Zakaariyaasi 2:7 - Kafa Linguistics Project

⁷ “Baabloonee showooch beeti keceenaꞌote, Yerusaalem wottebote.

Zakaariyaasi 2:7 ပူးပေါင်းရင်းမြစ်များ

Halloo 19:17

Boonoshi kichitoyee gubb, ikke maraakoo Looxich ishichiye: “Wociree ittoshi kashoon wodiibote; gubb wotte ciinnaahote. Hini bakkoo aabiichona neexeyaahote; guudinaꞌooch keyiree wodibote. Ebi tuno qayigaata, ittoshicho qitii aalloone” iye.

Isiyaasi 47:1

Doono Yeeri ishichiye: “Baabloonee gidiideene, kindiree buttooch kotebe. Kalideenaꞌochi busheene, taatee qeenoochee kindiree showooch kotebe. Ebiyee bekk qeddi nire korootee, getaa ceekkeyaachemmi neene.

Isiyaasi 48:20

Baabloonee keyote; Kalidee showoochee gooyote; “Doono Yeeri bi guuno Yaaqobin biishetone” geti, ililoona showee toommo bulliich awaajjibote.

Isiyaasi 52:11

Doono Yeerichi yaafee kechi qiiceenaꞌon shaaggii beetinaꞌote, Baabloonee keyote; bi waanee baribote! Eeꞌe mooyon yechaahote. Aroochee keyiree ittoshi qelloon xalliibote.

Isiyaasi 52:2

Kecceti Yerusaaleme, tibe; ne quttoon tebbebe; kecceti Tsiyooni maache busheene, ne cucheti sansalatoon ne qettoochee biishe.

Erimiyaasi 50:8

“Baabloonee asheenaꞌo daggoochee xuuphi keyote! Kalideenaꞌo showoochee hambote; emmisheenaꞌo aafooch shiichiibeeti emmishee baaddeenaꞌoommon tunebote!

Erimiyaasi 51:45

“Ta asheenaꞌote, bi daggoochee keyote; Doono Yeerichi kaaree shiixxoochee ittoshi qelloon wodiibote.

Erimiyaasi 51:6

“Baablooni daggoochee keyi aallebote; ittoshi ikkikkoona ittoshi kashoon wodiibote; bi xuꞌee naboona aalleyaahote; hini Doono Yeerichi nichoon gaacci aaboone; bi kaalloon biich wochemmone.

Mikiyaasi 4:10

Yerusaalemi asheenaꞌote, maaxoo manjeti ureechoommon gaashiribee maacerebote; katemoochee keyiree xalle gaddooch kotemmo ittoshine; Baabloonee showooch hammemmo ittoshine. Tunebaani Doono Yeeri aroochaa ittoshi etteenaꞌo kishoochee ittoshin shiwe wodiyemmone.

Haddoo 16:26

Biyoo iiteenaꞌoyich “Ebi gonde asheenaꞌochi duukkaanoochee ittoshi wokkemmoyich, ittoshin qollehoye. Boonoshi axaaxoo bullina ittoshi aalleyaachemmoyich, boonoshicho tuneto bullin yechaahote” iye.

Haddoo 16:34

Boonoshi guudoona beeti Israꞌeeleenaꞌo bulli ebi asheenaꞌochi bunnoochee tiyitona, “Showoo noonoo qooxxemmone” iꞌi wocee aalleheete.

Mishiraachechinaꞌo 2:40

Meeti bare qaaroona boonoshich miixeebee, “Hini xumme shiijjeree toommooch woyemmi naxoochee ittoshi qelloon wodiibote” iꞌi ciicciye.

Yaaꞌoo 18:4

Aroochee daakkiꞌi ishichiibeeti bare qaaroon shimaayoochee waayeho: “Ta macceenaꞌote! Bi axaaxee daggooch ittoshi bacceyaachemmoyich, bi toommooch kindemmi naxoo ittoshin bi xaaqqaachemmoyich, bi waanee bari keyote!