Zakaariyaasi 2:8 - Kafa Linguistics Project

⁸ Ittoshi achooch shaggimmo ta aafee aachoon kochite getone” iye. Aroochee Beshe Mawe Doono Yeeri bi asheenaꞌon boggiti aageteenaꞌoyich ishichi ta gettemmoyich gettiye:

Zakaariyaasi 2:8 ပူးပေါင်းရင်းမြစ်များ

Halloo 20:6

Yeeriyoo gumona biich ishichiye: “Xalle mulloona ne tuniyoon ariito taane. Tawoo wotta, ta aafooch gondoon ne tuniyaachemmonaa bi achooch ne shagaachemmonoyich, neen ta quyeto ebichiye.

2 Taateenaꞌo 24:2

Doono Yeeri Baabloonee ginee naayinaꞌon, Sooriyee ginee naayinaꞌon, Moꞌabee ginee naayinaꞌonaa Amoonee ginee naayinaꞌonon Yoyaqiiminaa Yihudee asheenaꞌonon boonoshi aalliyemmoyich daachiihe. Bi daachiito, bi guuninaꞌo tuneti keemechinaꞌona Yihudee showoon aalliyeechon bi gettiti keemo ceennemmoyichiye.

Shoddo 17:8

Ne aafee aachoochoommon taan quyebe; ne qoshee yiiroochoo taan aachibe.

Shaahiyoo 7:2

Ta geteenaꞌon quyeree kashoona beebe; ta sheeroonoo ne aafee aachoochoommon quyebe.

Isiyaasi 49:19

“Iberoochaa happeyaꞌa ashaalli shokkoon ne echetaa, qoccqoccimii tiishetin ne tunetaanoona, arooch beeyemminaꞌoyich xebbemmi neene; neen qooxxitinaꞌo ne waanee wokkemminaꞌone.

Erimiyaasi 12:14

Doono Yeeri ishichiye: “Ta maccoo tuneti Israꞌeeleenaꞌoyich ta immeti showoon yechiibeeti boonoshi gonde giyeenaꞌo bullin boonoshi showoochee waaxxemmo taane; Yihudee kechi asheenaꞌonoo boonoshi daggoochee shiwemmo taane.

Erimiyaasi 27:7

Bi showoo baroyich tunemmi aabo waammi wottoon aagetoo bulli biich, bi bushoonaa bi bushaa bushiisheenaꞌonoyich hajjeyemmone; aroyee gubb meeti aageteenaꞌonaa ogooge taateenaꞌona biin hajjemminaꞌone.

Hiziqeeli 25:12

“Nuggishoo Doono Yeeri ishichiye: ‘Edoomi Yihudee macceenaꞌochi toommooch nichoon bi gaaccitoyich, ebina xuꞌechon tunetone.

Hiziqeeli 25:15

“Nuggishoo Doono Yeeri ishichiye: ‘Filsixeemeenaꞌo mullooch mooyon yeshona Yihudee macceenaꞌochi toommooch nichoon boonoshi gaaccitoyich, bulli aaboon ettoon tuneꞌi aalliyoyich boonoshi qaawitoyich,

Hiziqeeli 26:2

“Ashi bushoocho, Xiroosi Yerusaalemi toommooch ishichitine: ‘Usha, macceenaꞌo giyiibeeti kellee tiishetane; bi gifeenaꞌoo wogallimiꞌi taach qecheetinaꞌone; bi tiishetoyich ta oogemmi taane’ itine.

Hiziqeeli 26:20

Wonnee asheenaꞌo beetooch, maash neen daachiyemmo taane; ne daggooch beeyemmo bi daneyaachemmoyich, oppooch kindii beetinaꞌona tookki wonna happeeti xaaꞌooch, deshi showooch ne beeyemmoyich tuniyemmo taane; ebich ashi beeyi xaaꞌoon tuneyaachemmi neene; kashechinaꞌochi showooch neech xaaꞌoo daneyaachemmone.

