Zakaariyaasi 2:13 - Kafa Linguistics Project

¹³ Doono Yeeri yaafeeti bi beeyi xaaꞌoochee tiyitone; ebich meeno taheti asho bulli bi aafooch minnakanna gettaaye.

Zakaariyaasi 2:13 ပူးပေါင်းရင်းမြစ်များ

2 Kiinoo 30:27

Aroochee qeesheenaꞌonaa Leweenaꞌona tiyiꞌi, asheenaꞌon diiriyeete. Doono Yeeriyoo waayehe. Boonoshi corooto shimaayooch, Doono Yeeri beeyi xaaꞌooch shaggiye.

Shoddo 11:4

Doono Yeeri yaafeeti bi yaafee kexooch beetone; Doono Yeerichi taatee qeeno shimaayoochiye; bi aafo ashi bushiisheenaꞌon manjii ciinnii, boonoshi shuunoonoo maqqii arii beetone.

Shoddo 46:10

Kashebote; Yeeri ta tunoon ariibote; aageteenaꞌo daggooch oogemmo taane; showee toommooch oogemmo taane.

Shoddo 68:5

Yaafeeti bi xaaꞌooch beeti Yeeri, nihaalleenaꞌoyich nihoone; xuumeenaꞌoyich shaxoone.

Shoddo 78:65

Aroochee Doono Yeeri tokketoochee timoommon tiyiye; woyinee uyoon uchiti giidechi ashi cidoommon ciddiye.

Isiyaasi 14:2

Meeti aageteenaꞌo Israꞌeeleenaꞌon boonoshi showooch deeni daammemminaꞌone; Israꞌeelee yareenaꞌo aageteenaꞌon Doono Yeerichi showoochaa guunonaa gonneenon tuniiree hajjemminaꞌone; boonoshin keccitinaꞌon keccemminaꞌone; neexxii hajjitinaꞌon hajjemminaꞌone.

Isiyaasi 19:16

Arooba Gibitseenaꞌo maacheen shaahemminaꞌone; Beshe Mawe Doono Yeeri boonoshi toommooch bi mochoon bi tiijjimmona shati qewemminaꞌone.

Isiyaasi 41:1

“Buure showooch beetinaꞌote, taane cikki ellebote; asheenaꞌo boonoshi giidoon andiriibeete; ta waan gidderee yibbaatebeete; ikkittinoona nallee gabberooch giddebone.

Isiyaasi 51:9

Tibe, Doono Yeerichi mochoocho, tibe! Giidoon tahoochoommon tahebe; wonnee shiijjereenaꞌochi besheti yemeenooch ne tuniitoommon, tibe. Rahaabin muucmuucayito, dareboonoo kocheto, ne toono neene?

Isiyaasi 57:15

Beshoo, beshaa beshe oogoo, bulli yemeenoon beeyecho, bi shigo Yaafoo tuneto ishichii beetone: “Damba wohonaa yaafoona tuneti xaaꞌooch beehoye; tunebaani wotta boonoshi qelloon giishiitinaꞌonaa boonoshi mullo tiishetinaꞌona tookkaa beehoye. Ebiyoo boonoshi qelloon giishiitinaꞌon, boonoshi mullo tiishetinaꞌonoo kupphiyoyichiye.

Isiyaasi 57:5

Meellee mixinaꞌo daggoochaa, waajjechi michi baatoo bullinoochaa shunee mami qaatoona shallaaneebeeto ittoshine. Bamboochaa, xaqqee goggini daggoochaa ittoshi bushiishoon deejjiibeeto ittoshine.

Isiyaasi 63:15

Doono Yeero, yaafoonaa oogee yiirechona tuneti ne beeyi xaaꞌoo, shimaayoochaa dugilla ciine; ne qanaatoonaa ne giidoona aaye? Noon ne sharaatoonaa ne ariqqoona noyee wokkitone.

