Zakaariyaasi 14:20 - Kafa Linguistics Project

²⁰ Ebiyooba haresheenaꞌochi qetteexi qaaxillooch “Doono Yeerich Yaafeeto” ii beeto qiicaa kooreyemmone. Doono Yeerichi yaafee kexooch beeti, eboshiyoo maayi kachiyoyich gaacciibeeti gubeenaꞌo, deejjee gudee ciinooch beeti quppe saaneenaꞌochoommon yaafeetinaꞌo tunemminaꞌone.

Zakaariyaasi 14:20 ပူးပေါင်းရင်းမြစ်များ

1 Taateenaꞌo 7:50

xoofeenaꞌo, qafeteenaꞌo, quppe saaneenaꞌo, ixaanee qiiceenaꞌo, qaaqqee buno yecheyemmi qiiceenaꞌo; Yaafe Xaaꞌeexi Yaafooch giyeebeeti kellee shaaqqeenaꞌonaa yaafee kechi kella giyeebeeti kellee shaaqqeenaꞌonochi aachee maaxaafeenaꞌonane.

2 Kiinoo 4:8

Wotta aashire madelloon shuuniiꞌi, uuchoon deshi-waan, uuchoon dambi-waan, yaafee kechi maacooch kotiihe. Balle quppe saaneenaꞌonoo aachoochee shuuniihe.

Shoddo 110:3

Koyooch ne keyiyooba, ne asheenaꞌo boonoshi qelloon neech beshii immemminaꞌone; gurimaashe ne asheenaꞌo haree doshoo (caagibano) kindoommon, yaafeeti geppooch, ne waan woyemminaꞌone.

Keyo 25:29

Yalle saaneenaꞌonaa shaateenaꞌonon, ebiyoommon wotta uyee deejjoon ukkoyich tunemmi koddeenaꞌonaa quppe saaneenaꞌonon xalle aachoochee shuunebe.

Keyo 37:16

Madelloyich tunemmi qiiceenaꞌo, eboshiyoo yalle saaneenaꞌonaa shaateenaꞌonon, ebiyoommon wotta uyee deejjoon ukkoyich tunemmi koddeenaꞌonaa quppe saaneenaꞌonon xalle aachoochee shuunehe.

Keyo 39:30

Yaafeeti gubbichee gengoon xalle aachoochee shuuneꞌi, bi toommooch “Doono Yeerich Yaafeeto” ii beeton qiicii kooriyeete.

Isiyaasi 23:18

Giixoochee bi danemmi gijjoo bulli Doono Yeerich kechemmone; ebiyoo koteyaachemmone; bi shimo Doono Yeeri aafooch maddee beetinaꞌoyich, beshaa beshe maayoonaa gaawe tahoonooch heechemmone.

Isiyaasi 52:1

Tsiyoone, tibe, tibe! Giidoon tahoochoommon tahebe. Yaafeeti katemee Yerusaaleme, kitte ne tahoon tahebe. Ebiyee bekk dokireyaanoonaa eeꞌoona, ne waan giyaachemmone.

Erimiyaasi 31:40

Dubenee bamboo bulli, tulloo duppeebeeti bamboo bulli, Qedirooni aacooch beddaahaa, aabi-keyo waan beeti Hareshee Kellee danooch beddaahaa beeto bulli Doono Yeeri taach yaafeeto tunemmone. Ebiyee bekk bulli aabooch Yerusaalemi waacheyaachemmine; happeyaachemmine” iye.

Hiziqeeli 45:1

“Showoon iristo tuniiꞌi ixoona ittoshi qoodii beegaata, yaafeeti ikke ixee showoon Doono Yeerich kichibote; bi gidoo hiyaa uuche hume hiroo, bi maaco hiye hume hiroo tunebe; bi guudo bulli yaafeeton tunemmone.

Leweenaꞌo 6:28

Meeno kiicheti qondoo tiichebe. Xuuroochee shuuneeti qiico bi tunegaata gaawichi mayaa aacona qeqqicheebe.