Hiziqeeli 35:5

“ ‘Ebiyoo wonnee tiijjiꞌi etto ittoshi tunetoyich, Israꞌeelee macceenaꞌon boonoshi xuuxee aabooba, ciireexi boonoshi sheeree aabooboo goraadoyich beshiiꞌi ittoshi immitoyichiye.

Hiziqeeli 36:11

Ashoonaa gijjoonon ittoshi toommooch woddiyemmo taane; boonoshiyoo woddemminaꞌone; aafemminaꞌone; wonnee ittoshi gooroommon arooch ittoshi beeyemmoyich tuniyemmo taane; aafichoyee beshoon gaawe mooyon ittoshich tuniyemmo taane; Doono Yeeri ta tunoon ariyemmo ittoshine.

Hiziqeeli 38:11

newoo ishichemmo neene: “Gayaalli gafeenaꞌooch damba kechemmo taane; uxeraalli, kelloonaa tuggoona aalli katemeenaꞌooch keqqaalloon diggoona beetinaꞌochi toommooch dihemmo taane.

Hiziqeeli 38:14

“Ebich ashi bushoocho, Googi toommooch ishichi keemoon keembe; Nuggishoo Doono Yeeri ishichiye: ‘Ta asheenaꞌo tuneti Israꞌeeleenaꞌo diggoona boonoshi beehooba, ne tiyemmo neene.

Amootsi 1:11

Doono Yeeri ishichiye: “Edoomee asheenaꞌo wochii wochii boonoshi shuuneti axaaxoyich, boonoshin naxeyaanoon qayaachemmo taane. Ebiyoo goraadoon yechiꞌi boonoshi maneenaꞌon boonoshi yookkii dabbitoyichiye. Boonoshichoo ariqqemmon qajjitinaꞌone. Boonoshi toommooch ippeechii wotteyaache iitinaꞌone.

Amootsi 1:13

Doono Yeeri ishichiye: “Amoonee asheenaꞌo wochii wochii boonoshi shuuneti axaaxoyich, boonoshin naxeyaanoon qayaachemmo taane. Ebiyoo boonoshi showee danoon gamichoyich koyaabee, Gilaad beeti yeqqefechi maacheenaꞌochi maacoon boonoshi gohii kichitoyichiye.

Amootsi 1:9

Doono Yeeri ishichiye: “Xiroosi asheenaꞌo wochii wochii boonoshi shuuneti axaaxoyich, boonoshin naxeyaanoon qayaachemmo taane. Ebiyoo manaamanittinee wogoon biichiꞌi, kecceti asho bullin Edoomee showooch boonoshi kemmitoyichiye.

Mikiyaasi 4:11

And illa, meeti aageteenaꞌo ittoshin kocha kiceetinaꞌone. Boonoshiyoo “Yerusaalemi eeꞌebuye; happaa bi aalloon no aafoona beeggemmo noone” ii beetinaꞌone.

Mikiyaasi 5:6

Boonoshiyoo Namiroodichi showoo tuneti Asooree showoon koyi wochiree hajjemminaꞌone; Asooreenaꞌo no showoon koyigaata, no showee daarooch shagigaata, bi boonoshi waanee noon wodiyemminaꞌone.

Mikiyaasi 7:10

“Ne Nuggishoo Doono Yeeri aaye?” iti ta etteenaꞌoo beeggemminaꞌone; oogichishoo yeellemminaꞌone. Gommeexi dengo koteeyoommon boonoshi kotee beetaa, tawoo ta aafoona beeggemmo taane.

Imbaaqoomi 2:17

Libanoosi mixon qeccee ittoshi aalliyoommon qeccetaa aallemmo ittoshine. Arooch beeti cooxinaꞌon wuxii ittoshi aalliitoyich keqqemmo ittoshine. Ebiyoo meeti ashi damoon ittoshi ukkitoyich, wotta maaco manjiꞌi showee toommonaa katemoonooch beeti asheenaꞌo toommooch ittoshi tuniiti mooyoyichiye.

