiyoo ittoshi waan taan wocheto Beshe Mawe Doono Yeeri tunoon ariyemmo ittoshine.

Zakaariyaasi 2:8

Ittoshi achooch shaggimmo ta aafee aachoon kochite getone” iye. Aroochee Beshe Mawe Doono Yeeri bi asheenaꞌon boggiti aageteenaꞌoyich ishichi ta gettemmoyich gettiye:

Zakaariyaasi 4:9

“Hini kechi hecoon heccito Zerubabeeline; biyoo hini kexon hagi qanniyemmone. Aroochee boonoshi waan neen wochee daachiito Beshe Mawe Doono Yeeri ta tunoon ta asheenaꞌo ariyemminaꞌone.

Zakaariyaasi 6:15

Wohooch beetinaꞌo waaree Doono Yeerichi yaafee kechi shuunoon gaachemminaꞌone. Beshe Mawe Doono Yeeri taan wocheto bi tunoon ebiyooba ariyemo ittoshine. Ittoshi Nuggishoo Doono Yeerichi qaaroyich mulloochee tiijjiꞌi deꞌa ittoshi getigaata ebi tunemmone” iye.

Zakaariyaasi 9:15

Beshe Mawe Doono Yeeri boonoshin quyemmone. Boonoshi etteenaꞌonoo aalliyemminaꞌone. Etteenaꞌochi xeppellee xaqqoon neexxemminaꞌone; woyinee uyoon uchii masheti ashichoommon cookemminaꞌone. Boonoshi etteenaꞌochi damoo, deejjee damoo saanooch ceenniꞌi ufoommon ufemmone.

Yowannisi 13:19

“Ebi tunehooba aroo ta tunoon ariiree ittoshi iberiyemmoyich hanaach mooyo waataan beetaa ittoshich getteto taane.

Yowannisi 16:4

Ebin boonoshi tuniyemmi aabo waahooba, ittoshich ta getteton ittoshi shalligemmoyich, ebin ittoshich getteto taane” iye. “Ittoshina tookkaa batt ta beetoyich, shiichaꞌa ittoshich ebin getaano taane.