Leweenaꞌo 8:9

Qelli caacoon bi qellooch caacciye. Ebi qelli caacee aafaa Harooni Doono Yeerich barito bi tunoon bekkiibeeti, aachoochee shuuneeti gubbichoon geddiye. Ebi bullin Doono Yeeri biich gettitoommon tuniiꞌi shuunehe.

Abidiyi 1:17

“Tunebaani Tsiyooni guudi toommooch, aalloochee muriccitinaꞌo danemminaꞌone; ebi xaaꞌoo yaafe xaaꞌoo tunemmone; boonoshi hajjoo tuneti showoon Yaaqobichi asheenaꞌo wochinnoon woraashemminaꞌone.

Sofoniyaasi 2:11

Doono Yeeri boonoshin keqqichemmone; showee toommeexi nuggisheenaꞌon muujjiyemmone. Showee toommooch beeti aagetee asheenaꞌo bulli, boonoshi showi showooch beechi biich goyinnemminaꞌone.

Zakaariyaasi 14:19

Gibitsee asheenaꞌonaa Bashee (Yambaaree) Baaroon baaraani aageteenaꞌo bullina sheereyemmi sheeroo ebine.

Zakaariyaasi 8:3

Doono Yeeri ishichiye: “Tsiyooni katemooch wottemmo taane; Yerusaalem beeyemmo taane; Yerusaalemiyoo Gibeneeti Katemee, getaa ceekkemmine. Beshe Mawe Doono Yeeri ta guudo Yaafeeti Guudo getaa ceekkemmone” iye.

Zakaariyaasi 9:15

Beshe Mawe Doono Yeeri boonoshin quyemmone. Boonoshi etteenaꞌonoo aalliyemminaꞌone. Etteenaꞌochi xeppellee xaqqoon neexxemminaꞌone; woyinee uyoon uchii masheti ashichoommon cookemminaꞌone. Boonoshi etteenaꞌochi damoo, deejjee damoo saanooch ceenniꞌi ufoommon ufemmone.

Milikiyaasi 1:11

“Aabi keyoochee aabi gimooch beddaahaa beeti aageteenaꞌo ta shigoon oogii beetinaꞌone. Bulli xaaꞌoochaa ta shigoyich ixaanoon shookkiibee xalle deejjoon taach giddii beetinaꞌone. Boonoshi bulliyoo ta shigoon oogii beetinaꞌone” iye Beshe Mawe Doono Yeeri.

Haddoo 4:14

Deejjee gudoyich gaacciibeeti qiico bullin, eboshiyoo qaaqqee buno yecheebeeti qiiceenaꞌon, gomeenaꞌon, tulloo ucheebeeti maankeenaꞌonaa quppe saaneenaꞌonon aree toommooch kotiibeete. Eboshi toommooch gaawichaa qucheti gooqqoon qeribeete; yareenaꞌonoo boonoshi xaaꞌooch giijjibeete.

Haddoo 4:7

“Yaaree kochi madellee toommooch shimaayite qoreddoon yaggibeete. Aree toommooch yalle saaneenaꞌon, ixaano geddeebeeti shaateenaꞌon, quppe saaneenaꞌon, ebiyoommon wotta uyee deejjoon giddiyoyich tunemmi koddeenaꞌon gedeete; kuxeyaanoon bulli aaboon geddeebeeti koshonoo arooch kotiibeete.

Haddoo 7:13

Bi giddiiti wojjoo, yaafee kechi machoona qocaa, balli shaashe sheqeelee birewoona shuuneeti ikke yalle saano, shabe sheqeelee birewoona shuuneeti ikke quppe saano, maayi buuroyich, ebi saaneenaꞌooch ceenniti, zayitoona xirikketi qacini buddino,

Haddoo 7:19

Bi giddiiti wojjoo, yaafee kechi machoona qocaa, balli shaashe sheqeelee birewoona shuuneeti ikke yalle saano, shabe sheqeelee birewoona shuuneeti ikke quppe saano, maayi buuroyich, ebi saaneenaꞌooch ceenniti, zayitoona xirikketi qacini buddino,

Luqaasi 11:41

Ittoshi xoofoonaa shaatoonooch beeton amolla aalloyich wojjibote; arooba bulli mooyo ittoshich xallemmone.