Imbaaqoomi 2:8

Meeti aageteenaꞌo gijjoon ittoshi boggitoyich, boonoshi daggoochee curo tuneꞌi echetinaꞌo ittoshi gijjoon boggemminaꞌone. Ebiyoo meeti ashi damoon ittoshi ukkitoyich, wotta maaco manjiꞌi showee toommonaa katemoonooch beeti asheenaꞌo toommooch ittoshi tuniiti mooyoyichiye.

Sofoniyaasi 2:8

Beshe Mawe Doono Yeeri ishichiye: “Moꞌabee asheenaꞌonaa Amoonee asheenaꞌona ta asheenaꞌon coonee naageebee, boonoshi showoon yecha boonoshi miichoon waayeto taane.

Zakaariyaasi 2:11

Ebiyoobee aabooch meeti aageteenaꞌo Doono Yeer waan wottemminaꞌone. Bi asheenaꞌonoo tunemminaꞌone. Biyoo ittoshi daggooch beeyemmone. Ittoshiyoo ittoshi waan taan wocheto Beshe Mawe Doono Yeeri tunoon ariyemmo ittoshine.

Zakaariyaasi 2:9

“ ‘Ta mochoon ittoshi toommooch tiijjemmo taane. Guuno tuniiꞌi ittoshi hajjitinaꞌo wochiree ittoshin boggemminaꞌone’ gete” iye. Ebi tunehooba, Beshe Mawe Doono Yeeri, taan wocheto tunoon ariyemmo ittoshine.

Zakaariyaasi 8:5

Arooch kaachiibeeti anaami bushiisheenaꞌonaa maache bushiisheenaꞌona katemee addibaabeenaꞌooch ceennemminaꞌone” iye.

Milikiyaasi 3:1

“Ebiyoche, gommon ta aafooch qanniyemmi ta wocheyechon daachiyemmo taane. Ittoshi qaawiibeeti Doono diqqoona yaafee kexooch woyemmone. Ittoshi qaatiibeeti wocheyecho waaree ittoshina tookkaa ta giyeti wogoon ittoshich awaajjemmone” iye Beshe Mawe Doono Yeeri.

Maatiyoosi 25:40

“Taatoo wochiree, ‘Iberoon ittoshich gettoye: Bulliyee desho tuneti hini ta maneenaꞌoochee ikkoyichona ittoshi tuniito taach tuniyoommone’ gettemmone.

Maatiyoosi 25:45

“Arooba ‘Iberoon ittoshich gettoye: Bulliyee desho tuneti eboshi daggoochee ikkoyichona ittoshi tuniyee qayo taach tuniyee qayone’ getiree wochemmone.

Yowannisi 14:26

Tunebaani Nihoo Yeeri ta shigoona bi deejjemmi Yaafe Ayaano tuneti Kupphiyecho, aroo bulli mooyon ittoshich dojjemmone; ittoshich ta getteto bullin ittoshich shalligichemmone.

Yowannisi 17:18

Alemooch taan ne wochoommon, ebiyoommon tawoo alemooch boonoshin wocheto taane.

Mishiraachechinaꞌo 9:4

Sawuli bekkech showooch dihiichii, “Sawulo, Sawulo! Taan ne duꞌiibeeto amoyichiye?” iibeeti qaaroon waayehe.

Yibbaatoo 32:10

“Biyoo barahooch bi beetaa, amolla aalli shuuꞌi showooch bi beetaa, danehe. Bi guudoona guuddii quyeꞌi biin shiimee yechiye; bi aafee aachoochoommonoo biin quyehe.

2 Tasaloonqi 1:6

Yeeri nallemmi nalloo kaamoone; ittoshin xuuxii beetinaꞌo toommooch xuuxoon wochi gaaccemmone;

1 Yowannisi 4:14

Nihoo Yeeri bi Bushoon hini alemooch beetinaꞌon Wodiyecho bi tunemmoyich wochee bi deejjoon beeggeto noone; ebich miixaabeeto noone.