Erimiyaasi 25:30

“Ebich ne hini qaaro bullin boonoshi toommooch keembe; boonoshich ishichibe: ‘Doono Yeeri dambaa cookii beetone; yaafe bi beeyi xaaꞌoochaa bi qaaroon waayii beetone; bi bageenaꞌo toommooch oogichii cookii beetone; woyinoon hiiccii beetinaꞌochoommon, showooch beetinaꞌo bulli toommooch cookii beetone.

Imbaaqoomi 2:20

Tunebaani Doono Yeeri yaafoo tuneti bi yaafee kexooch beetone; showee toommooch beeti asho bulli bi aafooch minnakanna gettaaye.

Sofoniyaasi 1:7

Doono Yeerichi aabo shaggitone; Nuggishoo Doono Yeeri aafooch minnakanna gettaahote! Doono Yeeri bi asheenaꞌon gijjoon deejjoommon deejjiya qanniitone; Yihudee showoon boshemmi ettoon ceeggitone.

Sofoniyaasi 2:9

Illa ebich, Israꞌeelee Nuggishoo, beeyechi Doono Yeeri ta tunoona wogehoye! Moꞌabee showoonaa Amoonee showoona Sodoominaa Gomoorina aalloommon aallemmone; ebi showoo, wochinnoon maayo colliyaani, kiikki oppo baach ceenniti, shuyo baach colleebeeti showoo tunemmone. Curo tuneꞌi echeti ta asheenaꞌo boonoshi hajjiton boggemminaꞌone; boonoshi showoonoo hajjemminaꞌone” iye.

Sofoniyaasi 3:8

Ebich Doono Yeeri ishichiye: “Eke cikki beebote. Aagetee asheenaꞌo toommooch ta nallemmi aabo waatone. Ta kaaree shiixxoon boonoshi toommooch kindiyoyich, aagetee asheenaꞌonaa showee taateenaꞌonon kiciya maacceto taane. Ta kaaree aabooba, qaaqqoo aaxxoommon aaxxeebeeti ta qanaatee kaaroona showoo bulli mici aallemmone.

Zakaariyaasi 4:9

“Hini kechi hecoon heccito Zerubabeeline; biyoo hini kexon hagi qanniyemmone. Aroochee boonoshi waan neen wochee daachiito Beshe Mawe Doono Yeeri ta tunoon ta asheenaꞌo ariyemminaꞌone.

Zakaariyaasi 6:15

Wohooch beetinaꞌo waaree Doono Yeerichi yaafee kechi shuunoon gaachemminaꞌone. Beshe Mawe Doono Yeeri taan wocheto bi tunoon ebiyooba ariyemo ittoshine. Ittoshi Nuggishoo Doono Yeerichi qaaroyich mulloochee tiijjiꞌi deꞌa ittoshi getigaata ebi tunemmone” iye.

Roomi 3:19

Asho bulli noonoo bi wochaachemmoyich, alemo bulli toommooch Yeeri nallemmoyich, Muusichi Sheerooch kooreeto bulli ebi are sheeroyich hajjee beetinaꞌoyich gettiibeeto bi tunoon ariyaabeeto noone.

Roomi 9:20

Tunebaani haano ashoocho, ishichiree Yeerich wochemmo ne koni neene? Nuuqqoochee shuuneebeeti qiico shuuneton “Amoyich ebin tuniiꞌa taan shuunenne?” gettehe?

Yibbaatoo 18:21

“Newoo ne mulloona ‘Doono Yeeri getaani qaaro bi tunoon ariyoon aabichi hakkehone?’ ne getigaata,

Yibbaatoo 18:22

keemecho Doono Yeerichi shigoona getaa, are mooyo ceeno woyee iberoo tuno bi qayigaata, are mooyo Doono Yeeri ta getaani mooyone. Are keemecho aafee kupphoonane bi gettito; biin shattaahine” iye.

Yibbaatoo 26:15

Yaafoo tuneti ne kote xaaꞌoochaa, shimaayoochaa ciine. Ne asheenaꞌo tuneti Israꞌeeleenaꞌon diiribe; no qaabbechinaꞌoyich wogaꞌa ne gibenikkitoommon nooch ne immeti hini ejjoonaa eeyona xuupphiibeeti showoonoo diiribe’ gete” iye.