Mishiraachechinaꞌo 10:15

Wotta guttinnoon “Yeeri yaafiton ‘Yaafoo tuneyaanoone’ gettaaye” ii beeti qaaroon waayehe.

Mishiraachechinaꞌo 10:28

Biyoo boonoshich ishichiye: “Ayihudeenaꞌo Aageteenaꞌona tookkii ikkotto woyee boonoshi kexooch gimo Muusichi Sheeree shaaddoo tunoon ariibeeto ittoshine. Tunebaani asho koninolla ‘Yaafoo tuneyaanoone; eeꞌoone’ ta getaachemmoyich Yeeri taach shiichiꞌi bekkiitone.

Mishiraachechinaꞌo 11:9

“Guttinnoon ‘Yeeri yaafiton “Yaafoo tuneyaanoone” gettaaye’ ii beeti qaaro shimaayoochee wochiye.

Mishiraachechinaꞌo 15:9

Yeeriyoo Yesuusi toommooch mulloon boonoshi tooꞌiyoona boonoshi mulloon axaaxoochee xalliitone; ebich noonnaa boonoshinon barbariyaanoone.

Qolaasiyaasi 3:17

Nihoo Yeerin Kiristoosina galletebee, ittoshi yibbaateebeeti yibbaatoon woyee ittoshi shuuneebeeti shuunoo bullin Doono Yesuusicha getiree tuniibote.

1 Pheexiroosi 2:5

Ittoshi giddemmo, kashechi xaqqoommon ayaanee kexon tuneꞌi hakkeyoyichiye. Ebina Yesuus Kiristoos waanaa emirikkiibeeti ayaanee deejjoon Yeerich giddiyoyich, yaafeeti qeesheenaꞌon tunemmo ittoshine.

1 Pheexiroosi 2:9

Tunetaa manderoochee keyiree worganikkiti bi bekkooch ittoshi giyemmoyich, ittoshin ceeggiti Yeerichi deꞌittinoon ittoshi gettemmoyich, kaacheti shiijjeroo, taatoo Yeerich maddeebeeti qeeshoo, yaafeeti aagetoo, bi hajjoo tuneti yoodo ittoshine.

1 Pheexiroosi 4:11

Yesuus Kiristoos waanaa mooyo bullina Yeeri oogemmoyich, Yeerichi qaaroon gettiibeeti asho koniyoona bi tunegaata, Yeerichi qaaroon bi gettemmoyich wocheeti ashoochoommon gete; maddeebeeto bi tunegaata, “Yeeri taach immiibeeti giidoonane ta maddaabeeto” getiree maddebe; oogee yiiroonaa giidoona bulli yemeenoon Yeerich tunebe. Ameena.

Yaaꞌoo 1:6

bi Nuggishoonaa bi Nihoona tuneti Yeerich maddeebeeti qeeshoonaa bi taatee ashoonon noon tuniiti Yesuus Kiristoosich bulli yemeenoon oogee yiiroonaa giidoona tunebe. Ameena.

Yaaꞌoo 20:6

Qitoochee shiichiree tiyemminaꞌo diireetinaꞌonaa yaafeenaꞌonane; guttinnee qitoo boonoshi toommooch giidoon daneyaachemmone. Boonoshiyoo Yeerinaa Kiristoosinochi qeesheenaꞌo tunemminaꞌone; Kiristoosina tookkiree hini hume naton taatemminaꞌone.

Yaaꞌoo 5:10

boonoshinoo no Nuggishoyich maddeebeeti qeesheenaꞌonaa bi taatee asheenaꞌonon tuniito neene; showee toommoochoo taatemminaꞌone” iyeete.

1 Saameeli 2:14

shaallaatee daggooch woyee distee daggooch woyee gubee daggooch woyee shexxee daggooch, ebi keejje gashechi gomoon bi daachiitaa, bi yechii kechiti meeno bulli qeeshoyich tunee beehe. Deejjoon deejjiya Shilooha waabeeti Israꞌeeleenaꞌo bulli toommooch ebiyoommon tunii beeheete.