Zakaariyaasi 2:11 - Kafa Linguistics Project

¹¹ Ebiyoobee aabooch meeti aageteenaꞌo Doono Yeer waan wottemminaꞌone. Bi asheenaꞌonoo tunemminaꞌone. Biyoo ittoshi daggooch beeyemmone. Ittoshiyoo ittoshi waan taan wocheto Beshe Mawe Doono Yeeri tunoon ariyemmo ittoshine.

Zakaariyaasi 2:11 ပူးပေါင်းရင်းမြစ်များ

Shoddo 72:17

Bi shigo bulli yemeenoon manjiree beebe; bi mooyo getteebee aabo yagoommon yagibe. Aagetoo bulli biinna diireebe; aagetoo bulli biin “Diireetone” gete.

Keyo 12:49

Israꞌeelee shiijjeroyich tuneba ittoshi daggooch beeti shiqqoyich, ebi ikke sheeroo tunebe” iye.

Isiyaasi 45:14

Doono Yeeri ishichiye: “Gibitsee gaanno, Topphiyee giixee qiicoo ittoshicho tunemmone; neexi genje Saabee asheenaꞌo ne waan waaree, neech hajjeyemminaꞌone; sansalatoona cuyaa waaree neen dabbemminaꞌone; neen qollebee neech goyinneree: ‘Yeeri beeto neenna tookkiiniye; biyee bare nuggishoo aalloone’ gettemminaꞌone” iye.

Isiyaasi 48:16

“Ta waan katiniree ebin waayebote: Wonnee tiijjaꞌa aashoona yibbaateyaano taane; bi tuneti aaboochee tiijjaꞌa ta arooch beeto taane” iye. Andoo Nuggishoo Doono Yeerinaa bi Ayaanoona taan wochee deejjitone.

Isiyaasi 52:10

Doono Yeeri yaafe bi mochoon, aageteenaꞌo bullich bekkiyemmone; showee tuggeenaꞌo no Nuggishoochi wodiyoon beeggemminaꞌone.

Isiyaasi 52:11

Doono Yeerichi yaafee kechi qiiceenaꞌon shaaggii beetinaꞌote, Baabloonee keyote; bi waanee baribote! Eeꞌe mooyon yechaahote. Aroochee keyiree ittoshi qelloon xalliibote.

Isiyaasi 66:19

boonoshi daggooch malletoon geddemmo taane; boonoshi daggoochee muriccitinaꞌon, ta mooyon waayeyaani, ta oogoon beegaani, aageteenaꞌo waan, Tarishesh, Fuux, shangoon awureebeeti Luudi asheenaꞌo waan, Tubaal, Yawaan, wohooch beeti buure showoochoo daachiyemmo taane; boonoshiyoo aageteenaꞌo daggooch ta oogoon awaajjemminaꞌone.

Erimiyaasi 16:19

Ta hakkoo, ta giidoo, iritee aabooboo ta deebo tuneti Doono Yeero, showee tuggoochee aageteenaꞌo ne waan waaree, “No qaabbechinaꞌo kootoon, duube mooyon, boonoshich gaacaani mooyon woraashitinaꞌone” gettemminaꞌone.

Erimiyaasi 50:8

“Baabloonee asheenaꞌo daggoochee xuuphi keyote! Kalideenaꞌo showoochee hambote; emmisheenaꞌo aafooch shiichiibeeti emmishee baaddeenaꞌoommon tunebote!

Hiziqeeli 33:33

Iberoochaa ebi bulli tunemmone; ebi tunehooba, boonoshi daggooch keemecho beemon ariyemminaꞌone” iye.

Mikiyaasi 4:2

Meeti aageteenaꞌo waaree ishichemminaꞌone: “Sheeroo Tsiyoonee, Yeerichi qaaroo Yerusaalemee bi kechii beetoyich, ittoshi waataa damba Doono Yeerichi guudooch, Yaaqobichi Nuggishoo yaafee kexooch hambone. Biyoo, bi gommon nooch dojjemmone; nowoo, bi bekkiiti boochoona hammemmo noone” gettemminaꞌone.

Zakaariyaasi 1:16

“Ebich Doono Yeeri ishichiye: ‘Ta ariqqoona Yerusaalem wotteto taane. Ta yaafee kexo wochinnoon arooch hakkemmone. Yerusaalem qellayee woderoo geecheyemmone’ iye Beshe Mawe Doono Yeeri.

Zakaariyaasi 2:5

Doono Yeeri ‘Ebi katemee guudoona qaaqqee uxeroon tunemmo taane; ta oogee yiiroona bi daggooch beeyemmo taane’ itone” iye.

Zakaariyaasi 3:10

Beshe Mawe Doono Yeeri ishichiye: “Ebiyooba ittoshi asho bi ikkikkoona bi woyinoonaa bi balaasoonochi baatooch tuneechi bi giyoon ataallemmone” iye.

Zakaariyaasi 8:3

Doono Yeeri ishichiye: “Tsiyooni katemooch wottemmo taane; Yerusaalem beeyemmo taane; Yerusaalemiyoo Gibeneeti Katemee, getaa ceekkemmine. Beshe Mawe Doono Yeeri ta guudo Yaafeeti Guudo getaa ceekkemmone” iye.

Zakaariyaasi 8:8

Yerusaalem boonoshi beeyemmoyich boonoshin wochi deebemmo taane. Boonoshiyoo ta asheenaꞌo tunemminaꞌone; tawoo gibeneeti, cadiqe boonoshi Nuggishoo tunemmo taane” iye.

Milikiyaasi 1:11

“Aabi keyoochee aabi gimooch beddaahaa beeti aageteenaꞌo ta shigoon oogii beetinaꞌone. Bulli xaaꞌoochaa ta shigoyich ixaanoon shookkiibee xalle deejjoon taach giddii beetinaꞌone. Boonoshi bulliyoo ta shigoon oogii beetinaꞌone” iye Beshe Mawe Doono Yeeri.

Yowannisi 17:21

Ta qollaabeeto, boonoshi bulli ikkottemmoyichiye; taan ne deejjoon alemo iberiyemmoyich, ta Nihoocho, ne taanna ne beemoommon, tawoo neenna ta beemoommon, ebiyoommon wotta boonoshi noonna beebeete.

Yowannisi 17:23

Hini oogee yiiroon ta immeto, ‘Tawoo boonoshina ta tunoona, newoo taanna ne tunoona bulli ikkoo tunebeete’ getoyichiye. Ebina taan wochaa ne deejjoon, taanoo ne shunnetoommon boonoshin ne shunon alemo ariyemmone.

Yowannisi 17:25

“Cadiqe ta Nihoocho, alemo neen ariyaanoone; tunetaa ta neen ariito taane; eboshiyoo taan ne deejjoon ariitinaꞌone.

Mishiraachechinaꞌo 28:28

“Illa hini Yeeri bi wodiyee wochoon Aageteenaꞌoyich bi daachiyoon ariibote; boonoshiyoo waayee beetinaꞌone” iye.

Yaaꞌoo 11:15

Shabaattinnee maraakoo tiroon huggiye; shimaayoochaa “Showee toommeexi taatittino bulli no Doono Yeericho, bi kaacciti Kiristoosicho tunetone; bulli yemeenoon taatemmone” ii beeti ogooge qaareenaꞌon waayeho.